Roma 4:3 - Alkitab Duri

³ Den diuki' lan Sura' Allataala kumua, “Ia to Nabi Ibrahim dipupenjaji tomeloi, sanga matappa'i lako Puang Allataala.”

Roma 4:3 ပူးပေါင်းရင်းမြစ်များ

Matius 20:9

Ratumi to tomangjama mammula tatte' lima. Pada natarimami to gajinna simesa' dinar.

Markus 12:10

Tantu denmo mibacai tee aya' lan Sura' Allataala to mpauna' kumua, ‘Ia to batu naca'bean pande bola, menjajimo batu ariri petuo.

Roma 10:11

Den diuki' lan Sura' Allataala kumua, “Ia to tomatappa' te'da naladipakasiri'.”

Roma 11:2

Te'da natangmpuumma'i Puang Allataala to umma'-Na to napilei jolomo. Miissen curitanna Nabi Elia to diuki' lan Sura' Allataala, tonna pangpeasanni to to-Israel lako Puang Allataala. Nakua Nabi Elia,

Roma 4:11

Mangkamira joo, namane' disunna'. Ia to kadisunnatanna tandana kumua ia to Nabi Ibrahim napupenjaji tomeloi Puang Allataala, nasaba' matappa'i, moi na te'dapa napugaukki to atoran sunna'. Iamo joo na ia to Nabi Ibrahim menjaji ambe'na sininna tomatappa', to dipupenjaji tomelo, moiraka na te'da nadisunna'.

Roma 4:5

Apa ia to kasiumputanta' sola Puang Allataala, to mpupenjaji meloi to tomadosa, te'da nasusi joo, te'da namenggaronto' lako panggaukanta'. Ia to tomadosa to te'da napattuan panggaukan melona, apa napattuan lakori Puang Allataala, dipupenjaji tomelo, sanga kamatapparanna.

Roma 4:9

Ia joo kamasannangan nasanga Raja Daud, te'da nadipatuju lako manda todisunna', apa dipatuju lako too totangdisunna'. Susi to mangka kipau jolo kumua, ia to Nabi Ibrahim dipupenjaji tomeloi, sanga matappa'i lako Puang Allataala.

Roma 9:17

Den diuki' lan Sura' Allataala kumua, “Mangkadami Puang Allataala lako Firaun, Raja Mesir nakua, ‘Kuangka'ko jaji raja la kunii mpangpekitan kuasang-Ku', na kaissenan to sangang-Ku' lako sininna tolino.’ ”

Yakub 2:23

Susimi joo najaji to aya' diuki' lan Sura' Allataala kumua, “Ia to Nabi Ibrahim dipupenjaji tomeloi, sanga matappa'i lako Puang Allataala.” Iamo joo nadisanga, “Soba'na Puang Allataala.”

Yakub 4:5

Danggi' misangai kumua mesa napaunna bangra Sura' Allataala to kada kumua, “Ia to penawanna tolino pole jio mai Puang Allataala na liwa' buda to nakadoangngi.”