Yahya 10:16 - Alkitab Duri

¹⁶ Den unapa bembala' laen, to bembala'-Ku' toda, apa te'da ia napole lan mai ntee bala. Na la kusolan toda, nasa'dingngi to gamarang-Ku', namangmesa sola ngasanni na mesa'ra tomangrewana.

Yahya 10:16 ပူးပေါင်းရင်းမြစ်များ

Matius 17:5

Ia tonna mangkada unapa Petrus, ratumi to saleu' macorrang mbombonnii sola ngasan na den gamara nasa'ding lan mai nakua, “Iamo tee to Anak kupakamoja' to mpamasannangna'. Pesa'dingngii!”

Lukas 15:8

Nakua unapa Puang Isa, “Ia ke den baine nnampui sangpulo doi' pera', nata'de mesa', apara to la napugauk? Tantu mpadukkui lampu naparurui bolana, naangahhi sanaampa'na.

Yahya 10:11

Aku'mo tomangrewa makanana'. Ia to tomangrewa makanana' mpangben sunga'-Na ssullei to bembala'-Na.

Yahya 10:2

Apa ianna tomangrewa nnola babangan ia.

Yahya 10:27

Nasa'ding bembala'-Ku' to gamarang-Ku'. Na kuissenni, naundi ngasanmi lako Aku'.

Yahya 10:3

Ia joo tomangngampa babangan natimbakanni, namentama joo tomangrewa. Ia to bembala'na mpesa'dingngi to gamaranna, ke natambai simesa'-mesa'i to sanganna, nasolanni messun.

Yahya 10:4

Ia ke napasunmi joo bembala'na, jolomi lako lumingka joo tomangrewana, naundi to bembala'na nasaba' napegamarai to gamaranna.

Yahya 10:5

Cia'i meundi lako tolaen, apa la palairi, sanga te'da napegamarai.”

Yahya 11:52

Nate'da na to-Yahudi manda la nasulle, apa la napasirempun too napangmesai to taun-Na Puang Allataala to sisarak-sarakmo.

Yahya 17:20

Te'da na ia manda tee taun-Ta' kupassambajangan, apa kupassambajangan too to la matappa' lako Aku', ke napangpeissenanmi tuu lako taun-Ta' to Kareba Kasalamatan.

Yahya 6:37

Sininna to tonapangben Ambe' lako Aku', iamo la ratu lako kale-Ku'. Na moi inda ke ratumi, te'da kutanglantarimai.

Jamanna Rasulu' 15:14

Mane' mangkanna nacurita Simon Petrus kumua napangpekitanmo Puang Allataala to kameloan penawan-Na lako bangsa tangngia to-Yahudi, tonna mpilei umma'-Na lan mai tangnga-tangngana tonna tee.

Jamanna Rasulu' 18:10

nasaba' kusolan tarruhko. Moi mesa' tau te'da ngkullei la nnapako, sanga buda taung-Ku' lan tee kota.”

Jamanna Rasulu' 22:14

Mangkai joo too nakuanna', ‘Mangkamoko napilei Puang Allataala to nasompa tojolota', dikua ammuissenni to pakkaeloran-Na, ammukitai to Puang Isa ammussa'dingngi to gamaran-Na.

Roma 11:25

Ee todipusile'to! Denpa kareba to parallu miissen to te'dapa napangpeissenanni Puang Allataala lako tau tonna anu'. Madoangna' ammiissenni, anna danggi' mimajao penawa. Ia joo kareba iamo to kumua buda to to-Yahudi dipupembattuk penawanna. Na la susi bangngi joo to sipa'na, saganna'na to bangsa tangngia to-Yahudi dipasalama'.

2 Tesalonika 2:13

Ee, tomala'bihku' to napakamoja' Puang Isa! Tuli mangkurru sumanga'kan lako Puang Allataala nasaba' te'dapa nadipaden tee lino napilei jolomo kamu' Puang Allataala la napasalama'. Dipasalama' kamu', nasaba' kuasan-Na Roh Allataala mpilei kamu', napupenjaji kamu' tau mesan-Na, mikatappa'i tooi to pangngajaran tongan jio mai Puang Allataala.

Ibrani 13:20

Napatuo pole'mi Puang Allataala to Puangta' Puang Isa jio mai kamatean. Na ia tee too menjajimi Tomangrewa Tomala'bihta' rrewaiki' kita' to bembala'-Na, sanga kamatean-Na. Ia toomo joo kamatean-Na mpaassah basse te'da cappa'na to napaden Puang Allataala lako kita'. Iamo joo kumeta'da lako Puang Allataala to mpangben kamasannangan,

1 Petrus 2:10

Ia tonna jolona tangngiapa kamu' umma'-Na Puang Allataala, apa ia tee too menjaji umma'-Namo kamu'. Ia tonna jolona te'da miperasaii to kamamasean-Na Puang Allataala, apa miperasaimo tee too.

1 Petrus 2:25

Ia tonna jolona susi kamu' to bembala' lewa', apa ia tee too dipapolemo kamu' lako Tomangrewa to mpuinawa kamu'.

1 Petrus 5:4

Na ia ke nadete'mi wattu karatuanna pole' joo Tomangrewa Mala'bih, la naben kamu' paraseng kapataloan to cundallak tarruh te'da cappa'na.

Pengkitanna Yahya 3:20

Pesa'dingngii tee! Ke'dehna' jio pelalan messa'da. Ianna den tau ssa'dingngi to gamarang-Ku' natimbakanni, mentamana' ssitammuanni angkikumande sola.