Pengkitanna Yahya 6:9 - Alkitab Duri

⁹ Ia tonna piakki to segel mangpellima, ta'pa kukitami bombona to tomangka dibuno, nasaba' mpangpeissenanni kadan-Na Puang Allataala sola mpaui kasa'bianna. Ia tuu lako bombo jioi do'na to ngenan pangkaroban

Pengkitanna Yahya 6:9 ပူးပေါင်းရင်းမြစ်များ

Yahya 16:2

La diula'i kamu' lan mai bola passambajangan. La den too ia wattunna, na ia to tombuno kamu' nasangai kumua mpugaukki kameloan lako Puang Allataala.

2 Korintus 5:8

Mawatangki' moi nala'bih takabudai la'pah jio mai tee batang kaleta', antawa'ding mari'pih sola Puang.

Filipi 1:23

Nasialaina' tee dua. Madoangna' ssalaii tee lino angkumari'pih sola Almaseh, nasaba' iamo joo to kaminang melo.

Filipi 2:17

Ia tee aku' mangkana' mpaissenni kamu' to Kareba Kasalamatan ammimemmatappa'. Na moi nadipato'do to raraku', nabutung dipatibolloh susi karoba lako Puang Allataala nasaba' ia to mangka kupugauk lako kalemi, la masannangna' antamasannang sola.

2 Timotius 1:8

Iamo joo la baranimoko mpangpeissenanni to Puangta' Puang Isa lako tau laen, na danggi' too mukasirisanna', to ditarungku nasaba' nturu'na' Puang Isa. Apa sibalikanna, la maparri'ko susi aku', nasaba' mpangpeissenanko Kareba Kasalamatan, situru' kapakullean to nabenko Puang Allataala.

2 Timotius 4:6

Na ia tee aku', nadete'mi wattunna, la matena' butung karoba lako Puang Allataala. Te'damo namasai kusalaiko.

Ibrani 12:23

Nturu'mo kamu' mesa' pangrempunan maroah, pangrempunanna sininna anak pamungah-Na Puang Allataala, to diuki'mo sanganna lan suruga. Ratumo kamu' mangngolo lako Puang Allataala, Tomangra'tahna sininna tolino. Nnoloimo kamu' tomatappa' to matemo, to mangkamo dipupenjaji tomelo.

Pengkitanna Yahya 1:2

Kuuki'mi sininna to apa kukita. Na inde'mi to pengkitangku'. Iamo joo pepasan-Na Puang Allataala na kasa'bian-Na Puang Isa Almaseh.

Pengkitanna Yahya 1:9

Ia tee aku', Yahya, padammi tomatappa'. Dipakario-rio todana' susi kamu', sanga umma'-Na todana' Puang Allataala. Iami joo napasabbara' todana' Puang Isa susi kamu'. Dipali'na' ntee pulau Patmos, sanga mpangpeissenanna' kadan-Na Puang Allataala sola mpauna' kasa'bianku' to curitanna Puang Isa.

Pengkitanna Yahya 14:18

Mangkai joo too, den malaeka' to ngkuasai api messun jio mai to ngenan pangkaroban, metamba ngkuanni joo malaeka' ntoe sae' gaja taran nakua, “Passaetanmi tuu sae'mu, sae'mi to anggoro' do' lino, sanga matasakmi.”

Pengkitanna Yahya 16:7

Ssa'ding pole' omo' gamara pole jao mai ngenan pangkaroban nakua, “Oo, Puang Allataala to makuasa! Tongan na maruruhki' rra'tah kara-karana tolino.”

Pengkitanna Yahya 19:10

Suju'na' jio olona joo malaeka' la ssompai, apa napangkadaina' nakua, “Danggi'! Danggi' sompana'. Puang Allataalara musompa! Nasaba' pada todisuariki' sola to sile'tomu to nturu' pangngajaran-Na Puang Isa!” Ia joo pangngajaran-Na Puang Isa iamo mpamasumanga' nabi.

Pengkitanna Yahya 2:13

Kuissen to minii mari'pih, iamo to nanii mangparenta Ballisi'. Matappa' tonganmo kamu' lako Aku'. Susinna tonna dibuno tomatappa'-Ku' Antipas jio olomi to nanii Ballisi' torro, anna te'da mipessakkannina' kumua tangngiana' Puangmi.

Pengkitanna Yahya 20:4

Mangkai joo too ngkita omo' ba'tu pira-pira cadokkoan mala'bih, na ia to cumadokko jao diben kuasa mangra'tah kara-kara. Kukita tooi bombona to todile'toi ulunna, sanga mpangpeissenanni karebanna Puang Isa na kadan-Na Puang Allataala. Ia tuu lako tau te'da ia nasompai to olok-olok sola tau-taunna. Te'da too natarimai to tandana joo olok-olok to dipajio kide na lima. Tuo pole'i namangparenta sola Almaseh sangsa'bu taunna.

Pengkitanna Yahya 8:3

Den mesa' malaeka' laen male mbawa mangko' bulawan, nake'deh siandah meja dupa to dikabua' too jio mai bulawan. Liwa' buda dupa dibenni, la napasiraui passambajangna sola pangpakala'biranna sininna umma'-Na Puang Allataala. Napajaoi meja dupa jio olona cadokkoan mala'bih lan tangnga-tangnga, napassompan lako Puang Allataala.

Pengkitanna Yahya 9:13

Ia to malaeka' mangpennannan mpannoni tarompe'na, angkusa'ding gamara jio mai a'pa' tetukkuna to meja dupa jio olo-Na Puang Allataala,