Pengkitanna Yahya 7:16 - Alkitab Duri

¹⁶ Te'damo anna la ssa'dingan katangbarasan, kamawakkean na allo malussu to mma'bongan kuli'na,

Pengkitanna Yahya 7:16 ပူးပေါင်းရင်းမြစ်များ

Yunus 4:8

Na ia tonna ollongmo to mataallo, naparatu pole' omi PUANG Allataala to angin malussu, mangngiri' jio mai kadellekan. Ia to arrangna allo ntampahhi ulunna Nabi Yunus anna garapa limpu. Ka'tu rannumi Nabi Yunus nameta'da nakua, “La'biran ke mate bangmo' na ia ke tuona'!”

Matius 13:21

Apa te'da natorro tongan lan penawanna na cingga'tu'ra natangnningaranmi. Ianna ratuimi kamasussan ba'tu kadipakario-rioan, sanga ia joo kada, ta'pa balik pole'mi.

Matius 13:6

Apa ia tonna malussumo allo, nala'da'mi allo joo tananan mane' cumucuk. Ta'pa malajumi anna mate, nasaba' te'da namandalan to waka'na.

Matius 5:6

Masannang to tau mamali' mpugauk pakkaeloran-Na Puang Allataala, nasaba' la naben Puang Allataala to apa nakamali'.

Markus 4:17

Apa te'da natorro tongan lan penawanna na cingga'tu'ra natangnningaranmi. Ianna ratuimi kamasussan ba'tu dipakario-rioi, sanga ia joo kadan-Na Puang Allataala, ta'pa balik pole'mi.

Markus 4:6

Apa ia tonna malussumo allo, nala'da'mi allo joo tananan mane' cumucuk. Ta'pa malajumi anna mate, nasaba' te'da namandalan to waka'na.

Lukas 1:53

Nabenni to totangbarah na sabarahna, na ia to tosugih nasua pole mangpala' lo'bang.

Lukas 6:21

Masannang kamu' to tangbarah tee too, nasaba' la dipebarahhi kamu'. Masannang kamu' to kumarrak tee too, nasaba' la metawa kamu'!

Yahya 4:14

Apa ia to tonniso'i to wai la kupangben, te'da lalomo nalamawakke. Sanga ia joo wai la kubenni la menjaji susi kalimbuah tangmate lan kalena na lolong messun mbenni katuoan melo te'da cappa'na.”

Yakub 1:11

Ianna maka'jamo to allo, malajumi to reu nasilolloran to ca'binna, ta'de toomi to ballona. Susi toomi lako tosugih, ia joo wattu mangngangah bang unai nata'pa mate.

Pengkitanna Yahya 21:4

Puangmo la mpa'dii to wai matanna, na te'damo to disanga kamatean, asse penawa, killak, kamasakian, te'da lalomo ia. Ia to apa jolo ta'de ngasanmi.”