Rut 2:11 - Alkitab Duri

¹¹ Mebalii Boas nakua, “Mangka ngasanmo kusa'ding sininna to panggaukan melo to mangka mupugauk lako indo matuammu, tonna mangka mate muanemu. Kuissenni kumua mpatorromoko tomatuammu sola kampong kajajianmu, muratu inde' torro sola tau to te'dapa musiissen.

Rut 2:11 ပူးပေါင်းရင်းမြစ်များ

Lukas 14:33

Mpatarruhhi kadan-Na Puang Isa nakua, “Susi toda kamu'. Te'da bang kamu' mesa' tau ngkullei menjaji tonturu'na', ke te'da mipasalaii penawa to apammi.

Lukas 5:11

Ia tonna rui'mi Simon sola solana joo lopinna lako randan tasik, nasalai ngasanni, namale nturu' Puang Isa.

Lukas 5:23

Umbonnara marawa, dikuaraka, ‘Didampanganmoko’, ba'tu dikuaraka, ‘Ke'dehmoko mulumingka.’

Rut 1:11

Mebalii Naomi nakua, “Danggi' anakku', la'bih melo ke pole kamu'. Apara bua'na milampeundina'? Nate'damo kulakeanak pole' to la menjaji muanemi.

Rut 2:10

Ia tonna sa'dingngi Rut joo kada, suju'i jio olona Boas namangkada nakua, “Tabe' puang, la mekutanana': Antakamaseira' taparinawana', na toratura' aku'?”

Rut 2:12

Dennaa upa' Nabalahhi PUANG Allataala to kameloanmu, Nabarakka'iko to sipato' mutarima jio mai PUANG Allataala to kisompa kami' to-Israel, na Ia toomo munii mentilendung.”

Rut 3:10

Nakuamo Boas, “Ee anakku', dennaa upa' Nabarakka'iko PUANG Allataala! Ianna dipasikita to apa mangkamo mupugauk lako indo matuammu, manassa kumua ia tee panggaukanmu la'bih pajanpa to pangpakamoja'mu. Nasaba' wa'ding bangpoko nnangah tomalolle'pa la sugihna iarika kaasi-asinna, apa te'da mupugaukki joo.

Rut 4:15

Iamo la mpamasumanga'ko. Ia toomo la njampangko ke matuamoko. Nasaba' anak mamintummu to gaja mpakamoja'ko njajianni. La'bih keangga' joo mamintummu na ia ke la denni anakkamu pitu muane.”