Pengkitanna Yahya 5:6 - Alkitab Duri

⁶ Ngkita pole' omo' cadokkoan mala'bih naguririkki a'pa' olok-olok. Ia joo duang pulo a'pa' tomatua-tua ngguririkkii joo cadokkoan sola a'pa' olok-olok. Na ia to Anak Bembala' ke'deh jio olona joo cadokkoan. Ia joo Anak Bembala' susi to mangka digere'. Den pitu tandukkuna na pitu matanna, iamo joo to pitu roh-Na Puang Allataala, to mangka disua male llingkai lino.

Pengkitanna Yahya 5:6 ပူးပေါင်းရင်းမြစ်များ

Daniel 7:14

Namane' dibarakka'i kakuasan sola kamala'biran menjaji raja joo Anak Mentolino, arannai ratu to tau jio mai sininna bangsa, rapu tau na basa ssompai. Ia to kakuasanna tatta' te'da anggena, na ia to kaparentanna te'da nalata'de.

Daniel 8:3

Ngkitana' mesa' bembala' muane ke'deh jio randan sa'dan. Malando tandukkuna dua, apa sala mesa' to la'bih malandopa, to mane' tuo.

Lukas 1:69

Nabenmiki' Tomangpasalama' to makuasa, bati'na Raja Daud, taun-Na.

Yahya 1:29

Masawanna malemi Puang Isa lako Nabi Yahya. Ia tonna kitai Nabi Yahya to Puang Isa mangkadami nakua, “Iamo joo Anak Bembala'-Na Puang Allataala ratu la ndampangan tolino.

Yahya 1:36

Ia tonna kitai liu lalan to Puang Isa, nakuamo, “Iamo joo Anak Bembala'-Na Puang Allataala!”

Jamanna Rasulu' 8:32

Ia to aya' nabaca kumua, “Dipasusi bembala' dirui' lako ngenan panggeresan. Tangmangngapa susi anak bembala', ke digoncingngii to bulunna, susi toomi joo tangtiku'bi' timun-Na mpau kada sangbuku.

Pengkitanna Yahya 1:4

Tomala'bihku' sola ngasan jio pitu jamaa inde' propinsi Asia! Dennaa upa' nabarakka'i kamu' Puang Allataala to den tee too, denmo tonna jolona, na den tarruh too, sola pitu roh jio olona cadokkoan mala'bih-Na Puang Allataala, na Puang Isa Almaseh, anna ben kamu' kamasannangan sola ngasan.

Pengkitanna Yahya 12:11

Mangkami nataloi padanta' tomatappa' mpake rara-Na Anak Bembala' ba'tu rara-Na Puang Isa na Kareba Kasalamatan to mangkamo napangpeissenan. Te'da najampangngi sunga'na moi na la mpumatei.

Pengkitanna Yahya 13:8

La nasompa sininna to totuo lan lino, saliwanna to tomangkamo diuki' sanganna lan Sura' Katuoan tonna te'dapa nadipaden tee lino. Ia to Sura' Katuoan, sura'-Na Anak Bembala' to mangkamo digere'.

Pengkitanna Yahya 14:1

Mengkitana' na ia to Anak Bembala' ke'deh jao Buntu Sion. Den tau nasolan saratuh patang pulo a'pa' sa'bu to pada den sangan-Na Anak Bembala' sola sangan-Na Ambe'-Na Puang Allataala diuki' jio kidena.

Pengkitanna Yahya 17:14

Namane' mangrari joo olok-olok sola tuu lako raja nnewa Anak Bembala'. Apa ia joo Anak Bembala' ntaloi sola tau matappa'-Na, sanga iamo Puangna sininna puang na Rajana sininna raja.” Ia to taun-Na, iamo to mangka napilei anna pakedoi penawanna.

Pengkitanna Yahya 21:22

Te'da kukita Bola Puang Allataala lan, sanga ia to Puang Allataala to makuasa sola Anak Bembala' na ia bang una Bola Puang Allataala.

Pengkitanna Yahya 21:23

Te'da naparallu naarrang allo sola bulan, sanga kamala'biran-Na Puang Allataala na Anak Bembala' nnarrangngi.

Pengkitanna Yahya 22:1

Na ia joo malaeka' mpakitanna' to sa'dan malinnong cumbillan susi kristal. Ia to wainna mangpatuo, lolong jio mai cadokkoan mala'bih-Na Puang Allataala na Anak Bembala',

Pengkitanna Yahya 22:3

Te'da lalo ia to natampakki ropu Puang Allataala diampa' lan joo kota. Ia to cadokkoan mala'bih-Na Puang Allataala na Anak Bembala' la tatta' bang lan. Na ia to taun-Na la ssompai

Pengkitanna Yahya 4:8

Ia joo a'pa' olok-olok kepani' ngasan siannan. Ia to kalena sola pani'na ponno mata, makkelong tarruh nakua, “Mala'bih, mala'bih, mala'bih Puang Allataala to makuasa, to den tee too, denmo tonna jolona, na den tarruh too.”

Pengkitanna Yahya 5:11

Mangkai joo too ngkita omo' massa'bu-sa'bu malaeka' ngguririkkii joo cadokkoan mala'bih na a'pa' olok-olok sola duang pulo a'pa' tomatua-tua. Kuta'pa ssa'dingngi joo malaeka'

Pengkitanna Yahya 5:12

makkelong nnandongngi gamaranna nakua, “Ia joo Anak Bembala' mangka digere', sipato' ntarima kuasa, kasugiran, kapaissenan sola kamawatangan. Nang sipato' ia dikasiri', dipakala'bih, na dipuji.”

Pengkitanna Yahya 5:13

Ta'pa kusa'ding omi to sininna apa napaden Puang Allataala la jao suruga, la lan lino, la jiong lino tomate, la lan tasik, na makkelong ngasan nakua, “Ia to tocumadokko jao cadokkoan mala'bih lan tangnga na ia to Anak Bembala' dipuji, dikasiri', dipakala'bih, namakuasa te'da cappa'na.”

Pengkitanna Yahya 5:14

Na ia joo a'pa' olok-olok mebali nakua, “Amin.” Na ia to duang pulo a'pa' tomatua-tua suju' ratu do' litak massompa.

Pengkitanna Yahya 6:16

Metambai lako buntu na batu nakua, “Rondonko, musamboikan! Danggi' nakitakan to tocumadokko jao cadokkoan mala'bih lan tangnga, na danggi' nakannakan kamabirisanna Anak Bembala'.