Pengkitanna Yahya 4:9 - Alkitab Duri

^9-10 Ia tonna massompa, mangpakala'bih na mangkurru sumanga' susi joo lako Puang to cumadokko jao cadokkoan mala'bih lan tangnga, to tuo te'da cappa'na, ia joo duang pulo a'pa' tomatua-tua pada suju' ratu do' litak ssompai, napalenna'i to mahkota bulawanna lako olo cadokkoan-Na, namangkada nakua,

Pengkitanna Yahya 4:9 ပူးပေါင်းရင်းမြစ်များ

Daniel 12:7

Ia joo malaeka' mangrupa tau, nnangka' dua limanna de' langi' na massapah jio olo-Na Puang Allataala to tuo te'da anggena, nakua, ‘La jaji tallung taun sitangnga masainna. Ianna mangkamo diancuru' to kamawatanganna umma'-Na Puang Allataala, mane'ri dianggei joo apa jaji.’

Daniel 4:34

Apa ia tonna ganna'mo pitung taun, ia tee aku' Nebukadnezar, mentingngarana' de' langi', na pole pole' to pangngingaranku'. Ta'pa kupujii, kupakala'bihhi kusompai Allataala Tomala'bih, to tuo te'da anggena. Kupakala'bihhi, nasaba' ia to kamakuasan-Na sola kaparentan-Na te'da anggena.

Ibrani 7:25

Iamo joo na te'da lalo natorroii mpasalama' tau to mangngolo lako Puang Allataala mpau sangan-Na, sanga tuo tarruhhi la mpangkadananni lako Puang Allataala.

Ibrani 7:8

Ia to imang bati'na Lewi, to ntarima passompan tawa sangpulona, la mate sanga tolino biasai. Apa ia to imang Melkisedek, to ntarima toda passompan tawa sangpulona, tuo tarruhhi ia situru' Sura' Allataala.

Pengkitanna Yahya 1:18

Aku'mo to tuo! Mangkamo' mate, apa tuo pole'mo' te'da cappa'na. Ngkuasaina' kamatean sola lino tomate.

Pengkitanna Yahya 10:6

Massapahhi mpau sangan-Na Puang Allataala to tuo te'da cappa'na, to mpaden langi', lino, tasik, sola issinna. Nakua, “Te'damo naladisorong to wattunna!

Pengkitanna Yahya 15:7

Mesa' jio mai joo a'pa' olok-olok mpangben pitu isotan bulawan lako joo pitu malaeka'. Ia joo isotan ponno kamabirisan-Na Puang Allataala to tuo te'da cappa'na.

Pengkitanna Yahya 21:5

Ia joo tocumadokko jao cadokkoan mala'bih mangkada nakua, “Kubarui ngasanmi.” Nakuan toopa', “Uki'i tee kada mangka kupau, sanga tongan nawa'ding dikatappa'i.”

Pengkitanna Yahya 4:2

Ta'pa nakuasaina' Roh Allataala, kumengkita walli, angkukita cadokkoan mala'bih jao suruga na den to cumadokko jao.

Pengkitanna Yahya 4:8

Ia joo a'pa' olok-olok kepani' ngasan siannan. Ia to kalena sola pani'na ponno mata, makkelong tarruh nakua, “Mala'bih, mala'bih, mala'bih Puang Allataala to makuasa, to den tee too, denmo tonna jolona, na den tarruh too.”

Pengkitanna Yahya 5:1

Mangkai joo too ngkitana' mesa' sura' tilulun jio lima kanan-Na joo to cumadokko jao cadokkoan mala'bih lan tangnga. Ia joo sura' tilulun buda pangnguki' jiong, moi jio boko'na, nadisegel pitu.

Pengkitanna Yahya 6:16

Metambai lako buntu na batu nakua, “Rondonko, musamboikan! Danggi' nakitakan to tocumadokko jao cadokkoan mala'bih lan tangnga, na danggi' nakannakan kamabirisanna Anak Bembala'.

Pengkitanna Yahya 7:15

Iamo joo nake'deh jio olo cadokkoan mala'bih-Na Puang Allataala nasompai allo-bongi lan Bola Puang Allataala. Na ia to tocumadokko jao, la torroi sola naampaii.