Rut 1:16 - Alkitab Duri

¹⁶ Apa mebalii Rut nakua, “Indo', danggi' taparukuna' ssalaiki'. Madoangna' tamale sola. La umbo-umbo tanii male, ia toomo kunii male. Moi umbo tanii torro ia toomo kunii torro. Ia to bangsata' iamo bangsaku'. Ia to Allataala tasompa ia toomo la kusompa.

Rut 1:16 ပူးပေါင်းရင်းမြစ်များ

Kada Bulawan 17:17

Ia to soba' da'tan mpakamoja' soba'na, na ia to sile'tota' turu' masussa ke masussaki'.

Daniel 2:47

Mangkadami raja lako Daniel nakua, “Nang la'bih makuasa to Allataala musompa, na ia to puang iarika raja laen. Ia toomo to mpamanassai to sininna apa tangkaissenan. Kuissenni joo, nasaba' napangpeissenanmo lako iko to apa la jaji.”

Daniel 3:29

Iamo joo kupangparentanni kumua, ia to simesa'-mesa' tau jio mai bangsa, rapu na basa, to mpau kada tangnnangga' Allataala to nasompa Sadrakh, Mesakh na Abednego, la dita'tak-ta'tak na ia to bolana la diro'pokan naditombon menjaji burauk, nasaba' te'da ia dewata la ngkullei mangpasalama' susi to mangka Napugauk Allataala to nasompa.”

Daniel 4:37

Iamo tee too, ia tee aku' Nebukadnezar, mpujimo', sola mpakala'bihmo' Raja Suruga. Ia to sininna panggaukan-Na tongan na ia to lalan-Na maruruh, na mangka too mpamajiong tomatampo.”

Matius 8:19

Denmi mesa' guru agama ratu lako Puang Isa nakua, “Oo, Guru! La undina' nturu'ki' umbo-umbo taola.”

Yahya 13:37

Mekutana pole'i Petrus nakua, “Oo Puang ciapari na te'dapa kuwa'ding male sola Kita' tee too? Mpangbenna' sunga'ku' mpangngewaiki'.”

Jamanna Rasulu' 21:13

Apa nakua mpebalii, “Oo, danggi'mo dikka' mikillakkina', nasaba' samasse-massena penawangku'. Sitonganna macanning sininna bulu-bulungku', tangngia la dipumpung manda jio, apa dibuno toona', nasaba' Puang Isa.”

1 Tesalonika 1:9

sanga nacurita ngasan tau kumua mitarima melokan tongkimale jolo mati'. Nacurita too kumua miboko'imo to dewata, mimassompa lako manda Puang Allataala. Iamo Puang Allataala tongan to tuo tarruh.

Yosua 24:18

Na ia tonna den mentama ntee tana Kanaan, Naula'ii to to-Amori to tontorroii tee tana. Jaji la massompa lakokan PUANG Allataala, sanga Iamo Allataala to tasompa!”

Pengkitanna Yahya 14:4

Melo tuu lako tau, sanga te'da lalo ia nasola baine. La undi bang lako Anak Bembala', moi umbo nanii male. Ia to tau, mane' iara to dipasalama' dipasusi bungah bua dipangben lako Puang Allataala na lako Anak Bembala'.

Rut 1:15

Mangkadami Naomi lako Rut nakua, “Ee anakku', kitari! Polemi sanglalanmu lako bangsami na jio toomo to dewatammi to la nasompa. Pole todamoko, undimoko lako!”

Rut 1:17

Ma'namo Nasessana' PUANG Allataala ke la kusalaiki'. Iami tanii mate, ia toomo kunii mate kudilamun jio. Kamatean mandara la mpasisarakki'!”

Rut 2:6

Mebalii joo bandoro' nakua, “Baine to-Moab, to mane' ratu sola Naomi jio mai tana Moab.

Rut 4:15

Iamo la mpamasumanga'ko. Ia toomo la njampangko ke matuamoko. Nasaba' anak mamintummu to gaja mpakamoja'ko njajianni. La'bih keangga' joo mamintummu na ia ke la denni anakkamu pitu muane.”