Yahya 11:11 - Alkitab Duri

¹¹ Susimi joo kadan-Na Puang Isa. Mangkai joo too, nakuanmi to anak gurun-Na, “Mamma'mi sile'tota' Lazarus, apa la malena' mpami'cokki.”

Yahya 11:11 ပူးပေါင်းရင်းမြစ်များ

Daniel 12:2

Buda to tomatemo la tuo pole'. Den to totuo pole'mo, la tuo te'da anggena, na den too to la disessa te'da anggena.

Matius 27:52

na ia to liang titimbak na buda batang rabuk tomatappa' tonna anu' dipatuo pole'.

Matius 9:24

Nakuanmi Puang Isa tuu lako tau, “Messun ngasan kamu'! Te'dara namate tee pea, apa mamma'ri.” Napetawa-tawaimi tau.

Markus 5:39

Mentamami bola, namekutana nakua, “Ciapari mimarongka gaja sikarrakan? Te'da ia namate, apa mamma'ri!”

Yahya 11:10

Na ia ke lumingka bongii to tau, titodoi, nasaba' te'da nnarrangngii.”

Yahya 11:12

Nakua to anak gurun-Na, “Oo Puang, ia ke mamma' bang unari, la malagah ia.”

Yahya 11:13

Apa ia to nasanga Puang Isa mamma', battuananna mate. Na ia to napikkiri' anak gurun-Na, mamma' tongan.

Yahya 11:3

Ia joo sile'tona dua baine ngkiringanni kareba Puang Isa nakua, “Oo Puang, ia to totapakamoja', masakii.”

Yahya 3:29

Susinna jio pangmaroasan tobotting, tobotting muane ia to majao, sanga ia puangna tobotting baine. Ia to soba'na mesa' ke'deh nasikandoppitan, liwa' sannang ssa'dingngi to gamaranna tobotting muane. Ia tee aku' susira' soba'na tee tobotting muane. Liwa'na masannang tee too, nasaba' budamo tau ratu lako Puang Isa.

Jamanna Rasulu' 7:60

Namane' mengguntu' naandongngii mangkada nakua, “Oo Puang, danggi' dikka' tapapassannii to dosana tee tau!” Mangkanna mangkada susi joo, matemi.

1 Korintus 15:18

Na ia to Tosarani matemo, la dipatama naraka.

1 Korintus 15:34

Mangngingaran melo kamu', na danggi'mo mipugauk dosa. Sitonganna la mipumasiri' to kumua, denpa tau lan tangnga-tangngami to te'dapa naissen Puang Allataala.

1 Korintus 15:51

Ingaranni tee, to tangnaissen tau kumua, te'dapa tamate ngasan ke ratu pole'i Puang Isa, apa la dipupembalik ngasanni to batang kaleta'.

Efesus 5:14

Nasaba' ia to pakkaeloran-Na mpaissennii joo tau. Iamo joo naden dipau kumua, “Ee, iko to mamma'na, mi'cikmoko, ammutuo pole' jio mai kamatean, anna la napamanassanko Almaseh to pakkaeloran-Na Puang!”

1 Tesalonika 5:10

Mangkami mate ssulleki', dikua ianna ratu pole' la tuoki' sola, la lako kita' to tuo unapa, la lako to tojolomo lako.

Yakub 2:23

Susimi joo najaji to aya' diuki' lan Sura' Allataala kumua, “Ia to Nabi Ibrahim dipupenjaji tomeloi, sanga matappa'i lako Puang Allataala.” Iamo joo nadisanga, “Soba'na Puang Allataala.”