Yahya 1:12 - Alkitab Duri

¹² Apa ia to tontarimai, nakatappa'ii, naben kuasa menjaji anak Puang Allataala.

Yahya 1:12 ပူးပေါင်းရင်းမြစ်များ

Matius 10:40

Mpatarruhpa kadan-Na Puang Isa nakua, “Ia to tontarima kamu', padamo to Aku' natarima. Na ia to tontarimana', padamo to ntarima Puang Allataala to ssuana'.

Matius 12:21

na sininna bangsa ia ngasan nanii mangrannuan.”

Matius 18:5

Ia to tontarima pea to susi tee, sanga kamatapparanna lako Aku', pada bang unamo to Aku' natarima.”

Yahya 1:11

Mentamai tondokko-Na, apa cia'i to sangtondokko-Na ntarimai.

Yahya 1:7

Iamo menjaji sa'bi ratu mpangpeissenanni joo Arrang, anna kitai tobuda, namenjaji matappa'.

Yahya 11:52

Nate'da na to-Yahudi manda la nasulle, apa la napasirempun too napangmesai to taun-Na Puang Allataala to sisarak-sarakmo.

Yahya 2:23

Jao unapi kota Yerusalem Puang Isa tonna pangramean Paskah, na buda tau matappa' lako kale-Na, sanga nakitai to tanda mejangngaran napugauk.

Yahya 20:31

Ia ngasan tee diuki', ammimatappa' kumua Raja Mangpasalama' na Anak Allataala to Puang Isa, ammiampa' katuoan melo te'da cappa'na, sanga matappa' kamu'.

Yahya 3:18

Ia to ngkatappa'ii, te'da naladisessa, apa ia to tote'da namatappa', la dipabalahhi to dosana, nasaba' te'da nakatappa'ii to Anak tungga'-Na Puang Allataala.

Jamanna Rasulu' 3:16

Iamo mpalumingkai nasaba' kamatapparannamora lako Puang Isa, anna kuasan-Na mpemawatangngi pole'i to ajena tee tau miissen jolona kupi'. Ia joo kamatapparan mpamalekei jio olomi sola ngasan.

Roma 8:14

Ia to tonakuasai Roh Allataala, iamo disanga anak Allataala.

Roma 8:16

Roh Allataala sola penawanta' mpamanassai kumua anak Allataalaki'.

Roma 8:19

Sininna olok-olok na apa laen to napaden Puang liwa' mamali' ngasan ntajanni kumua piranpara napapajan ngasanni Puang Allataala to anakkana.

Galatia 3:26

Napuanak ngasanmo kamu' Puang Allataala, sanga matappa'mo kamu' lako Puang Isa Almaseh.

Galatia 4:6

Nasuai Puang Allataala to Roh-Na Anak Allataala torro lan penawammi, sanga napuanakmo kamu'. Na ia to Roh-Na Anak Allataala mpusaba'i tametamba kumua, “Oo, Ambe'ku'!”

Kolose 2:6

Mitarimamo to Puang Isa Almaseh kumua iamo Puangmi. Iamo joo ia to panggaukanmi la situru' panggaukanna to tompupuangngi to Almaseh.

2 Petrus 1:4

Susimi joo carana Puang Allataala mbenki' barakka' liwa' tonggo to te'da nasusian keangga'na, to mangkamo nabasseanki'. Naben kamu' joo barakka' ammimessipa' melo susi sipa'-Na, nadanggi'mo mituru' kamadoangan gaja'. Ia joo kamadoangan gaja' ssolangngi totangnturu' Puang Allataala.

1 Yahya 3:1

Liwa' pangpakamoja'-Na to Ambe', Puang Allataala, na napuanakmiki'. Nang tongan kumua anakkanaki' Puang Allataala. Te'da naissenni tolino to tangnturu' Puang, kumua anakkanaki' Puang Allataala, nasaba' te'da too naissenni to Puang Allataala.

1 Yahya 3:10

Inda-inda to te'da nampugauk pakkaeloran-Na Puang Allataala ba'tu te'da nampakamoja' padanna tomatappa', te'da napuanakki Puang Allataala. Iamo joo mpamanassai indara to napuanak Puang Allataala na inda to napuanak Ballisi'.

1 Yahya 3:2

Ee, tomala'bihku' to kupakamoja'! Ia tee too napuanakmiki' Puang Allataala. Ia ke ratu pole'mi Puang Isa tangnadete'pa tangngahta' kumua la matumbariki', apa moi nasusi joo taissen kumua ia joo wattu, la susimiki', nasaba' la takitai kumua matumba sitonganna to Puang Isa.

1 Yahya 3:23

Iamo tee to parenta-Na kumua, la matappa'ki' lako Anak, Puang Isa Almaseh, sola la sipakamoja'ki', susi to mangkamo nasuanki' Almaseh.