Yahya 1:14 - Alkitab Duri

¹⁴ Ia joo Kada mentolinomi namari'pihmi lan tangnga-tangngata'. Takitamo to kamala'biran-Na, to natarima jio mai Ambe' sanga Ia Anak tungga'-Na. Iamo joo Anak mpamanassa tonganni to Puang Allataala sola pangpakamoja'-Na.

Yahya 1:14 ပူးပေါင်းရင်းမြစ်များ

Matius 1:16

Yakub njajian Yusuf, iamo muanena Maryam, na Maryam njajian Puang Isa to disanga Almaseh.

Lukas 2:11

Ia tee allo jajimi to Tomangpasalama'mi jio kotana Raja Daud. Iamo Almaseh, Puang.

Lukas 2:7

Njajianmi pea muane, anak pamungahna, nakalemu'imi, napamamma'i jiong kandean olok-olok susi issong londe to nanii jarame, sanga te'damo ngenan nanii mangbongi.

Lukas 9:32

Mamma'i Petrus, Yahya na Yakub, apa ia joo wattu ta'pa mi'cikmi nakitai to kamala'biran-Na Puang Isa na ia joo tau dua nasolan ke'deh.

Yahya 1:1

Mammula jiona mai tonna te'dapa napadenni Puang Allataala tee lino, denmo todisanga Kada. Ia joo Kada solai Puang Allataala, na ia joo Kada, Ia bang una Puang Allataala.

Yahya 11:40

Mebalii Puang Isa nakua, “Mangkako kupauan kumua la mukita to kamala'biran-Na Puang Allataala, ke matappa'ko!”

Yahya 14:6

Mebalimi Puang Isa nakua, “Aku'mo minii nnissen Puang Allataala sola nnampa' katuoan. Moi mesa' tau te'da nakullei ratu lako Ambe', ke te'dai kupuissenni.

Yahya 14:9

Mebalimi Puang Isa nakua, “Oo Filipus! Liwa'mo' masainna torro ssolan kamu', anna te'da unapa muissenna'! Ia to tomangkamo ngkitana', mangka toomo ngkita Ambe'. Matumbai mukua, ‘Pakitankan joo Ambe'’!

Yahya 17:22

Mangkamo kuben kamala'biran to tabenna', anna memmesa' sola ngasan susi Ambe' na Aku' memmesa'.

Yahya 17:24

Oo Ambe', meta'dana' na ia tuu lako taun-Ta' to tabenna' la torro jio to kunii, anna kitai to kamala'biran-Ku'. Tabenmo' joo kamala'biran tonna te'dapa nadipaden tee lino, nasaba' tapakamoja'na'.

Yahya 18:37

Mekutana omi Gubernur Pilatus lako Puang Isa nakua, “Ia ke susii joo, Rajarokoka?” Mebalii Puang Isa nakua, “Susi tuu tapaunna kumua Rajana'. Dijajianna' kumentama lino mesa'ra akkatta-Ku', iamo to la mpamanassa katonganan. Ia to topole jio mai katonganan, napesa'dingngina'.”

Yahya 2:11

Jiomo kota Kana tana Galilea nanii Puang Isa mpugaukki joo tanda mejangngaran. Iamo joo tanda mejangngaran bungah napugauk, nanii mpangpekitan kamala'biran-Na, nakatappa'ii anak gurun-Na.

Yahya 3:16

Liwa' napakamoja' Puang Allataala to tolino. Iamo joo nasuai to Anak tungga'-Na mpangben sunga'-Na naputuoi tolino. Na ia to tomatappa' lako, te'da nalamasolang, apa la nnampa' katuoan melo te'da cappa'na.

Yahya 3:18

Ia to ngkatappa'ii, te'da naladisessa, apa ia to tote'da namatappa', la dipabalahhi to dosana, nasaba' te'da nakatappa'ii to Anak tungga'-Na Puang Allataala.

Yahya 6:51

Aku'mo kande to mellao jao mai suruga, kande to naputuo tau. Ia to tongkandei tee kande, la tuo tarruhhi. Ia to kande la kuben tau lan lino naputuoi, iamo tee batang kale-Ku'.”

Yahya 8:32

na la miissen to Puang Allataala, na Iamo la lla'paran kamu'.”

Jamanna Rasulu' 13:33

mangkamo napugauk Puang Allataala lako kita', tonna patuoi to Puang Isa jio mai kamatean. Susi to napau jolomo lan Pangpujian mangpenduan, ‘Ikomo Anak-Ku'. Mammula tee too Aku'mo ambe'mu.’

Roma 8:3

Ia to atoran agama te'da nakullei lla'paranki' jio mai kuasa dosa, nasaba' tangtakulle nturu' atoran agama. Apa ia to tangnakulle atoran agama mpugaukki, mangkami napugauk Puang Allataala. Nasuai to Anak mentolino. Na ia to batang kale-Na susi bang batang kale tolino biasa. Na ia tee Anak matei dikua anna ia to dosana tolino dipabalahhi lakoi batang kale-Na Anak.

