Yahya 1:33 - Alkitab Duri

³³ Te'da kuissenni kumua Iamo Raja Mangpasalama', apa Puang Allataala to ssuana' njio' wai tau, mangka mpauanna' nakua, ‘Ia ke ngkitako Roh Allataala mellao jao mai langi', natorro jao mesa' tau, Iamo joo la njio' tau Roh Allataala.’ ”

Yahya 1:33 ပူးပေါင်းရင်းမြစ်များ

Matius 3:11

Kujio' kamu' wai, nasaba' mengkatoba'mo kamu' jio mai dosami. Apa den tau la ratu ke mangkana' la njio' kamu' Roh Allataala na den too kamu' dijio' api pangcalla. La'bih makuasa Ia na aku'. Moi mbawa sapatun-Na te'da too kusipato'.

Lukas 3:16

Apa napauanni Nabi Yahya kumua, “Kujio' kamu' wai, nasaba' mengkatoba'mo kamu' jio mai dosami. Apa den tau la ratu ke mangkana' la njio' kamu' Roh Allataala na den too kamu' dijio' api pangcalla. La'bih makuasa Ia na aku'. Moi la mbukai ulang sapatun-Na, te'da too kusipato'.

Yahya 1:31

Na iamo kuratu njio' wai tau, dikua angkupangpeissenanni to Raja Mangpasalama' lako to-Israel. Susi toda aku' tonna pamulanna, te'da kuissenni kumua indara to Raja Mangpasalama'.”

Yahya 14:26

Ia to Roh Allataala, to tomangpakatana, la nasua Ambe' ratu ssullena'. Iamo la nnajahhi kamu' to sininna apa napangngingaran pole' kamu' to apa mangkamo kupauan kamu'.

Yahya 3:34

nasaba' Puang Isa nasua Puang Allataala mpangpeissenan kadan-Na, napangben pissenmo Puang Allataala to Roh Allataala lako Puang Isa.

Yahya 3:5

Napebalii Puang Isa nakua, “Ingaranni! Ia ke te'da nadijajian pole' to tau jio mai wai sola Roh Allataala, te'da nawa'ding menjaji umma'-Na Puang Allataala lan kaparentan-Na.

Yahya 7:39

(Ia to nasanga wai katuoan, iamo to Roh Allataala, to la natarima tomatappa' lako kale-Na. Ia joo wattu ia to Roh Allataala te'dapa nadipangben, nasaba' te'dapa nadiangka' to Puang Isa de' suruga.)

Jamanna Rasulu' 1:5

Ianna Nabi Yahya mangjio' wai, apa ianna kamu', ba'tu pirang-pirang allomora midijio' Roh Allataala.”

Jamanna Rasulu' 2:4

Nakuasai ngasanmi Roh Allataala namangkada mpake mangrupa-rupa basa to silaen-laenan. Pada mangpaui situru' apa to napatujuanni Roh Allataala la napau.

1 Korintus 12:13

Jaji, ia to kita' tomatappa' dipupenjaji ngasanmiki' mesa' lan Almaseh, nasaba' pada najio'miki' Roh Allataala. La kita' to-Yahudi, la kita' bangsa tangngia to-Yahudi, la kita' tokaunan, la kita' tomaradeka, pada ngasanmiki' ntarima mesa' Roh Allataala.