Roma 11:7 - Alkitab Duri

⁷ Jaji umbo nakua? Ia to to-Israel mpengkullei la dipupenjaji tomelo, apa te'da naampa'i. Ci'di'ra to nnampa'i, iamo to tonapileimo Puang Allataala. Na ia to laenna napupembattukki penawanna, na te'da namatappa'.

Roma 11:7 ပူးပေါင်းရင်းမြစ်များ

Kada Bulawan 1:28

Ia joo wattu la metamba kamu' lako aku', apa te'da kupebali kamu', la mitonganni tongan nnangahna', apa te'da miampa'na'.

Markus 6:52

nasaba' te'dapa napahangngi to kuasan-Na Puang Isa mpugauk tanda mejangngaran tonna mpakande limang sa'bu tau na limara roti na dua bale. Disamboii pangngingaranna joo wattu.

Lukas 13:24

“Ia to tau dipasalama' wa'ding dipasirapang tomentama ba'ba si'pi'. Iamo joo pengkulle-kullei mentama nnola ba'ba si'pi', nasaba' buda tau mpengkullei mentama apa te'da nakullei.

Yahya 12:40

‘Kupabutai to matanna, kupembattukki to penawanna, nadanggi' napakita matanna, nadanggi' napahangngi, nadanggi' namengkatoba' lako kale-Ku', anna danggi' kupamalagahhi.’ ”

Roma 10:3

Te'da napahangngi na te'da natarimai umbo nakua Puang Allataala mpupenjaji tomeloi to tolino. Apa napengkullei mpupenjaji tomelo kalena.

Roma 11:25

Ee todipusile'to! Denpa kareba to parallu miissen to te'dapa napangpeissenanni Puang Allataala lako tau tonna anu'. Madoangna' ammiissenni, anna danggi' mimajao penawa. Ia joo kareba iamo to kumua buda to to-Yahudi dipupembattuk penawanna. Na la susi bangngi joo to sipa'na, saganna'na to bangsa tangngia to-Yahudi dipasalama'.

Roma 11:5

Susi toomi tee too, nasaba' den unapa ci'di' tau to napilei Puang Allataala situru' kameloan penawan-Na,

Roma 3:9

Jaji umbo susi? Denraka kala'bianna to to-Yahudi na ia to tau laen? Te'da! Mangkamo kupau kumua la to-Yahudi, la bangsa tangngia to-Yahudi, tonakuasai ngasanmo kuasa dosa.

Roma 6:15

Umbomora la takua too? Wa'dingriki'ka mpugauk dosa, nasaba' nakuasaimiki' kameloan penawan-Na Puang Allataala, na te'damo nakuasaiki' atoran agama? Te'da nalasusi joo!

Roma 9:18

Jaji Puang Allataala mpakitanni kameloan penawan-Na to mesa' tau ke napuelohhi, apa mpupembattuk too tau laen ke napuelohhi.

Roma 9:23

dikua anna mpangpepajanan kamala'biran-Na to napatuju lako kita' tonakamasei. Na mangkamiki' napasadia la ntarimai joo kamala'biran.

1 Korintus 10:19

Apara battuananna joo kupau? Iamo to kumua moi to dewata, ba'tu ia to kande dipassompan lako dewata, te'dara nalannapa kamu',

2 Korintus 3:14

Pussakki joo to-Yahudi susi to disamboi tangngahna. Ratu lako too allo da'tanpa susi to nasamboi kaen to tangngahna ke ssa'dingngi atoran agama dibaca, anna te'da napahangngi tujunna. Iapi natitimbak joo kaen, ke memmesa' penawai sola Almaseh.

2 Korintus 4:4

Ia to Ballisi', to ngkuasaii tee lino, iamo ssamboii tangngahna tuu lako tote'da namatappa', anna te'da nakitai to arrangna Kareba Kasalamatan to napupangngarrang kamala'biran-Na Almaseh to sangrupa bang una Puang Allataala.

Efesus 1:4

Napakamoja'ki' Puang Allataala. Napileimiki' tonna te'dapa nadipaden tee lino nasaba' Almaseh, antawa'ding menjaji tau mesan-Na nate'da caccata' ba'tu kakuranganta'.

Efesus 4:18

na te'da namapahang. Te'da naampa' katuoan baru to nabenni Puang Allataala, sanga te'da naissenni to pangngajaran tongan na tangmangpesa'ding tooi.

Filipi 1:18

Ake' bangmo. Masannangna', apa bangmo akkattana, meloraka, tangmeloraka, ke Almaseh unai to napangpeissenan. La masannang tarruhna',

Ibrani 12:17

Miissen kumua, undinna tonna madoangmo Esau ntarimai joo barakka' jio mai ambe'na, te'da nadiben. Moi na gaja ssassanni joo panggaukanna, apa te'damo lalan dinii benni joo barakka', moi namangwai mata mpeta'dai.

1 Petrus 1:2

Napileimo kamu' Ambe' Puang Allataala susi to pura napattantu jolona. Roh Allataalamo mpupenjaji kamu' tau mesan-Na, ammimengkaturu' lako Puang Isa Almaseh to ndampangan kamu' mpake rara-Na. Dennaa upa' naben kamu' Puang Allataala sabuda-budanna barakka' sola kamasannangan.