Rut 3:1 - Alkitab Duri

¹ Ba'tu pirang allo mangkanna joo mangkadai Naomi lako Rut nakua, “Ee anakku', mbai melo ke kuangaran pole'ko to wa'ding la musibalian, mumanyaman.

Rut 3:1 ပူးပေါင်းရင်းမြစ်များ

1 Korintus 7:36

Ia ke den muane mangpikkiri' kumua te'da napugaukki to sipato'na lako sitangka'na ke te'dai nasibali, na ia ke te'da nakullei nta'tan kamadoanganna, namangpikkiri' kumua melo ke sibalii joo sitangka'na, ake'mo nasibali ke napumeloi, sanga te'da namadosa ke sibalii.

1 Timotius 5:14

Iamo joo kukabudai ke ia to baine malolle'pa nakemuane pole', keanak, na nnurusu' repokkona, anna ia to ewalinta' te'damo lalan nanii mpau gaja' tomatappa'.

1 Timotius 5:8

Apa ia ke den tau te'da najaranai tomatuanna ba'tu repokkona, padai to mpessakkanni kamatapparanna. La'bih gaja' ia, na ia to totangmatappa'.

Rut 1:9

Dennaa upa' Napuelohhi PUANG Allataala ammikemuane pole' mimanyaman torro sola balimmi.” Mangkai joo too, naudungngi to anak mamintunna sola dua, nakua, “La mpatarruhmo' kalingkangku'.” Apa kannori napeandongngi kumillak sola dua,

Rut 2:23

Susimi joo, Rut male sola to pangjama baine jio bara'bahna Boas. Ndurukki jelai jio, ratu lako mangkanna peganduman sola pejelaian, natorro bang sola indo matuanna.

Rut 3:2

Mangjamamoko sola to baine jio bara'bahna Boas, le'? Ia joo Boas, sangjajianta' una. Jaji pesa'dingngina'! Ia tee bongi la malei ngkita tomanta'pih jelainna jio to' pangtambakan jelai.