Yahya 1:29 - Alkitab Duri

²⁹ Masawanna malemi Puang Isa lako Nabi Yahya. Ia tonna kitai Nabi Yahya to Puang Isa mangkadami nakua, “Iamo joo Anak Bembala'-Na Puang Allataala ratu la ndampangan tolino.

Yahya 1:29 ပူးပေါင်းရင်းမြစ်များ

Matius 1:21

La njajianni mesa' pea muane na la musangai Isa (battuananna ‘Tomangpasalama'’), nasaba' iamo la mpasalama' umma'-Na jio mai pangpatumangna dosana.”

Matius 20:28

Susi tee Aku', Anak Mentolino, te'da kuratu tama lino la massua, apa ratura' la menjaji todisua-sua sola la mpangben sunga'-Ku' kumua nadila'bak to tolino jio mai dosana.”

Yahya 1:35

Masawanna ke'deh pole' omi Nabi Yahya ntuu jio sola anak gurunna dua.

Yahya 1:36

Ia tonna kitai liu lalan to Puang Isa, nakuamo, “Iamo joo Anak Bembala'-Na Puang Allataala!”

Yahya 1:43

Masawanna mangngattami Puang Isa male lako tana Galilea. Sitammumi Filipus, nakuanni, “Maleko mai nturu'na'.”

Yahya 2:1

Duang bongi mangkanna joo den tobotting jio kota Kana tana Galilea, na den todai to indo-Na Puang Isa jio.

Yahya 3:16

Liwa' napakamoja' Puang Allataala to tolino. Iamo joo nasuai to Anak tungga'-Na mpangben sunga'-Na naputuoi tolino. Na ia to tomatappa' lako, te'da nalamasolang, apa la nnampa' katuoan melo te'da cappa'na.

Yahya 4:42

Nakua tuu lako tau ngkuanni joo baine, “Matappa'mokan tee too, tangngia ia manda to kadammu lako kami', apa kisa'dingmo kami' to pangngajah-Na, na kiissen kumua Iamo mpasalama' tolino.”

Yahya 6:51

Aku'mo kande to mellao jao mai suruga, kande to naputuo tau. Ia to tongkandei tee kande, la tuo tarruhhi. Ia to kande la kuben tau lan lino naputuoi, iamo tee batang kale-Ku'.”

Jamanna Rasulu' 13:39

apa ia to tomatappa' lako Puang Isa direken tomelo.

Jamanna Rasulu' 8:32

Ia to aya' nabaca kumua, “Dipasusi bembala' dirui' lako ngenan panggeresan. Tangmangngapa susi anak bembala', ke digoncingngii to bulunna, susi toomi joo tangtiku'bi' timun-Na mpau kada sangbuku.

1 Korintus 15:3

Ia to kareba kaminang parallu to kupaissenanmo kamu', ia toomo to mangka dipabarakkananna' kumua, matei to Almaseh la ssulleki' to tomadosa, susi to diuki' jolomo lan Sura' Allataala.

2 Korintus 5:21

Puang Allataala mpabalahhi Almaseh moi na te'da namadosa. Ia ssulleki', nasaba' dosata', anna pupenjaji tomeloki' nasaba' memmesa' penawaki' sola Almaseh.

Galatia 1:4

Ia to Puang Isa mangka mpangben kalena dibuno situru' pakkaeloran-Na Ambe'ta' Puang Allataala, dikua anna dampanganki' to tomadosa, danggi'mo tatuo susi togaja' lan lino.

Galatia 3:13

Mangkamiki' nala'bak Almaseh jio mai tampak ropu to napaden atoran agama lako kita', nasaba' te'da takullei nturu'i. Iari ssulleki' nakanna tampak ropu, susi to diuki' lan Sura' Allataala kumua, “Tampak ropu to sininna tau to mate dipampang jao kaju.”

1 Timotius 2:6

to mangka mpangben kalena dipampang la lla'bak ngasan tolino jio mai kuasa dosa. Susimi joo to wattu pura napattantu napabuttii Puang Allataala kumua madoangngi mpasalama' ngasan tau.

Titus 2:14

Mangkamo Ia mpangkaroban kalena la lla'bakki' jio mai sininna kagajatanta' napupenjajiki' umma'-Na to tangmadosa antatatta' too mpugauk kameloan.

