Pengkitanna Yahya 7:14 - Alkitab Duri

¹⁴ Kupebalii kukua, “Ie', te'da kita' kuissenni. Kita'ra la'bih nnissenni.” Nakuamo joo tomatua-tua ngkuanna', “Iamo tee mai to tosalama' jio mai pangsessa gaja parri'. Mangkami ssassa' pakean malandona mpake rarana Anak Bembala' namabusamo.

Pengkitanna Yahya 7:14 ပူးပေါင်းရင်းမြစ်များ

Daniel 11:35

Ba'tu pira-pira to tomacca mangpangngajah melo la dipatei, apa ia joo menjaji pecoba lako umma'-Na Puang Allataala namacero te'da caccana ratu lako Kama'na lino, iamo wattu to mangka Napattantu Puang Allataala.

Daniel 12:1

Mangkada pole'i joo malaeka' mangrupa tau, nakua, ‘Ia ke la Kama'mi lino, la ratui Mikhael sala mesa'na kapala malaeka' ntulung bangsamu. Na ia joo wattu na la den kamaparrisan la'da'. Te'dapa naden kamaparrisan susi joo, mangpamula den bangsa ratu lako joo wattu. Apa la salama' bangsamu to diuki'mo sanganna lan Sura' Katuoan.

Daniel 7:16

Jaji malena' mpendete'i to mesa' tau ke'deh jio, angkukutanaii kumua apa battuananna joo kukita anna pauanna' battuananna, nakua,

Matius 24:21

Nasaba' ia joo wattu la den pangsessa gaja parri', to te'dapa naden susinna joo sipammula lino dipaden ratu lako too allo, na te'da toomo naladen pole'pa.

Markus 13:19

Nasaba' ia joo wattu la den pangsessa gaja parri', to te'dapa naden susinna sipammula lino dipaden ratu lako too allo, na te'da toomo naladen pole'pa.

Yahya 16:33

Kupauan ngasanmo kamu' tee, ammiampa' kamasannangan nasaba' memmesa'mo kamu' sola Aku'. La maparri' kamu' dipakario-rio lan lino. Apa pemawatangngii penawammi, nasaba' mangkamo' ntaloi kuasanna lino.”

Jamanna Rasulu' 14:22

Napamawatang ngasan penawanna to tomatappa' lan simesa'-mesa' kota, dikua anna tatta' to kamatapparanna. Nakuanni, “La buda kamaparrisan diolai, tamane' mentama Lino Barun-Na Puang Allataala.”

Roma 5:3

Te'da na ia manda joo, apa mario tooki', moi nakannaki' kamaparrisan, nasaba' taissen kumua kamaparrisan mpamawatangki',

1 Korintus 6:11

Ba'tu pira-pira tau lan tangnga-tangngami massipa' susi joo tonna jolona. Apa ia tee too, ia to Puang Isa Almaseh sola Roh Allataala to pole jio mai Puangta' Puang Allataala mangka lla'paran kamu' jio mai kuasa dosa, na mpupenjaji tau mesan-Na kamu' Puang Allataala, sola napupenjaji tomelo kamu'.

2 Tesalonika 1:4

Iamo joo, angkituli mpau kamu' umbo-umbo kinii male sitammu jamaa-Na Puang Allataala. Pa'jakkan ncuritai, matumba to kasabbarasanmi, ammida'tan matappa' lako Puang Isa Almaseh moi midipakario-rio sola dipa'dikki.

Ibrani 13:12

Susi todami joo namate saleanan babangan kota to Puang Isa na ia to rara-Na mbasei dosana tolino.

1 Petrus 1:19

apa liwa' keangga'na. Iamo to rara-Na Almaseh dipake butung bembala' te'da caccana ba'tu kakuranganna dipangkaroban lako Puang Allataala.

1 Yahya 1:7

Apa ia ke tuoki' situru' pakkaeloran-Na Puang Allataala, mesa' penawamiki' sola padanta' tomatappa', anna ia to rara-Na Puang Isa, Anak Allataala, mpemaceroiki' jio mai sininna dosata'.

Pengkitanna Yahya 1:5

Ia to Puang Isa sa'bi maruruh. Iamo bungah dipatuo jio mai kamatean. Ia toomo ngkuasai sininna raja lan lino. Napakamoja'ki' namate anna la'paranmiki' jio mai dosata'.

Pengkitanna Yahya 12:11

Mangkami nataloi padanta' tomatappa' mpake rara-Na Anak Bembala' ba'tu rara-Na Puang Isa na Kareba Kasalamatan to mangkamo napangpeissenan. Te'da najampangngi sunga'na moi na la mpumatei.

Pengkitanna Yahya 15:2

Mangkai joo too ngkita omo' sali maluah susi cammin sirau api, naden tau ke'deh jio randanna. Ia tuu lako tau mangka ntaloi to olok-olok to digaragan tau-taunna to den nomoro' mpamanassai to sanganna. Ia joo topatalo ntoe cu'bekan-Na Puang Allataala,

Pengkitanna Yahya 17:6

Angkukitai joo baine nalango rarana umma'-Na Puang Allataala sola rarana to tomangka nabuno, nasaba' ngkatappa'i Puang Isa. Ia tongkukitai joo baine jangngahna'.

Pengkitanna Yahya 2:9

Kuissen to kamasussanmi na kamakario-rioanmi apa sitonganna sugih kamu'. Kuissen too to kada gaja' to naanggasan kamu' tuu mati' to ssanga kalena to-Yahudi apa te'da natongan, sanga umma'na ia Ballisi'.

Pengkitanna Yahya 22:14

Masannang ia to sininna tau mangka mpemaceroi pakean malandona, nadieloran mentama joo kota nnola babangan anna wa'ding kandei to bua kaju Katuoan.

Pengkitanna Yahya 5:9

Makkelongngi mpukelong kelong baru: “Sipato'ki' nnalai tapiak tooi to segelna tuu sura' tilulun, sanga mangkamiki' digere' anna ia to rara kamatean-Ta' tapake nnallian tau Puang Allataala jio mai sininna rapu tau, tondok, basa na bangsa.

Pengkitanna Yahya 7:9

Mangkai joo too ngkita omo' tau liwa' buda, tangdipura dibilang. Ia tuu lako tau pole jio mai simesa'-mesa' rapu tau, tondok, basa na bangsa. Mangpakean malando mabusa ngasan na ntoe palapa palem, mennolo lako Anak Bembala' sola cadokkoan mala'bih lan tangnga.