Rut 2:12 - Alkitab Duri

¹² Dennaa upa' Nabalahhi PUANG Allataala to kameloanmu, Nabarakka'iko to sipato' mutarima jio mai PUANG Allataala to kisompa kami' to-Israel, na Ia toomo munii mentilendung.”

Rut 2:12 ပူးပေါင်းရင်းမြစ်များ

Kada Bulawan 11:18

Ia to assele' napaden togaja' te'da bua'na, apa ia to assele' napaden tonturu' pakkaeloran-Na Puang Allataala den tarruh bua'na.

Kada Bulawan 23:18

namelo to katuoanmu to muoloi lako, muampa'i to apa murannuan.

Matius 23:37

Mangkadai Puang Isa nakua, “Ee, to-Yerusalem! Tombuno kamu' nabi! Mirura batui to tonasua Puang Allataala ratu lako kalemi, sanggenna mate. Ba'tu pempiranmo' madoang rrempun kamu', susi indo manuk rrempun anakkana jiong pani'na, apa te'da mimadoang!

Matius 5:12

Parannu kamu' mimasannang, nasaba' buda pahalami jao suruga. Ia tee kadipakario-rioanmi tee too, susi bang una to pura digaukanni tuu lako nabi tonna anu'.”

Matius 6:1

Mangngajahhimi Puang Isa nakua, “Danggi' mipugauk panggaukan melo ke la mipangpekitanri lako tau, dikua napuji kamu'. Ia ammimanggauk susi joo, te'da miampa'i to pahalami jio mai Ambe'mi Puang Allataala jao suruga.

Lukas 6:35

Te'da nalasusi joo! Sibalikanna, pakamoja'i to ewalimmi, na la manggauk melo kamu' lako kalena. La mangpaindan kamu', na danggi'mo mitajanni to polena. Ia ke susii joo, la buda to pahalami, na la menjaji kamu' anak Puang Allataala Jao Majaona. Nasaba' melo to penawan-Na Puang Allataala lako totangnnissen mangkurru sumanga' na tomanggauk gaja'.

Kolose 2:18

Danggi' mieloran kalemi dipasala ke te'da mituru' pangngajaranna tuu lako tau. Naanggai' ssessa kalena, na ssompa malaeka', denmo nakita pengkita. Ia to pikkirisanna to te'da bua'na mpumemmatampoi tuu lako tau,

2 Timotius 1:18

Na muissen kumua budamo pangtulungna lako kaleku' tongkujio kota Efesus. Dennaa upa' napakitanni Puang kameloan penawan-Na, ke nadete'mi wattunna Puang Allataala rra'tah kara-karana sininna rupa tau.

2 Timotius 4:8

Na ia tee too dipasadianmo' paraseng kapataloan. Ia to Puang Isa, tomangra'tah tangbimbang, la mbenna' joo paraseng kapataloan ke Kiama'mi lino, nasaba' napupenjaji tomelona' Puang Allataala. Na tangngia aku' manda to la llolonganni, apa sininna to tomamali' ntajan karatuan-Na Puangta'.

Ibrani 11:26

Nasangai Nabi Musa kumua la'bih keangga' ke dikita majiongngi sanga matappa'i lako Raja Mangpasalama' to nabasse Puang Allataala la ratu na ia ke namesaii to sininna ewanan jio tana Mesir, sanga rrannuanni pahalana jio ahera'.

Ibrani 11:6

Moi mesa' tau te'da napumasannang Puang Allataala ke tangmatappa'i. Ia ke den tau madoang mangngolo lako Puang Allataala, la nakatappa'i kumua den to Puang Allataala, na la nakatappa'i too kumua melo penawan-Na to Puang Allataala lako to tonnangahhi.

Ibrani 6:10

Te'da natangmaruruh to Puang Allataala. Te'da natangnningaranni to apa mipugauk, iamo to pangpakamoja'mi to mipangpekitan lako kale-Na tommitulung padammi tomatappa', la jolona, la ia too allo.

Rut 1:16

Apa mebalii Rut nakua, “Indo', danggi' taparukuna' ssalaiki'. Madoangna' tamale sola. La umbo-umbo tanii male, ia toomo kunii male. Moi umbo tanii torro ia toomo kunii torro. Ia to bangsata' iamo bangsaku'. Ia to Allataala tasompa ia toomo la kusompa.

Rut 2:11

Mebalii Boas nakua, “Mangka ngasanmo kusa'ding sininna to panggaukan melo to mangka mupugauk lako indo matuammu, tonna mangka mate muanemu. Kuissenni kumua mpatorromoko tomatuammu sola kampong kajajianmu, muratu inde' torro sola tau to te'dapa musiissen.

Rut 2:13

Mangkadai Rut nakua, “Ie', puang, nang takamaseina', moiraka kutangngia pangjamata'. Ia to kameloan penawanta' liwa' kupumatana sola napumasannang penawangku'.”

Rut 4:15

Iamo la mpamasumanga'ko. Ia toomo la njampangko ke matuamoko. Nasaba' anak mamintummu to gaja mpakamoja'ko njajianni. La'bih keangga' joo mamintummu na ia ke la denni anakkamu pitu muane.”