Ibrani 1:3

Iamo joo Anak to mpapajanni lako kita' to kamala'biran-Na Puang Allataala. Ia to sipa'-Na sola kuasan-Na susi una sipa'-Na sola kuasan-Na Puang Allataala. Ia toomo nnampaii tee lino mpake kada makuasan-Na na te'da natiseran. Ia tonna mangkamo mate la ndampangan tolino, cumadokkomi jao suruga jio sa'de kanan-Na Puang Allataala to kaminang makuasa namangparenta.

Ibrani 2:17

Jaji, mentolinomo to Puang Isa namenjaji susi tolino, anna wa'ding menjaji Imang Lompo mangpakamoja', to njama tarruh jaman-Na Puang Allataala. Na ia ke susii joo, wa'dingngi mpasikalino Puang Allataala na tolino na ndampangan too tolino.

Ibrani 9:28

Susi toomi Almaseh pissenri mpassompan kalena la ndampangan buda tau. Na ia ke ratu pole'mi, te'damo naratu la mpangben sunga'-Na nasaba' dosana tau, apa la mbenmira kasalamatan lako tontajan karatuan-Na pole'.

1 Petrus 1:19

apa liwa' keangga'na. Iamo to rara-Na Almaseh dipake butung bembala' te'da caccana ba'tu kakuranganna dipangkaroban lako Puang Allataala.

1 Petrus 2:24

Almasehra Ia mperasai kamaparrisan jao kaju sitamben nasaba' dosata', antala'pah jio mai kuasa dosa, antaturu' too pakkaeloran-Na Puang Allataala. Napamalagahki' nasaba' kamaparrisan-Na Almaseh jao kaju sitamben.

1 Petrus 3:18

Nasaba' pissenra mate to Almaseh la ndampangan tolino. Ia to Almaseh, to te'da namadosa, namate ssulle tomadosa, dikua misikalino pole' Puang Allataala. Batang kale-Na nabuno tau, apa napatuo pole'i Roh Allataala.

1 Yahya 2:2

Iamo karoba to mpasikalinoki' Puang Allataala anna wa'ding ndampanganki' to tomadosa. Na te'da na kita' manda, apa moi sininna tolino.

1 Yahya 3:5

Miissen kumua ratumi Puang Isa la ndampangan tolino. Na miissen too kumua tangmadosa to Almaseh.

1 Yahya 4:10

Iamo tee to pangpakamoja'. Te'da na kita' mpakamoja' Puang Allataala, apa Iara mpakamoja'ki', nasuai to Anak menjaji karoba mpasikalinoki' Puang Allataala anna wa'ding ndampanganki' to tomadosa.

Pengkitanna Yahya 1:5

Ia to Puang Isa sa'bi maruruh. Iamo bungah dipatuo jio mai kamatean. Ia toomo ngkuasai sininna raja lan lino. Napakamoja'ki' namate anna la'paranmiki' jio mai dosata'.

Pengkitanna Yahya 12:11

Mangkami nataloi padanta' tomatappa' mpake rara-Na Anak Bembala' ba'tu rara-Na Puang Isa na Kareba Kasalamatan to mangkamo napangpeissenan. Te'da najampangngi sunga'na moi na la mpumatei.

Pengkitanna Yahya 13:8

La nasompa sininna to totuo lan lino, saliwanna to tomangkamo diuki' sanganna lan Sura' Katuoan tonna te'dapa nadipaden tee lino. Ia to Sura' Katuoan, sura'-Na Anak Bembala' to mangkamo digere'.

Pengkitanna Yahya 14:1

Mengkitana' na ia to Anak Bembala' ke'deh jao Buntu Sion. Den tau nasolan saratuh patang pulo a'pa' sa'bu to pada den sangan-Na Anak Bembala' sola sangan-Na Ambe'-Na Puang Allataala diuki' jio kidena.

Pengkitanna Yahya 14:10

la nniso' anggoro' kamabirisan-Na Puang to mangkamo diballuan tama isotan kamabirisan-Na to tangdirau wai moi ci'di'. Battuananna la disessa joo tau lan api manglanya-lanya jio olona Anak Bembala' sola malaeka'-Na Puang.

Pengkitanna Yahya 14:4

Melo tuu lako tau, sanga te'da lalo ia nasola baine. La undi bang lako Anak Bembala', moi umbo nanii male. Ia to tau, mane' iara to dipasalama' dipasusi bungah bua dipangben lako Puang Allataala na lako Anak Bembala'.

