Pengkitanna Yahya 6:1 - Alkitab Duri

¹ Mangkai joo too kukitami to Anak Bembala' mpiakki to segel bungahna, kusa'dingngi joo olok-olok bungahna metamba susi oni galugu nakua, “Maleko mai!”

Pengkitanna Yahya 6:1 ပူးပေါင်းရင်းမြစ်များ

Yahya 1:29

Masawanna malemi Puang Isa lako Nabi Yahya. Ia tonna kitai Nabi Yahya to Puang Isa mangkadami nakua, “Iamo joo Anak Bembala'-Na Puang Allataala ratu la ndampangan tolino.

Jamanna Rasulu' 4:20

Ia ke kami', te'da kilantorroii mpaui apa to mangkamo kikita sola kisa'ding.”

Pengkitanna Yahya 11:19

Anna titimbak to pelalan Bola Puang Allataala jao suruga, nadikita to Patti Kasibassean lan. Ta'pa cullepa'-lepa' to kila' na nnoni to galugu siloga-loga, nino liwa' tonggo na uran batu gaja rambak.

Pengkitanna Yahya 13:8

La nasompa sininna to totuo lan lino, saliwanna to tomangkamo diuki' sanganna lan Sura' Katuoan tonna te'dapa nadipaden tee lino. Ia to Sura' Katuoan, sura'-Na Anak Bembala' to mangkamo digere'.

Pengkitanna Yahya 14:2

Angkusa'ding gamara jao mai suruga susi oni wai mentalanda gaja buda sola susi oni galugu gumaluguh liwa' tonggo. Ia joo gamara kusa'ding susi too oni mossi' napannoni tomangcu'bikan.

Pengkitanna Yahya 19:6

Mangkai joo too kusa'ding pole' omi susi gamaranna to sangtorroan tau buda, susi bombang nnumbung na susi galugu gumaluguh. Mangkada nakua, “Pakala'bihhi Puang! Mangparentami Puangta' Puang Allataala to makuasa!

Pengkitanna Yahya 4:8

Ia joo a'pa' olok-olok kepani' ngasan siannan. Ia to kalena sola pani'na ponno mata, makkelong tarruh nakua, “Mala'bih, mala'bih, mala'bih Puang Allataala to makuasa, to den tee too, denmo tonna jolona, na den tarruh too.”

Pengkitanna Yahya 5:1

Mangkai joo too ngkitana' mesa' sura' tilulun jio lima kanan-Na joo to cumadokko jao cadokkoan mala'bih lan tangnga. Ia joo sura' tilulun buda pangnguki' jiong, moi jio boko'na, nadisegel pitu.

Pengkitanna Yahya 5:12

makkelong nnandongngi gamaranna nakua, “Ia joo Anak Bembala' mangka digere', sipato' ntarima kuasa, kasugiran, kapaissenan sola kamawatangan. Nang sipato' ia dikasiri', dipakala'bih, na dipuji.”

Pengkitanna Yahya 5:8

Ia tonna alami, ia to a'pa' olok-olok sola to duang pulo a'pa' tomatua-tua suju' ratu do' litak jio olona joo Anak Bembala'. Pada sitoe cu'bekan sola mangko' bulawan nanii dupa. Ia joo dupa, iamo passambajangna umma'-Na Puang Allataala.

Pengkitanna Yahya 6:3

Ia tonna piakki Anak Bembala' to segel mangpenduan, kusa'dingngi to olok-olok mangpenduan metamba nakua, “Malemoko mai!”

Pengkitanna Yahya 6:5

Ia tonna piakki Anak Bembala' to segel mangpentallun, kusa'ding omi to olok-olok mangpentallun metamba nakua, “Maleko mai!” Ta'pa ngkita omo' mesa' nyarang kallang, nasakei tau ntoe timbangan.

Pengkitanna Yahya 6:7

Ia tonna piakki Anak Bembala' to segel mangpenna'pa', kusa'dingngi to olok-olok mangpenna'pa' metamba nakua, “Maleko mai!”

Pengkitanna Yahya 8:1

Ia tonna piakki Anak Bembala' to segel mangpempitu, makarorrong to suruga sangtangnga jang.