Yahya 1:50 - Alkitab Duri

⁵⁰ Nakua Puang Isa, “Iara mumatappa' nasaba' kukuanko, ‘Kukitako jiong garonto' ara.’ Te'dapa nasipennapan joo mukitanna. Denpa to la'bih mala'bih na ia joo la mukita!”

Yahya 1:50 ပူးပေါင်းရင်းမြစ်များ

Matius 13:12

Nasaba' ia to tonnampuimo buda apa la dirangngannipa la'bih buda, anna kala'biran pissen. Apa ia to totangnnampui apa, ia to apa ci'di'mora naampui, la dialai pissen.

Matius 21:19

Ngkitami garonto' kaju ara jio randan lalan. Malemi lako, apa te'da bang buanna naampa', daunna mandari. Nakuanni joo garonto' kaju ara, “Mangpamula tee allo, te'damo mulamembua!” Ta'pa malajumi joo garonto' kaju ara.

Matius 25:29

Nasaba' ia to todenmo naampui, la dibenpa la'bih buda, na kala'bian pissen. Apa ia to tangnnampui apa, ia to apa ci'di'mora naampui la dialai pissen.

Lukas 1:45

Masannangko iko, nasaba' mukatappa'i kumua la jaji to apa napauanko Puang Allataala.”

Lukas 7:9

Jangngah Puang Isa ssa'dingngi joo kadanna. Messailemi anna mangkada lako tobuda to undi nturu'i nakua, “La miingaran! Liwa' matappa' tee tau! Te'dapa tau kuampa' kamatapparan susi tee, moi lan tangnga-tangngana to-Israel.”

Yahya 1:49

Nakua pole' omo Natanael, “Oo Guru, Anak Allataalaki'. Kita'mo rajana to-Israel.”

Yahya 1:51

Nakuapa Puang Isa ngkuanni tuu lako tau, “La miingaran tee kadang-Ku' kumua, la mikita to langi' titimbak na ia to malaeka'-Na Puang Allataala lao lisu jao mai langi' ratu lako Aku', Anak Mentolino.”

Yahya 11:40

Mebalii Puang Isa nakua, “Mangkako kupauan kumua la mukita to kamala'biran-Na Puang Allataala, ke matappa'ko!”

Yahya 20:29

Apa nakua Puang Isa ngkuanni, “Matappa'moko tee too, nasaba' mukitamo'. Masannang to tomatappa', moi te'da nakitana'!”