Yahya 11:33 - Alkitab Duri

³³ Ia tonna kitami Puang Isa to Maryam mbating sola to to-Yahudi nasolan ratu, massemi penawan-Na namaranna'.

Yahya 11:33 ပူးပေါင်းရင်းမြစ်များ

Markus 3:5

Nakita mengguririkmi Puang Isa tuu lako tau na magalli, apa masse tooi penawan-Na, nasaba' totangmangpesa'ding ngasanni. Nakuanni joo tomate sangbali limanna, “E'te'i tuu limammu!” Nae'te'mi to limanna, namelo pole'mo.

Markus 9:19

Mebalimi Puang Isa nakua, “Takkaliwa' ngasan kamu' tee! Tangmatappa' to tau too allo! Piranpara masainna la kunii torro, to la minii mpa'dikki penawang-Ku'. Bawai mai tuu pea.”

Yahya 11:19

Buda to-Yahudi ratu la mpakatana Marta sola Maryam, sanga ia joo kamateanna sile'tona.

Yahya 11:31

Ia to to-Yahudi nasolan Maryam jio bola la mpakatanai, ngkita Maryam ta'pa ke'deh male, naundi toda messun, nasaba' nasangai kumua la malei lako liang nambating jio.

Yahya 11:34

Mekutanai Puang Isa ngkutanaii joo to-Yahudi nakua, “Umbora minii llamunni?” Mebalii nakua, “Tamalemo ngkitai.”

Yahya 11:35

Nakumarrak to Puang Isa.

Yahya 11:38

Maranna' pole'i Puang Isa, namale lako liang. Liwa' tonggo joo liang, naditungu'i batu to babana.

Yahya 12:27

Nakua Puang Isa, “Gaja liah penawang-Ku'. Apara to la kupau tee too? La kukuaraka, ‘Oo Ambe', pasalama'na' jio mai tee kamaparrisan’? Te'da, sanga iamo joo nasuanna' Ambe'-Ku', angkuratu.

Yahya 13:21

Ia tonna mangkamo Puang Isa mpaui joo, liwa'mi maliah penawan-Na, anna kumua, “La miingaran tee kadang-Ku' kumua, den kamu' mesa' la mpangpejokkoanna'!”

Roma 12:15

La pada parannu kamu' sola to toparannu, pada kamu' kumarrak ke denni to tokumarrak.

Ibrani 4:15

Ia joo Imang Lompota' naissen to katangpakulleanta', sanga mangkami dipengkulle-kullei disede mpugauk dosa susi kita', apa te'da napugauk dosa.