Yahya 1:21 - Alkitab Duri

²¹ Mekutana pole'i nakua, “Ia ke susii tuu, indariki'? Kita'raka Nabi Elia?” Mebalii Nabi Yahya nakua, “Tangngiana'.” Mekutana unapi nakua, “Kita'moraka to nabi napau Puang Allataala la ratu?” Mebali omi nakua, “Tangngiana'.”

Yahya 1:21 ပူးပေါင်းရင်းမြစ်များ

Matius 11:14

Ia tonna anu' den nabi mpaui kumua la ratu pole' to Nabi Elia. Ia ke mitarimai, Nabi Yahyamo to Nabi Elia.

Matius 16:14

Mebalimi nakua, “Den tau kumua Nabi Yahya, den too tau kumua Nabi Elia, na ia to laenna kumua Nabi Yeremia, ba'tu sala mesa'na nabi tonna anu'.”

Matius 21:11

Mebalimi tee mai tau undi nturu'i nakua, “Nabi Isa jio mai kota Nazaret jio tana Galilea.”

Lukas 1:17

Na la menjaji pesuro matappa'-Na Puang Allataala, na dipakuasa susi Nabi Elia. La napasikalinoi to ambe' na anakkana. Na ia to totangkainawa naajahhi mangtangngah susi tomelo penawa. Susimo joo napasadiai to tau ntarima Puang.”

Yahya 1:22

Nakua unapa, “Ia ke susii tuu, pauankan indariki' pale' sitonganna, angkipebalianni lako to tossuakan. Na apara la tapau mpau kaleta'?”

Yahya 1:25

Nakua lako Nabi Yahya kumua, “Ciapari pale' tajio' tau, ke tangngiaki' Raja Mangpasalama', tangngia tooki' Nabi Elia ba'tu nabi to napau Puang Allataala la ratu?”

Yahya 6:14

Ia tonna kitami tobuda joo tanda mejangngaran napaden Puang Isa, nakuamo, “Ia tonganmo tee to nabi napau Puang Allataala tonna anu' la ratu tama lino.”

Yahya 7:40

Buda tau ssa'dingngi joo kadan-Na Puang Isa, naden to kumua, “Ia tonganmo tee to nabi nasanga Puang Allataala tonna anu' la ratu.”