Roma 9:5

Ia to to-Israel bati'nai Nabi Ibrahim, Ishak na Yakub. Na ia to Almaseh, to mentolino, bati'na todai. Apa Iamo Allataala to te'da apa njaonannii, to sipato' dipakala'bih te'da cappa'na. Amin.

1 Korintus 15:47

Ia to pamula Adam digaraga jio mai litak, na ia to cappa' Adam pole jao mai suruga.

2 Korintus 12:9

Te'da nala'paranna' apa napebaliina' nakua, “Kubarakka'iko na ganna'mo joo barakka'-Ku' lako iko, nasaba' iara nala'bih pajan to kuasang-Ku' ke tangpakulleko.” Iamo joo kula'bih masannang mpuji kaleku' ke tangpakullena', nasaba' ia ke tangpakullena', iara joo wattu kusa'dinganni to kuasan-Na Almaseh nnampaina'.

Galatia 4:4

Apa ia tonna dete'mi to wattu napattantu Ambe' Puang Allataala, nasuami to Anak Allataala mentama lino. Najajianni mesa' baine, na nturu' atoran agama,

Efesus 3:8

Aku'mo mase-masena to sininna umma'-Na Puang Allataala, apa napabarakkannina' Puang Allataala tee jaman mpangpeissenan Kareba Kasalamatan lako bangsa tangngia to-Yahudi kumua ia to barakka'-Na Almaseh te'da susinna.

Kolose 1:19

Napuelohhi Puang Allataala kumua sininna to apa den jio kalena, den toda jio Anak.

Kolose 2:3

Nasaba' Almasehra mpamanassai to sininna kapaissenan-Na sola kamaccan-Na Puang Allataala.

Kolose 2:9

La mikanassai kumua, sininna to apa den jio Puang Allataala, den toda jio Almaseh,

1 Timotius 3:16

Te'da mesa' tau tanglantongananni kumua liwa' ia mala'bihna to pangngajaran kasaranian, to tangkaissenanpa tonna anu', apa ia tee too napangpeissenanmo Puang Allataala. Susi tee joo pangngajaran kasaranian, “Mentolinomo Puang Isa Almaseh. Napabuttii Roh Allataala kumua Iamo napusannang Puang Allataala. Nakita sininna malaeka', napangpeissenanni tau lako sininna bangsa. Nakatappa'i tolino, naangka'i Puang Allataala tama suruga.”

Ibrani 1:3

Iamo joo Anak to mpapajanni lako kita' to kamala'biran-Na Puang Allataala. Ia to sipa'-Na sola kuasan-Na susi una sipa'-Na sola kuasan-Na Puang Allataala. Ia toomo nnampaii tee lino mpake kada makuasan-Na na te'da natiseran. Ia tonna mangkamo mate la ndampangan tolino, cumadokkomi jao suruga jio sa'de kanan-Na Puang Allataala to kaminang makuasa namangparenta.

Ibrani 1:5

Moi mesa' malaeka' te'da naden nakuan Puang Allataala, “Ikomo anak-Ku'. Mammula tee too Aku'mo ambe'mu.” Te'da too naden nakuanni to malaeka' kumua, “La napuambe'na', na ia la kupuanak.”

Ibrani 10:5

Iamo joo ia tonna mentolinomo Almaseh, nakua mangkada lako Puang Allataala, “Te'da mukadoangngi karoba sola passompan, apa mangkamo' mupadenan batang kale.

Ibrani 2:11

Puang Isamo to mpupenjajiki' tau mesan-Na Puang Allataala. Tosangrapura to tompupenjaji tau mesan-Na Puang Allataala, na ia to todipupenjaji tau mesan-Na Puang Allataala. Iamo joo na te'da nakasirisanni mpusile'toi to tolino.

Ibrani 5:5

Susi toomi to Almaseh. Te'da na ia nnangka' kalena menjaji Imang Lompo. Apa Puang Allataalara nnangka'i tonna kuanni, “Ikomo Anak-Ku'. Mammula tee too Aku'mo ambe'mu.”

1 Yahya 4:14

Kikitamo kami' na kipangpeissenan toomo kumua nasuami Ambe' Puang Allataala mentolino to Anak Allataala anna pasalama'i to tolino.

1 Yahya 4:9

Napamanassa Puang Allataala kumua napakamoja'ki' tonna suai to Anak Tungga'-Na mentama lino, antaampa' katuoan melo te'da cappa'na pole jio mai joo Anak Tungga'.

2 Yahya 1:7

Buda tompalao sala tau male bang llelei tondok. Ia tuu lako tau te'da naakuii kumua mentolinomo to Puang Isa. Ia to mangkada susi joo, tompalao sala tau na tonnewa Almaseh.

Pengkitanna Yahya 19:13

Ia to pakean malando napake mangka dilummui rara.

Pengkitanna Yahya 21:3

Angkusa'ding gamara jio mai cadokkoan mala'bih metamba nakua, “Ia to nanii mari'pih Puang Allataala lanmi tangnga-tangngana tolino. Ia to Puang Allataala torro solami tolino na ia to tolino menjaji umma'-Na, na Puang Allataala menjaji Puangna.