Yahya 1:10 - Alkitab Duri

¹⁰ Sininna apa lan lino, napaden Puang Allataala mpakei joo Kada, apa ia tonna mentamamo lino, te'da naissenni tolino.

Yahya 1:10 ပူးပေါင်းရင်းမြစ်များ

Matius 11:27

Nakuapa Puang Isa, “Sininna apa mangka ngasanmo' naben Ambe'. Na te'da mesa' tau nnissenni to Anak, saliwanna Ambe'. Te'da too mesa' tau nnissenni to Ambe', saliwanna Aku' Anak, sola ia to tokupueloh kupaissenni.

Yahya 1:11

Mentamai tondokko-Na, apa cia'i to sangtondokko-Na ntarimai.

Yahya 1:18

Moi mesa' tau te'dapa ngkita Puang Allataala, saliwanna ia to Anak tungga'-Na, Ia bang una Puang Allataala, to torro sola. Iamo mpamanassai lako kita' to Ambe'.

Yahya 1:3

Sininna apa to dipaden, napaden Puang Allataala mpakei joo Kada, na ia ngasan to dipadenmo, moi mesa' te'da lalo ia, ke te'dai joo Kada.

Yahya 1:5

Ia joo Arrang mangngarrang lan kamalillinan, na ia to totuo lan kamalillinan te'da nakullei mpahangngi.

Yahya 17:25

Oo Ambe' maruruh! Te'da naissenki' tolino, apa Aku' kuissenki', na naissen ngasan taun-Ta', kumua tasuana'.

Yahya 5:17

Apa nakua Puang Isa ngkuanni, “Ratu lako too allo mangjama tarruh to Ambe'-Ku', jaji moi Aku' mangjama tarruh todana'.”

Jamanna Rasulu' 14:17

Apa te'dara natangmpangpekitan kalena lan mangrupa-rupa panggaukan melo susinna: naben kamu' uran jao mai langi' sola assele' padang ke wattunna omi. Naben kamu' kande, napemasannangngi tooi to penawammi.”

1 Korintus 1:21

Sanga moi samatumbanna macca to tolino, te'da nakullei nnissen Puang Allataala mpake kamacanna. Apa macca to Puang Allataala. Iamo joo naeloranni dipangpeissenan to Kareba Kasalamatan, to nasanga tolino curita tangtongan, anna pasalama'i to tongkatappa'ii.

1 Korintus 2:8

Moi mesa' to tongkuasaii tee lino te'da nnissenni. Sanga ia ke la naissenni, tantu te'damo anna la mpampangngi joo Puang mala'bih jao kaju sitamben.

1 Korintus 8:6

Apa ia ke kita', mesa'ra Puang Allataala. Iamo to Ambe' Puang Allataala to mpadenni to sininna apa, na ia to katuoanta' tapatuju lako kale-Na. Mesa' toora Puang, iamo joo Puang Isa Almaseh. Sininna apa dipaden nasaba' Ia. Ia too mpusaba'i antatuo.

Kolose 1:16

Iamo napake Puang Allataala mpadenni to sininna apa lan lino na sininna apa jao suruga, ia to dikitanna na tangdikitanna, sininna kuasa ba'tu kaparentan jao langi'. Ia tee lino sola issinna dipaden mpake Almaseh na dipatuju lako too Almaseh.

Ibrani 11:3

Tapahangngi, sanga matappa'ki', kumua ia tee lino napaden Puang Allataala mpake kadan-Na. Jaji, apa to nakita mata dipaden jio mai apa tangdikita.

1 Yahya 3:1

Liwa' pangpakamoja'-Na to Ambe', Puang Allataala, na napuanakmiki'. Nang tongan kumua anakkanaki' Puang Allataala. Te'da naissenni tolino to tangnturu' Puang, kumua anakkanaki' Puang Allataala, nasaba' te'da too naissenni to Puang Allataala.