Pengkitanna Yahya 5:8 - Alkitab Duri

⁸ Ia tonna alami, ia to a'pa' olok-olok sola to duang pulo a'pa' tomatua-tua suju' ratu do' litak jio olona joo Anak Bembala'. Pada sitoe cu'bekan sola mangko' bulawan nanii dupa. Ia joo dupa, iamo passambajangna umma'-Na Puang Allataala.

Pengkitanna Yahya 5:8 ပူးပေါင်းရင်းမြစ်များ

Yahya 1:29

Masawanna malemi Puang Isa lako Nabi Yahya. Ia tonna kitai Nabi Yahya to Puang Isa mangkadami nakua, “Iamo joo Anak Bembala'-Na Puang Allataala ratu la ndampangan tolino.

Yahya 5:23

Napugaukki Ambe' susi joo, nakua nakasiri'na' sininna tau, susi tau ngkasiri' Ambe'-Ku'. Ia to tocia' ngkasiri'na', te'da toda nakasiri'i Ambe'-Ku' to ssuana'.

Ibrani 1:6

Apa ia tonna suai Puang Allataala to Anak tungga'-Na mentolino, mangkadai nakua, “Sininna malaeka'-Ku' la ssompai joo Anak-Ku'.”

Pengkitanna Yahya 13:8

La nasompa sininna to totuo lan lino, saliwanna to tomangkamo diuki' sanganna lan Sura' Katuoan tonna te'dapa nadipaden tee lino. Ia to Sura' Katuoan, sura'-Na Anak Bembala' to mangkamo digere'.

Pengkitanna Yahya 15:2

Mangkai joo too ngkita omo' sali maluah susi cammin sirau api, naden tau ke'deh jio randanna. Ia tuu lako tau mangka ntaloi to olok-olok to digaragan tau-taunna to den nomoro' mpamanassai to sanganna. Ia joo topatalo ntoe cu'bekan-Na Puang Allataala,

Pengkitanna Yahya 15:7

Mesa' jio mai joo a'pa' olok-olok mpangben pitu isotan bulawan lako joo pitu malaeka'. Ia joo isotan ponno kamabirisan-Na Puang Allataala to tuo te'da cappa'na.

Pengkitanna Yahya 19:4

Ia joo duang pulo a'pa' tomatua-tua sola a'pa' olok-olok, suju' ssompa Puang Allataala to cumadokko jao cadokkoan mala'bih. Pada mangkadai nakua, “Tonganmo! Pakala'bihhi Puang!”

Pengkitanna Yahya 4:4

Na ia to mengguririkkina joo cadokkoan mala'bih, denpa duang pulo a'pa' cadokkoan laen, nanii cumadokko duang pulo a'pa' tomatua-tua mangpakean mabusa na mpake mahkota bulawan.

Pengkitanna Yahya 4:6

Den too sali maluah susi cammin malinnong sangrupa kristal jio olona joo cadokkoan mala'bih lan tangnga. Ia to mengguririkkina joo cadokkoan mala'bih den a'pa' olok-olok buda matanna la jio olona, la jio boko'na.

Pengkitanna Yahya 4:8

Ia joo a'pa' olok-olok kepani' ngasan siannan. Ia to kalena sola pani'na ponno mata, makkelong tarruh nakua, “Mala'bih, mala'bih, mala'bih Puang Allataala to makuasa, to den tee too, denmo tonna jolona, na den tarruh too.”

Pengkitanna Yahya 5:11

Mangkai joo too ngkita omo' massa'bu-sa'bu malaeka' ngguririkkii joo cadokkoan mala'bih na a'pa' olok-olok sola duang pulo a'pa' tomatua-tua. Kuta'pa ssa'dingngi joo malaeka'

Pengkitanna Yahya 5:12

makkelong nnandongngi gamaranna nakua, “Ia joo Anak Bembala' mangka digere', sipato' ntarima kuasa, kasugiran, kapaissenan sola kamawatangan. Nang sipato' ia dikasiri', dipakala'bih, na dipuji.”

Pengkitanna Yahya 5:14

Na ia joo a'pa' olok-olok mebali nakua, “Amin.” Na ia to duang pulo a'pa' tomatua-tua suju' ratu do' litak massompa.

Pengkitanna Yahya 5:6

Ngkita pole' omo' cadokkoan mala'bih naguririkki a'pa' olok-olok. Ia joo duang pulo a'pa' tomatua-tua ngguririkkii joo cadokkoan sola a'pa' olok-olok. Na ia to Anak Bembala' ke'deh jio olona joo cadokkoan. Ia joo Anak Bembala' susi to mangka digere'. Den pitu tandukkuna na pitu matanna, iamo joo to pitu roh-Na Puang Allataala, to mangka disua male llingkai lino.

Pengkitanna Yahya 6:1

Mangkai joo too kukitami to Anak Bembala' mpiakki to segel bungahna, kusa'dingngi joo olok-olok bungahna metamba susi oni galugu nakua, “Maleko mai!”