Rut 3:7 - Alkitab Duri

⁷ Ia tonna mangkamo Boas kumande sola mangngiso', masannangmi penawanna. Malemi mamma' jio to' siandah jelai ditombon. Napaela'-ela'i Rut mpendeppe'i, naangka'i ci'di' to pennammu'na Boas, namamma' jio to' ajena.

Rut 3:7 ပူးပေါင်းရင်းမြစ်များ

Ester 1:10

Ia tonna allo mangpempitumo, gaja sannangmi raja, nasaba' mangkamo nniso' buda anggoro'. Natambaimi pitu to pangjamana nakatappa'i, iamo to Mehuman, Bizta, Harbona, Bigta, Abagta, Zetar na Karkas.

1 Korintus 10:31

Kupebalii, moi apa mipugauk, la kumanderaka la mangngiso'raka, la mipugaukki joo anna pakala'bihhi tau to Puang Allataala.

Efesus 5:18

Danggi' mimalango nasaba' ia mpaden panggaukan gaja', apa eloranni to Roh Allataala ngkuasai kamu'.

Rut 3:6

Jaji malemi Rut lako to' pangtambakan jelai. Jiomi ntuu jio nanii mpugauk ngasanni to apa napauanni indo matuanna.

Rut 3:8

Ia tonna tangngamo bongi, sabakanni Boas napana'ding, namembaliang nangkita mesa' baine mamma' siandah ajena.