Pengkitanna Yahya 5:5 - Alkitab Duri

⁵ Denni joo tomatua-tua mpangkadaina' nakua, “Danggi' mukumarrak, nasaba' patalomo to disanga Singa jio mai pangrapuanna Yehuda, bati'na Raja Daud to mala'bih. Iamo sipato' mpiakki joo pitu segel naballahhi joo sura' tilulun.”

Pengkitanna Yahya 5:5 ပူးပေါင်းရင်းမြစ်များ

Daniel 7:16

Jaji malena' mpendete'i to mesa' tau ke'deh jio, angkukutanaii kumua apa battuananna joo kukita anna pauanna' battuananna, nakua,

Lukas 23:28

Apa nasailei Puang Isa nakuanni, “Ee, kamu', baine to-Yerusalem! Danggi' mikillakkina'. Kalemimo mikillakki sola anakkami.

Lukas 7:13

Ia tonna kitami Puang Isa joo baine, massemi penawan-Na nakuanni, “Ee indo', danggi' takumarrak!”

Lukas 8:52

Sikarrakan to tau mbatingngii. Apa nakua Puang Isa ngkuanni, “Danggi' mikumarrak! Te'da ia namate, apa mamma'ri!”

Yahya 20:13

Mekutanai joo malaeka' nakua, “Oo indo', ciapari mikumillak?” Mebalii Maryam Magdalena nakua, “Mangkai naala tau to Puangku', na te'da kuissenni umbo napanii.”

Roma 1:3

Ia to Kareba Kasalamatan, iamo to karebanna Puangta' Puang Isa Almaseh, Anak Allataala. Ianna situru' katolinoan-Na, bati'nai Raja Daud,

Roma 15:12

Susi toda tee to napau Nabi Yesaya, “Jio mai bati'na Isai la jaji mesa' tau, to la mparenta sininna bangsa na lako kale-Na nanii sininna bangsa mangrannuan.”

Ibrani 7:14

Naissen ngasan tau kumua ia to Puangta' pole jio mai pangrapuanna Yehuda, na te'da naden napaui Nabi Musa kumua la den bati'na Yehuda menjaji imang.

Pengkitanna Yahya 1:1

Ia to issinna tee sura' iamo to apa la jaji madoi'. Napaui Puang Allataala lako Puang Isa Almaseh anna Ia mpangpeissenanni lako taun-Na. Iami joo nasuai Almaseh to malaeka'-Na mpangpekitanni lako aku' Yahya kaunan-Na.

Pengkitanna Yahya 22:16

Mangkadai Puang Isa nakua, “Aku' Puang Isa, mangkamo kusua to malaeka'-Ku' la mpamanassai to sininna tee lako jamaa. Aku'mo bati'na Raja Daud. Aku'mo susi bintuin sulo bai to mangngarrang ke melambi'.”

Pengkitanna Yahya 3:21

Ia to topatalo kueloran cumadokko jio sa'de-Ku' jao cadokkoan mala'bih-Ku' mangparenta. Susi Aku' patalomo' na cumadokkomo' sola Ambe'-Ku' jao cadokkoan mala'bih-Na kumangparenta sola.

Pengkitanna Yahya 4:4

Na ia to mengguririkkina joo cadokkoan mala'bih, denpa duang pulo a'pa' cadokkoan laen, nanii cumadokko duang pulo a'pa' tomatua-tua mangpakean mabusa na mpake mahkota bulawan.

Pengkitanna Yahya 5:4

Iamo joo kunna'de-a'de kumarrak, nasaba' moi mesa' tau te'da sipato' mballahhi nakitai.

Pengkitanna Yahya 6:1

Mangkai joo too kukitami to Anak Bembala' mpiakki to segel bungahna, kusa'dingngi joo olok-olok bungahna metamba susi oni galugu nakua, “Maleko mai!”

Pengkitanna Yahya 7:13

Denni joo tomatua-tua ngkutanaina' nakua, “Indara tee mai to mangpakean malando mabusa na topole umbora nanii?”