Roma 6:3 - Alkitab Duri

^3-4 Te'daraka miissenni kumua, ia tontadijio'mo, memmesa'miki' sola Puang Isa Almaseh. Ia tontadijio', pada matemiki' antapada dilamun sola Almaseh, dikua antatuo baru susi Almaseh tonna patuo pole'i Ambe' mpake kuasan-Na.

Roma 6:3 ပူးပေါင်းရင်းမြစ်များ

Matius 28:19

Iamo joo malemo kamu' lako sininna bangsa lan lino, mipupenjajii taung-Ku'. Jio'i mpau sangan-Na Ambe', Anak na Roh Allataala.

Jamanna Rasulu' 19:5

Ia tonna sa'dingmi joo, dijio'mi mpau sangan-Na Puang Isa.

Jamanna Rasulu' 2:38

Napebalii Petrus nakua, “Mengkatoba' kamu' jio mai dosami, ammipada mpangben kalemi dijio' mpau sangan-Na Puang Isa Almaseh anna dampangan kamu' Puang Allataala, naben too kamu' Roh Allataala.

Jamanna Rasulu' 8:16

sanga moi mesa' te'da bangpi to ntarima Roh Allataala. Mane' dijio' bangri mpau sangan-Na Puang Isa.

Roma 6:16

Tantu miissen kumua ia ke denni mipupuang mituru'i to napueloh, tantu ia minii mengkaunan. Ia ke mengkaunan lako kamu' kuasa dosa, la mate kamu'. Ia ke mengkaunan lako kamu' Puang Allataala, la dipupenjaji tomelo kamu'.

Roma 6:8

Ia antamatemo sola Almaseh, takatappa'imo kumua tuoki' sola,

Roma 7:1

Ee, todipusile'to! La mipahangmo tee kupau, sanga miissen to atoran agama, kumua ianna tuopa to tau la nakuasaipa ia atoran agama.

1 Korintus 10:2

Na ia joo apa mangka jaji dipapadai kadijioran. Jaji, ia to tojolota' susimi todijio' ngasanni lan saleu' na lan tasik namenjaji anak gurunna Nabi Musa.

1 Korintus 12:13

Jaji, ia to kita' tomatappa' dipupenjaji ngasanmiki' mesa' lan Almaseh, nasaba' pada najio'miki' Roh Allataala. La kita' to-Yahudi, la kita' bangsa tangngia to-Yahudi, la kita' tokaunan, la kita' tomaradeka, pada ngasanmiki' ntarima mesa' Roh Allataala.

1 Korintus 15:29

Sitarruhna, ia ke te'dai nadipatuo pole' to tomate, ciapari na den tau mpangpejioran kalena ssulle to tomatemo. Ia ke te'dai nadipatuo pole' to tomate, te'da bua'na joo napugauk.

1 Korintus 3:16

Ee, tomala'bihku' sola ngasan! Manassa miissen kumua kamu'mo bola-Na Puang Allataala, sanga torromi to Roh Allataala lan kalemi.

1 Korintus 5:6

Te'da lalo misipato' matampo. Tantu miissen battuananna tee pangpasusian kumua, “Ia to ragi ci'di' mpaloboh ta'pung ke mangkami dilama.”

1 Korintus 6:19

Tantu miissenmo kumua ia to batang kalemi bola-Na Roh Allataala, to naben kamu' Puang Allataala torro lan kalemi. Jaji, ia tee batang kalemi tangngiamo apammi, apa apannamo ia Puang Allataala.

1 Korintus 6:9

Tantu miissenmo kumua ia to tote'da naturu' pakkaeloran-Na Puang Allataala, te'da namenjaji umma'-Na Puang Allataala. Danggi' miuraga kalemi! Ia to tomanggauk sala, tossompa dewata, tosibali padanna muane,

1 Korintus 9:13

Miissen kumua, ia to tomangjama lan Bola Puang Allataala, lan too mai Bola Puang Allataala nanii ntarimai to la naputuona. Na ia to tonnurusu' ngenan pangkaroban, ditawai jio mai to apa dipangkaroban.

1 Korintus 9:24

Miissen kumua ia ke massimbarai to tau, kinjara' ngasanni, apa mesa'ra la nnampa' paraseng. Iamo joo massimbaramo kamu', ammiampa'i joo paraseng.

2 Korintus 13:5

La mparessa kamu' kalemi kumua mipahang tonganraka apara battuananna matappa' lako Almaseh! Miissen kumua torromo Puang Isa Almaseh lan kalemi. Ia ke te'dai natorro Almaseh lan kalemi, te'da naakui kamu' Puang Allataala.

Galatia 3:27

Mangkamo kamu' dijio' mpau sangan-Na Almaseh, jaji mitarimamo to sipa'-Na Almaseh.

Yakub 4:4

Ee, kamu' totangnningaranmo pale' Puang! Miissen kumua ia ke mipangbuda-budaii susi to totangnturu' Puang Allataala menjaji kamu' ewalin-Na Puang Allataala. Jaji ia to tolampangbuda-budaii susi joo, iamo mpangpeewalian kalena lako Puang Allataala.

1 Petrus 3:21

Na ia joo kajajian dipasangrapangngi pangjioran to mipusalama' tee too. Ia joo pangjioran tangngia mesa' cara mbasei batang kale danggi' nacarepa, apa ia to pangjioran mesa' peta'da lako Puang Allataala na la'paran kamu' jio mai kasalan. Napasalama' kamu', sanga mangkami tuo pole' Puang Isa Almaseh jio mai kamatean.