Pengkitanna Yahya 7:12 - Alkitab Duri

¹² Mangkadai nakua, “Amin. Dipuji sola dipakala'bih Puangta' Puang Allataala to paissen. Sipato' dipabumbunni kada kurru sumanga' sola kadianggasan. Ia kuasa namawatang te'da cappa'na. Amin.”

Pengkitanna Yahya 7:12 ပူးပေါင်းရင်းမြစ်များ

Yunus 2:9

Apa ia to aku' la mangkurru sumanga'na' lako kale-Ta' angkupassompan karoba, kupugauk too sininna tinja'ku', nasaba' PUANG Allataala manda to wa'ding mpasalama' tau.”

Matius 6:13

Danggi' taelorankan ta'de kamatapparanki' ke disedekan mpugauk dosa, apa la'parankan jio mai kuasanna Ballisi'. [Nasaba' Rajaki', makuasaki' na mala'bihki' te'da cappa'na. Amin.]

Roma 11:36

Sininna issinna lino panggaragan-Na ngasan Puang Allataala na apan-Na ngasan too, nadipatuju ngasan lako kale-Na. Iamo joo, sipato'ki' mpakala'bih tarruhhi to Puang Allataala te'da cappa'na! Amin.

1 Korintus 14:16

Ia ke mangkurru sumanga' kamu' lako Puang Allataala mpake penawammi, naden tolaen te'da naissenni joo basa mejangngaran, te'da nawa'ding mpau, “Amin”, nasaba' te'da napahangngi apara joo mipau.

2 Korintus 4:15

Ia to kamaparrisan kiperasai la mipumelona. Nasaba' ia ke sabuda-budanna tau mperasai kameloan penawan-Na Puang Allataala, sabuda-budanna tooi pangkurrusumanga' dipaendek de' Puang Allataala, anna Ia manda dipakala'bih.

Kolose 2:7

La tatta' kamu' memmesa' sola Almaseh, mirannuanni. La samatappa'-tappa'na toomo kamu' lako Almaseh, susi to mangka diajaran kamu'. La tuli mangkurru sumanga' too kamu' lako Almaseh.

Kolose 3:17

Moi apa mipugauk ba'tu mipau, ia to panggaukanmi la situru' panggaukanna umma'-Na Puang Isa. Mangkurru sumanga' kamu' lako Ambe' Puang Allataala, nasaba' apa to napugauk Puang Isa lako kalemi.

Yudas 1:25

Ia manda mesa-mesanna Puang Allataala, to mpasalama'ki' nasaba' kamatean-Na Puangta' Puang Isa Almaseh. Iamo Puang Allataala to mala'bih, matongko, mawatang na makuasa mammula jiona mai, tee too, na te'da cappa'na! Amin.

Pengkitanna Yahya 1:18

Aku'mo to tuo! Mangkamo' mate, apa tuo pole'mo' te'da cappa'na. Ngkuasaina' kamatean sola lino tomate.

Pengkitanna Yahya 19:4

Ia joo duang pulo a'pa' tomatua-tua sola a'pa' olok-olok, suju' ssompa Puang Allataala to cumadokko jao cadokkoan mala'bih. Pada mangkadai nakua, “Tonganmo! Pakala'bihhi Puang!”