Yahya 1:41 - Alkitab Duri

⁴¹ Ia joo Andreas ta'pa male ntiroi Simon sile'tona napauanni kumua, “Siampa'mokan Almaseh, battuananna Raja Mangpasalama'.”

Yahya 1:41 ပူးပေါင်းရင်းမြစ်များ

Matius 1:23

“La den mesa' ana'dara, to te'dapa nalambanni muane, nakeba'tang, na njajian mesa' pea muane. Nadisanga Imanuel”, battuananna “Torroi Puang Allataala ssolanki'.”

Lukas 2:17

Ia tonna kitami joo pea, nacuritami to apa mangka napauanni malaeka'.

Lukas 2:38

Ratu todai joo wattu, nampakala'bih Puang Allataala, anna mangcurita mpaui joo pea lako sininna tau to ntajan wattunna Puang Allataala lla'paran kota Yerusalem.

Yahya 1:45

Malemi Filipus ntiro solana disanga Natanael napauanni kumua, “Siampa'mokan Raja Mangpasalama' to nauki' Nabi Musa sola sininna nabi laen lan sura'na tonna anu'. Iamo to disanga Puang Isa to-Nazaret anakkana Yusuf.”

Yahya 4:25

Nakuamo joo baine lako Puang Isa, “Kuissen kumua la ratui to Raja Mangpasalama' to disanga Almaseh. Na ia ke ratumi, Iamo mpamanassan ngasanki' to sininna apa.”

Jamanna Rasulu' 10:38

Miissenmo kumua ia joo Puang Isa to-Nazaret mangkamo napilei Puang Allataala, naben tooi Roh Allataala sola kuasa. Miissen toomo kumua tuli malei mpugauk kameloan umbo-umbo nanii, na nnula'i setang lan mai kalena tonatamai, nasaba' Puang Allataala ssolanni.

Jamanna Rasulu' 4:27

Mpatarruhmi kadanna nakua, “Oo Puang, tongan to kadan-Ta', nasaba' denmo nasirempun Raja Herodes na Gubernur Pontius Pilatus lan tee kota sola bangsa tangngia to-Yahudi na to-Yahudi nnewa Puang Isa kaunan-Ta'. Ia to kaunan mattantun-Ta' mangkamo taangka' menjaji Raja Mangpasalama'.

1 Yahya 1:3

Ia to apa mangkamo kikita sola kisa'ding, ia toomo kipangpeissenan lako kamu', dikua antamesa' penawa. Na te'da na ia manda joo, apa mesa' penawaki' sola Ambe', Puang Allataala, na Anak, Puang Isa Almaseh.