Pengkitanna Yahya 8:7 - Alkitab Duri

⁷ Ia to malaeka' bungahna mpannoni tarompe'na, nata'pa uran batu sola api sirau rara liwa' rambak. Sangtawa tallunna cappu' nakande api to lino sola garonto' kaju, na ia to reu cappu' ngasan.

Pengkitanna Yahya 8:7 ပူးပေါင်းရင်းမြစ်များ

Yakub 1:11

Ianna maka'jamo to allo, malajumi to reu nasilolloran to ca'binna, ta'de toomi to ballona. Susi toomi lako tosugih, ia joo wattu mangngangah bang unai nata'pa mate.

Yosua 10:11

Ia tonna sipalaian to to-Amori jio mai olona to-Israel, pamula jiong awa' buntu jiong Bet-Horon ratu sau' kota Azeka, Napabassanni tarruh-Hi PUANG Allataala uran batu simatonggo jao mai langi' arannai simatean. Ia to mate nakanna uran batu la'bih buda na ia to mate napa'dangngi to-Israel.

1 Petrus 1:24

Den diuki' lan Sura' Allataala kumua, “Sininna tolino susiri reu na sininna kamala'biranna susi bangri ca'bi reu. Malajui to reu, lolloh todami to ca'binna.

Pengkitanna Yahya 12:4

Ia to ikko'na napake rrui' sangtawa tallunna bintuin jao langi', napellekkosanni tama lino. Ia joo naga ke'deh bang jio olona joo baine la keanak, nakua anna ta'pa ngkandei to anakkana ke jajimi.

Pengkitanna Yahya 16:2

Ia joo malaeka' bungahna male mballuan issi isotanna tama lino. Na sininna to tompakei joo tanda napusanga joo olok-olok sola tossompa tau-taunna, nakanna bundang to liwa' pa'dik na sumerre'.

Pengkitanna Yahya 16:21

Uran batu liwa' rambak ngkanna tau. Ia to sanglise' limang pulo kilo banda'na. Natangdoii tau to Puang Allataala, nasaba' ia joo pangsessa uran batu liwa' pa'dik.

Pengkitanna Yahya 6:8

Ta'pa ngkita omo' mesa' nyarang susi punti matasak to bulunna. Ia to tossakeii disanga Kamatean, na Lino Tomate undi bang jio boko'na. Dieloran mbunoi sangtawa a'pa'na tolino mpake kasirarian, karorian, ra'ba beang na olok-olok masia'.

Pengkitanna Yahya 7:1

Mangkai joo too ngkitana' a'pa' malaeka' ke'deh jio sulapa'na lino. Pada natampangngi to angin, danggi' namangngiri' jao gantanan, jiong tasik ba'tu jio garonto' kaju.

Pengkitanna Yahya 9:15

Nala'paranmi to a'pa' malaeka' to dipasadia la mbuno sangtawa tallunna tau lan lino, to dipattantumo jangna, allona, bulanna, na taunna la nanii mpugaukki.

Pengkitanna Yahya 9:18

Sangtawa tallunna tau nabuno tee tallu pangsessa, iamo to api, rambu na colo' to messun lan mai anga'na tuu lako nyarang.

Pengkitanna Yahya 9:4

Apa tangdieloran nggajatan reu, garonto' kaju na tananan laen. Ia mandara la nasessa to tau te'da tanda jio mai Puang Allataala jio kidena.