Yahya 1:38 - Alkitab Duri

³⁸ Apa messailei Puang Isa, nakitai kumua napeundii, nakuamo ngkutanai, “Apara miangah?” Nakuamo mebali, “Rabi (battuananna Guru), umbora tanii torro?”

Yahya 1:38 ပူးပေါင်းရင်းမြစ်များ

Kada Bulawan 13:20

Ia to tau siama' sola tomacca, la macca toda, apa ia to tosisoba' tobattuk, la macilaka.

Kada Bulawan 3:18

Kamaccan butung garonto' kaju mpaden katuoan lako tonnampuii, napumasannang tompentoeii.

Kada Bulawan 8:34

Maupa' to tompesa'dingngina', na allo-allo mangtajan jio bolaku', na mangpeagi jio babanganku'.

Lukas 10:39

Ia joo Marta den sile'tona disanga Maryam. Ia joo Maryam cadokko bang siandah Puang Isa mpesa'dingngi pangngajah-Na.

Lukas 14:25

Buda tau undi nturu' Puang Isa lan kalingkan-Na. Messailemi Puang Isa ngkuanni tuu lako tau,

Lukas 15:20

Ta'pa ke'dehmi, napole lako ambe'na. Mambela unapi jio mai bola, nakitami ambe'na. Massemi penawanna nakinjara' ntammuii, naraka'i naudungngi.

Lukas 19:5

Ia tonna dete'mi Puang Isa to nanii Zakheus, mentingngarami, nakua, “Ee, Zakheus, mellaoko madoi', nasaba' la leppangna' tee allo jio bolamu.”

Lukas 22:61

Messailemi Puang Isa nakitai to Petrus. Naingaranmi Petrus to apa mangka nakuanni Puang Isa, “Te'dapa nakekkua to manuk tee bongi, mupentallunmo mpessakkannina'.”

Lukas 8:38

Ia joo todiula'i to setang lan mai kalena meta'dai lako Puang Isa la undi nturu'i. Apa nasuari Puang Isa pole nakua,

Yahya 1:37

Nasa'dingngi joo anak gurunna dua, naundi lako Puang Isa.

Yahya 1:39

Napebalii Puang Isa nakua, “Malemo kamu' mai mikitai.” Malemi sola nakitai to nanii torro, natorro sola ba'tu pirang-pirang jang. Ia joo wattu agi-agi tatte' a'pa'mi soloh allo.

Yahya 1:49

Nakua pole' omo Natanael, “Oo Guru, Anak Allataalaki'. Kita'mo rajana to-Israel.”

Yahya 12:21

Malei to to-Yunani lako Filipus nakuanni, “Oo mane, ia ke wa'dingngi, madoangkan la sitammu Puang Isa.” (Ia to Filipus to-Betsaida jio tana Galilea.)

Yahya 18:4

Naissen ngasan Puang Isa to apa la jaji lako kale-Na. Jaji malemi ngkandoppi'i tuu lako tau, namekutana nakua, “Indara miangah?”

Yahya 18:7

Nakutanai pole'i Puang Isa nakua, “Indara miangah?” Mebalii nakua, “Puang Isa to-Nazaret.”

Yahya 3:2

Ratu bongii lako Puang Isa nakua ngkuanni, “Ee Guru! Kiissen kumua nasuaki' Puang Allataala ratu menjaji guru, nasaba' moi mesa' tau te'da ngkullei mpugauk tanda mejangngaran susi to tapugauk, ke te'da na Puang Allataala mpakuasai.”

Yahya 3:26

Malemi lako Nabi Yahya to anak gurunna ngkuanni, “Ee Guru, ia to tau tasolan jio sambali'na Sa'dan Yordan, to tapakitankan, njio' todami Ia tau tee too, namale lako ngasanmi to tau.”

Yahya 4:31

Ia joo wattu natambaimi anak gurun-Na to Puang Isa nakua, “Ee Guru, takumandemo!”

Yahya 6:25

Ia tonna ampa'mi tobuda to Puang Isa jio sambali'na tasik, mekutanami lako nakua, “Oo Guru, piranra taratu inde'?”

Jamanna Rasulu' 10:21

Mellaoi Petrus nakuanni, “Aku'mo to miangah. Apara mitungkanan?”

Jamanna Rasulu' 10:29

Iamo joo namaringngan penawangku' ratu tommipepasannina'. Jaji, iamo tee madoangna' nnissenni apara parallummi.”

Rut 1:16

Apa mebalii Rut nakua, “Indo', danggi' taparukuna' ssalaiki'. Madoangna' tamale sola. La umbo-umbo tanii male, ia toomo kunii male. Moi umbo tanii torro ia toomo kunii torro. Ia to bangsata' iamo bangsaku'. Ia to Allataala tasompa ia toomo la kusompa.