Roma 10:9 - Alkitab Duri

⁹ Nasaba' ia ke miakui jio olona tobuda kumua Puangngi to Isa, ammikatappa'ii lan penawammi kumua mangkamo to Puang Isa Almaseh napatuo Puang Allataala jio mai kamatean, la salama' kamu'.

Roma 10:9 ပူးပေါင်းရင်းမြစ်များ

Lukas 12:8

Mangkada unapa Puang Isa nakua, “La miingaran kumua, ia to tonnakuina' jio olona tobuda kumua tomenturu'i lako kale-Ku', la kuakui todai to Aku', Anak Mentolino, jio olona malaeka'-Na Puang Allataala.

Yahya 9:22

Naanggai' to tomatuanna mangkada susi joo, sanga malaja'i lako pekaamberan to-Yahudi. Mangkamo nasituru'i kumua, ia to tonnakui kumua Raja Mangpasalama' to Puang Isa, la dipassala, na te'damo nadieloran mentama bola passambajangan.

Jamanna Rasulu' 16:31

Napebalii Paulus sola Silas nakua, “Katappa'iko Puang Isa! Musalama' la iko, la ia to repokkomu!”

Jamanna Rasulu' 2:24

Apa napatuo pole'mi Puang Allataala jio mai kamatean. Nala'paranmo Puang Allataala, moi naamma'i kamatean, sanga te'da lalo nakullei to kamatean la ntaloi tarruhhi.

Jamanna Rasulu' 2:32

Ia joo Puang Isa iamora napatuo pole' Puang Allataala jio mai kamatean. Na iamora joo to mangka kikita kipangpeissenanni sola ngasan.

Jamanna Rasulu' 8:36

Mpatarruhhi kalingkanna na dete' wai, nakua, “Inde'mi to wai, denparaka halanganna ke dijio'na'?” [

Roma 10:10

Nasaba' penawara namatappa' to tau, napupenjaji tomeloi Puang Allataala. Na pangngakuan timunna to tau anna dipasalama'.

Roma 14:11

Den diuki' lan Sura' Allataala kumua, “Nakua Puang Allataala, ‘Massapahna' kumua sininna tolino la messuju' jio olo-Ku'. Na sininna tolino la mangngaku kumua Aku'mo Puang Allataala.’ ”

Roma 14:9

Mangkamo mate to Almaseh, natuo pole'. Iamo pole' joo, Iamo Puangna to tuo, na Puangna to mangkamo mate.

Roma 4:24

apa dipatuju lako too kaleta'. Napupenjaji tomelo tooki' Puang Allataala, ke matappa'ki' lako Puang Allataala to mangka mpatuo Puangta' Puang Isa jio mai kamatean.

Roma 8:34

Te'da ia tau ngkullei ncallaki', sanga Puang Isa Almaseh la mpangkadananki'. Iamo to mangka mate, natuo pole' na cumadokkomo sola Puang Allataala.

1 Korintus 12:3

Iamo joo kupamanassan kamu' kumua, ia to tonapatuju Roh Allataala, moi mesa' tau te'da nalamangkada kumua, “Tampak ropu ia joo Puang Isa.” Susi toomi joo te'da mesa' tau ngkullei mangkada kumua, “Puang to Isa!” ke te'dai napatujui Roh Allataala.

Filipi 2:11

Na sininna tokepenawa la mangngaku kumua, “Puang to Isa Almaseh”, anna la dipakala'bih to Ambe' Puang Allataala.

1 Petrus 1:21

Almasehmora ammimatappa' lako Puang Allataala, to mangka mpatuo pole'i jio mai kamatean, na mpakala'bih tooi. Jaji, Puang Allataalara mikatappa'i, na Ia manda toora miparannuan.

1 Yahya 4:15

Inda-inda to nnakuii kumua Anak Allataala to Puang Isa, ia to Puang Allataala da'tan mesa' penawa sola joo tau, na ia da'tan mesa' penawa sola Puang Allataala.

2 Yahya 1:7

Buda tompalao sala tau male bang llelei tondok. Ia tuu lako tau te'da naakuii kumua mentolinomo to Puang Isa. Ia to mangkada susi joo, tompalao sala tau na tonnewa Almaseh.