Yahya 10:27 - Alkitab Duri

²⁷ Nasa'ding bembala'-Ku' to gamarang-Ku'. Na kuissenni, naundi ngasanmi lako Aku'.

Yahya 10:27 ပူးပေါင်းရင်းမြစ်များ

Matius 16:24

Mangkadami Puang Isa lako anak gurun-Na nakua, “Ia to tolanturu'na', te'da nalanturu'i bang pakkaeloran penawanna, apa la mpassan kaju sitambenna, naturu' tarruhna'.

Matius 17:5

Ia tonna mangkada unapa Petrus, ratumi to saleu' macorrang mbombonnii sola ngasan na den gamara nasa'ding lan mai nakua, “Iamo tee to Anak kupakamoja' to mpamasannangna'. Pesa'dingngii!”

Matius 25:12

Apa mebalii joo tobotting muane nakua, ‘Te'da lalo kuissen kamu'!’ ”

Matius 7:23

Apa la kukuan pissenri, ‘Ee togaja', palai kamu' ntee! Tangngia kamu' taung-Ku'!’ ”

Markus 10:21

Massemi penawan-Na Puang Isa ngkitai joo tau anna mangkada nakua, “Mesa'pa to parallu la mupugauk. Malemoko mbaluk ngasanni to ewananmu, ammubenni tokaasi-asi to allinna, mumane' nnampa' kasugiran jao suruga. Ianna mangkamo joo mupugauk, undimoko nturu'na'.”

Markus 8:34

Mangkai joo too, natambaimi Puang Isa to tobuda nasirempun sola to anak gurun-Na, nakuanni, “Ia to tolanturu'na', te'da nalanturu'i bang pakkaeloran penawanna, apa la mpassan kaju sitambenna, naturu' tarruhna'.

Lukas 13:27

Apa la nakuan pole' kamu' joo ampu bola kumua, ‘Ee togaja', palai kamu' ntee! Te'da kuissenni topole umbora kamu'.’

Lukas 9:23

Nakua omo Puang Isa lako tobuda, “Ia to tolanturu'na', te'da nalanturu'i bang pakkaeloran penawanna, apa allo-allo la mpassanni kaju sitambenna, naturu' tarruhna'.

Yahya 10:14

Aku'mo tomangrewa makanana'. Susi Ambe' nnissenna', na Aku' nnissen Ambe', susi toda Aku', kuissen ngasan to bembala'-Ku' na ia ngasan toda nnissenna', na mpangbenna' sunga'-Ku' ssulle bembala'-Ku'.

Yahya 10:16

Den unapa bembala' laen, to bembala'-Ku' toda, apa te'da ia napole lan mai ntee bala. Na la kusolan toda, nasa'dingngi to gamarang-Ku', namangmesa sola ngasanni na mesa'ra tomangrewana.

Yahya 10:8

Sininna to toratu jolo na Aku', iamo taboko ba'tu parampo', apa te'da napesa'dingngii bembala' to gamaranna.

Yahya 12:26

Inda-inda kamu' to madoang mpangjamanna', la undii lako Aku', anna umbo-umbo kunii male, jio todai. Ia to tompangjamanna' la naangga' Ambe'-Ku'.”

Yahya 21:22

Mebalimi Puang Isa nakua, “Ia ke la madoangna', moi ia tuopa kuratu pole' keanu', tangngia iko issenmu. Apa ia to iko, undiko nturu'na'!”

Yahya 5:25

La miingaran kumua, la nadete'mi wattunna, na sitonganna wattunnami tee too, kumua ia to tomate la ssa'ding gamarang-Ku', tee Aku' Anak Allataala, na ia to tossa'dingngi la tuo pole'.

Yahya 8:12

Mangkada pole' omi Puang Isa lako tobuda nakua, “Aku'mo arrang to nnarrangngi penawanna tolino. Ia to tonturu'na', te'da nalalumingka lan kamalillinan, apa la nnampui arrang to mbenni katuoan.”

Yahya 8:43

Manassa iamo nate'da mipahangngi to buangan kadang-Ku', nasaba' cia' kamu' mpesa'dingngi pangngajaran-Ku'.

Jamanna Rasulu' 3:23

Ia to tau te'da napesa'dingngii to apa napau joo nabi, la disarakki jio mai umma'-Na Puang Allataala na disabu'i.’

1 Korintus 8:3

Apa ia to mpakamoja' Puang Allataala, to naissen ia Puang Allataala.

Galatia 4:9

Apa ia tee too, umbora mikua mimadoang bangpa mengkaunan pole' lako tuu lako dewata, na miissenmo to Puang Allataala, ba'tu la'bih manassa ke dikua naissenmo kamu' Puang Allataala. Mipugauk bang unapa to mpattantu allo, bulan, wattu, na taun minii mangmaroah-roah. Na ia tuu lako dewata te'da bua'na na te'da nakullei mpupenjaji kamu' tomelo.

2 Timotius 2:19

Apa ia to pangngajaran tongan jio mai Puang Allataala susi pondasi mawatang to te'da nalatiroge. Den diuki' jio ntuu joo pondasi nakua, “Naissen Puang to taun-Na” sola “Te'damo nawa'ding mpugauk kagajatan to tomangngaku kumua, ‘Taunnana' Puang Allataala.’ ”

Ibrani 3:7

Iamo joo susi to napau Roh Allataala lan Sura' Allataala kumua, “Ia tee too, ke misa'dingngi to gamaran-Na Puang Allataala,

Pengkitanna Yahya 14:4

Melo tuu lako tau, sanga te'da lalo ia nasola baine. La undi bang lako Anak Bembala', moi umbo nanii male. Ia to tau, mane' iara to dipasalama' dipasusi bungah bua dipangben lako Puang Allataala na lako Anak Bembala'.

Pengkitanna Yahya 3:20

Pesa'dingngii tee! Ke'dehna' jio pelalan messa'da. Ianna den tau ssa'dingngi to gamarang-Ku' natimbakanni, mentamana' ssitammuanni angkikumande sola.