Pengkitanna Yahya 15:3

anna makkelong mpukelong kelongna Nabi Musa, taun-Na Puang Allataala, na kelong-Na Anak Bembala' nakua, “Oo, Puang Allataala! Tomakuasaki', liwa' mala'bih na te'da susinna to panggaukan-Ta'. Rajanaki' sininna bangsa, melo na tongan to panggaukan-Ta'.

Pengkitanna Yahya 17:14

Namane' mangrari joo olok-olok sola tuu lako raja nnewa Anak Bembala'. Apa ia joo Anak Bembala' ntaloi sola tau matappa'-Na, sanga iamo Puangna sininna puang na Rajana sininna raja.” Ia to taun-Na, iamo to mangka napilei anna pakedoi penawanna.

Pengkitanna Yahya 19:7

Tamangmaroah-roah mpakala'bihhi to kamala'biran-Na! Sanga nadete'mi allo kabottingan-Na Anak Bembala', nasadiamo to tobotting baine.

Pengkitanna Yahya 19:9

Nakua joo malaeka' lako aku', “Uki'i tee: Masannang to toditambai lako joo pangmaroasan tobotting.” Namane' mangkada pole' nakua, “Ia tee kareba tongan pole jio mai Puang Allataala.”

Pengkitanna Yahya 21:14

Ia joo bentengna digaraga jao sangpulo dua batu ariri, na mesa' oi aririnna diuki' oi mesa' sanganna to sangpulo dua rasulu'-Na Anak Bembala'.

Pengkitanna Yahya 21:27

Apa ia to apa carepa te'da lalo nawa'ding la mentama, susinna ia tompugauk apa mesirisan ba'tu mangnguraga. Ia to tau la mentama ia manda to tomangka diuki' sanganna lan Sura' Katuoan, sura'-Na Anak Bembala'.

Pengkitanna Yahya 21:9

Mangkai joo too ratumi mesa' jio mai to pitu malaeka' ntoe isotan bulawan ponno cappa' pangsessa ngkuanna' nakua, “Maleko mai, kupakitanko tobotting baine-Na Anak Bembala'.”

Pengkitanna Yahya 5:6

Ngkita pole' omo' cadokkoan mala'bih naguririkki a'pa' olok-olok. Ia joo duang pulo a'pa' tomatua-tua ngguririkkii joo cadokkoan sola a'pa' olok-olok. Na ia to Anak Bembala' ke'deh jio olona joo cadokkoan. Ia joo Anak Bembala' susi to mangka digere'. Den pitu tandukkuna na pitu matanna, iamo joo to pitu roh-Na Puang Allataala, to mangka disua male llingkai lino.

Pengkitanna Yahya 5:8

Ia tonna alami, ia to a'pa' olok-olok sola to duang pulo a'pa' tomatua-tua suju' ratu do' litak jio olona joo Anak Bembala'. Pada sitoe cu'bekan sola mangko' bulawan nanii dupa. Ia joo dupa, iamo passambajangna umma'-Na Puang Allataala.

Pengkitanna Yahya 6:1

Mangkai joo too kukitami to Anak Bembala' mpiakki to segel bungahna, kusa'dingngi joo olok-olok bungahna metamba susi oni galugu nakua, “Maleko mai!”

Pengkitanna Yahya 6:16

Metambai lako buntu na batu nakua, “Rondonko, musamboikan! Danggi' nakitakan to tocumadokko jao cadokkoan mala'bih lan tangnga, na danggi' nakannakan kamabirisanna Anak Bembala'.

Pengkitanna Yahya 7:14

Kupebalii kukua, “Ie', te'da kita' kuissenni. Kita'ra la'bih nnissenni.” Nakuamo joo tomatua-tua ngkuanna', “Iamo tee mai to tosalama' jio mai pangsessa gaja parri'. Mangkami ssassa' pakean malandona mpake rarana Anak Bembala' namabusamo.

Pengkitanna Yahya 7:17

nasaba' ia joo Anak Bembala', to ke'deh jio olona cadokkoan mala'bih, iamo la menjaji tomangrewana. Ia toomo la ssolanni lako wai mangkalimbuah. Na Puang Allataala la ssapuii to sininna wai mata kamasussanna.”