Yahya 10:25 - Alkitab Duri

²⁵ Mebalii Puang Isa nakua, “Mangkamo kamu' kupauan, micia' matappa'. Ia to panggaukan kupugauk mpake kuasan-Na Ambe'-Ku', iamo mpamanassana'.

Yahya 10:25 ပူးပေါင်းရင်းမြစ်များ

Yahya 10:32

Apa nakua Puang Isa ngkuanni, “Budamo to panggaukan melo mikita mangka kupugauk to nasuanna' Ambe'-Ku'. Panggaukan umbonnara to sipato' la minii lekko'na' batu?”

Yahya 10:37

Ia ke la te'dai kupugaukki to jaman nasuanna' Ambe', danggi' mikatappa'ina'.

Yahya 10:38

Apa ia ke kupugaukmi joo jaman nasuanna', micia' ngkatappa'ina', ia bangmo joo jaman kupugauk mikatappa'i kumua jaman pole jio mai Puang Allataala. Na ia minii mpahang tonganni kumua Ambe' memmesa' sola Aku', na Aku' memmesa' sola Ambe'.”

Yahya 11:47

Iamo joo na ia to kapala imang, sola to-Farisi mpangpesuanni nasirempun to padanna Pangbicara Agama, nasipangkadai nakua, “Apamora la tapugauk? Nasaba' ia joo tau gaja budamo tanda mejangngaran mangka napugauk!

Yahya 12:37

Moi nabudamo tanda mejangngaran napugauk Puang Isa jio olona tobuda, apa cia'i ngkatappa'i.

Yahya 14:11

Katappa'ina' kumua Aku' memmesa' sola Ambe', na Ambe' memmesa' sola Aku'. Ia ke cia' kamu' ngkatappa'ii to kadang-Ku', wa'ding kamu' matappa' lako Aku' nasaba' mikitamo to jaman mangka kupugauk.

Yahya 20:30

Budapa tanda mejangngaran laen to napugauk Puang Isa jio olona anak gurun-Na, apa te'da nadiuki' lan tee sura'.

Yahya 3:2

Ratu bongii lako Puang Isa nakua ngkuanni, “Ee Guru! Kiissen kumua nasuaki' Puang Allataala ratu menjaji guru, nasaba' moi mesa' tau te'da ngkullei mpugauk tanda mejangngaran susi to tapugauk, ke te'da na Puang Allataala mpakuasai.”

Yahya 7:31

Apa buda too tau matappa' lako Puang Isa nakua, “Manassa kumua nang Raja Mangpasalama' Ia, sanga la'bih buda tanda mejangngaran napugauk na ia to tau laen.”

Yahya 8:12

Mangkada pole' omi Puang Isa lako tobuda nakua, “Aku'mo arrang to nnarrangngi penawanna tolino. Ia to tonturu'na', te'da nalalumingka lan kamalillinan, apa la nnampui arrang to mbenni katuoan.”

Yahya 8:24

Iamo joo kukuan kamu' kumua, la mate tangdidampangan kamu'. Na la mate tangdidampangan kamu', nasaba' te'da mikatappa'i to kadang-Ku' mpamanassai kumua, ‘Aku'mo to disanga DENNA'.’ ”

Yahya 8:56

Ia to tojolota' Nabi Ibrahim gaja sannang la ngkita allo karatuan-Ku'. Nakitamo tee too namasannangmo.”

Yahya 8:58

Mebalii Puang Isa nakua, “La mikatappa'i kumua, te'dapa nadijajian Nabi Ibrahim, na den memanmo'.”

Jamanna Rasulu' 10:38

Miissenmo kumua ia joo Puang Isa to-Nazaret mangkamo napilei Puang Allataala, naben tooi Roh Allataala sola kuasa. Miissen toomo kumua tuli malei mpugauk kameloan umbo-umbo nanii, na nnula'i setang lan mai kalena tonatamai, nasaba' Puang Allataala ssolanni.

Jamanna Rasulu' 2:22

Mpatarruhmi kadanna Petrus nakua, “Ee, tokupusile'to to-Israel! Pesa'dingngii tee kadangku'. Ia joo Puang Isa to-Nazaret mangkamo napilei naangka'i Puang Allataala menjaji Raja Mangpasalama' lako kalemi. Manassa joo, nasaba' nabenmo kuasa mpugauk tanda mejangngaran na tanda to te'da susinna lan tangnga-tangngami susi to miissenmo kamu'.

Ibrani 2:3

Apa pole'pi kita', ia ke te'da taingaran meloi joo Kareba Kasalamatan, tantu te'da talala'pah jio mai pangsessa. Sanga la'bih melo joo Kareba Kasalamatan na ia joo atoran naparatu malaeka' tonna anu'. Puang Isa Ia to bungah mpangpeissenanni, na mangkamiki' napauan tuu lako tobungah ssa'dingngi, antaissenni kumua tongan.