Yahya 1:49 - Alkitab Duri

⁴⁹ Nakua pole' omo Natanael, “Oo Guru, Anak Allataalaki'. Kita'mo rajana to-Israel.”

Yahya 1:49 ပူးပေါင်းရင်းမြစ်များ

Daniel 9:25

Ingaran meloi kumua mangpamula dipasun to parenta la mpemeloi pole' kota Yerusalem sanggenna ratu to to-Napilei Puang Allataala la mangparenta, den pitu manglokkon pitung taun na pitu manglokkon annanpulona dua taunna. La digaraga pole'i to lalan jio kota Yerusalem na la dibenteng mengguririk tooi, apa kamaparrisan la'da' joo wattu.

Matius 14:33

Nasuju'mi anak gurun-Na to Puang Isa. Namangkada nakua, “Kita'mo Anak Allataala.”

Matius 2:2

Namekutana to tau nakua, “Umbora nanii jaji to pea la menjaji rajana to-Yahudi? Kikita to bintuin-Na jao langi' jio kadellekan, na la ratukan ssuju'i.”

Matius 21:5

“Pauanni to-Yerusalem kumua, Ee, ratumi to Rajami. Mpamajiong penawanna ssakei keledai, mesa' keledai lundara.”

Matius 23:7

Namadoang bang ditaratte' jio pasa', namadoang too ditambai ‘Guru’.

Matius 23:8

Danggi' mimadoang disanga ‘Guru’, nasaba' tosile'to ngasan kamu' na mesa'ra Gurummi.

Matius 27:11

Ia tonna dipangngolomo Puang Isa lako Gubernur Pilatus, nakutanaimi nakua, “Tongannaraka, Ikomo Raja to-Yahudi?” Napebalimi nakua, “Susi tuu tapaunna, Aku'mo.”

Matius 27:42

“Ee, tau laen napasalama', apa tangnakulle mpasalama' kalena! Ia ke rajana tonganni to-Israel, mellaoi tee too jao mai kaju sitamben, kimane' ngkatappa'ii.

Matius 4:3

Ratumi to Ballisi' mpengkulle-kullei ssedei mpugauk dosa nakua, “Suai tee batu menjaji kande, sanga Anak Allataalako.”

Markus 15:32

Ia ke rajana tonganni to-Israel, mellaoi tee too jao mai joo kaju sitamben angkikitai, kimane' ngkatappa'ii kumua Iamo Raja Mangpasalama'.” Ia to tau dipampang sola, ncapa'-capa' tooi.

Lukas 1:35

Mebalimi joo malaeka' nakua, “Roh Allataala la rratuiko na kuasan-Na Puang Allataala la torro ssolanko. Iamo joo namala'bih joo pea la jaji nadisanga Anak Allataala.

Lukas 19:38

Metamba-tamba tuu lako tau nakua, “Dibarakka'i to Raja ratu mpusanga sangan-Na Puang. Pakala'bihhi Puang Allataala jao kaminang majaona, na kasikalinoan jao suruga.”

Yahya 1:18

Moi mesa' tau te'dapa ngkita Puang Allataala, saliwanna ia to Anak tungga'-Na, Ia bang una Puang Allataala, to torro sola. Iamo mpamanassai lako kita' to Ambe'.

Yahya 1:34

Nakuapa Nabi Yahya, “Mangkamo' ngkita kalenai na kupangpeissenanmo kumua, Iamo Anak Allataala.”

Yahya 1:38

Apa messailei Puang Isa, nakitai kumua napeundii, nakuamo ngkutanai, “Apara miangah?” Nakuamo mebali, “Rabi (battuananna Guru), umbora tanii torro?”

Yahya 1:50

Nakua Puang Isa, “Iara mumatappa' nasaba' kukuanko, ‘Kukitako jiong garonto' ara.’ Te'dapa nasipennapan joo mukitanna. Denpa to la'bih mala'bih na ia joo la mukita!”

Yahya 18:37

Mekutana omi Gubernur Pilatus lako Puang Isa nakua, “Ia ke susii joo, Rajarokoka?” Mebalii Puang Isa nakua, “Susi tuu tapaunna kumua Rajana'. Dijajianna' kumentama lino mesa'ra akkatta-Ku', iamo to la mpamanassa katonganan. Ia to topole jio mai katonganan, napesa'dingngina'.”

Yahya 4:31

Ia joo wattu natambaimi anak gurun-Na to Puang Isa nakua, “Ee Guru, takumandemo!”