Rut 3:14 - Alkitab Duri

¹⁴ Jaji mamma'mi Rut jio siandah ajena Boas. Masawanna tonna subu unapa, mi'cokmi Rut dikua nadanggi' nakitai tau, nasaba' cia'i Boas ke naissenni tau kumua denni Rut jio to nanii Boas.

Rut 3:14 ပူးပေါင်းရင်းမြစ်များ

Roma 12:17

Danggi' mipasibalahhi kagajatan na kagajatan, pugaukki to nasanga tau melo.

Roma 14:16

Iamo joo, moi misangai kumua melo to mipugauk, danggi' mipugaukki, ke nacaccai tau laen kumua sala.

1 Korintus 10:32

Danggi' na panggaukanmi napusaba'i tolaen madosa, la to-Yahudi, la bangsa tangngia to-Yahudi, iarika jamaa-Na Puang Allataala.

2 Korintus 8:21

Madoangkan ke manassai kumua tomaruruhkan, te'da na situru' manda Puang, apa situru' too tolino.

1 Tesalonika 5:22

Danggi' mpugauk kagajatan.

1 Petrus 2:12

Mbai den tau to tangnturu' Puang to mpau gaja' kamu'. Iamo joo la melo to sipa'mi nakitai tau kumua melo to apa mipugauk. Na undinna naakui kumua melo to sipa'mi anna mpakala'bih Puang Allataala ke ratui rra'tah kara-karana tolino.

Rut 3:15

Mangkadami Boas lako Rut nakua, “Alaii tuu dodo muputa'dung, ballahhi ntee.” Naalaii joo dodo naballahhi. Natolloi Boas to jelai do' agi-agi duangpulo litere', napajujungngii to Rut. Mangkai joo too, malemi Boas lako kota.