Pengkitanna Yahya 3:8 - Alkitab Duri

⁸ Iamo tee pepasan-Ku': Kuissen to apa mipugauk. Kuissen kumua te'da mimawatang. Apa mituru'mo to pangngajaran-Ku', na te'da mipessakkannina' kumua tangngiana' Puangmi. Mangkamo kamu' kutimbakan pelalan na moi inda te'da nakullei ssalli'i.

Pengkitanna Yahya 3:8 ပူးပေါင်းရင်းမြစ်များ

Kada Bulawan 30:9

Iamo ke sugihna', kupesakkanni-Ki' kumangkada kumua, ‘Indara to Puang Allataala?’ ba'tu ia ke kaasi-asina', mbai kumale boko, nanco'lai sangan-Ta'.”

Daniel 11:34

Mukkun bang unapa to tomacca dipatei na den tontulungngi apa ci'di'ra. Den too buda tau madoang nasolan apa naanggai'-gai'ra, sanga denri apa nakadoangngi.

Lukas 12:9

Apa ia to tompessakkannina' jio olona tobuda, kumua te'da namenturu' lako kale-Ku', la kupessakkanni todai jio olona malaeka'-Na Puang Allataala.

Yahya 15:20

Ingaranni to apa mangkamo kupauan kamu', ‘Ia to mesa' kaunan te'da nala'bih matande na puangna.’ Jaji ia ke mangkamo' nasessa, moi kamu' la nasessa too. Na ia ke naturu'i to pangngajaran-Ku', la naturu' tooi to pangngajaranmi.

Yahya 17:6

Kupangpeissenanmiki' lako sininna tau to mangkamo tabenna' lan tee lino. Ia tuu lako tau tabenna', taun-Ta', nanturu'mo kadan-Ta',

Jamanna Rasulu' 14:27

Ia tonna ratumo lako, nasuai nasirempun to jamaa jio kota Antiokhia. Nacuritan ngasanni matumbai Puang Allataala ntulungngi nawa'ding njama jamanna. Nacuritan tooi matumbai Puang Allataala ntulungngi anna ia to bangsa tangngia to-Yahudi memmatappa' lako Puang Isa.

1 Korintus 16:9

sanga den wattu melo inde' kunii njama jaman makkeguna, moi nabuda tau nnewalina'.

2 Korintus 2:12

Ia tongkuratumo jio kota Troas la mpangpeissenanna' karebanna Almaseh, nabenmo' Puang wattu la mangjama jio,

Filipi 4:13

Kukulle to sininna apa, sanga Puang Isa Almaseh mbenna' kapakullean.

Kolose 4:3

Passambajangankan, anna benkan wattu Puang Allataala mpangpeissenan akkatta-Na, to jolona tangnaissenpa tau, to napugaukmo Almaseh. Na iamora joo kuditarungku.

1 Timotius 5:8

Apa ia ke den tau te'da najaranai tomatuanna ba'tu repokkona, padai to mpessakkanni kamatapparanna. La'bih gaja' ia, na ia to totangmatappa'.

2 Timotius 4:7

Mangka kupengkulle-kullei mpangpeissenanni to Kareba Kasalamatan susi to massiewa watang na kudete'mi to kupangngujuinna. Matappa' tarruhna' lako Puang Isa angge cappa'na.

Yudas 1:4

Gaja parallu joo, nasaba' denmo guru tangtongan mentama buni tangnga-tangngami. Nakua kumua, “Pada-padaki' tomatappa'”, apa sitonganna cia'i mengkaturu' lako Puang Allataala. Nakua too kumua, “Wa'ding bangki' manggauk sala situru' pakkaeloran penawanta', sanga mangpakamoja' to Puang Allataala.” Iamo carana mbalik salai to pangngajaran pangpakamoja'-Na Puang Allataala. Te'da too natarimai to Puang Isa Almaseh kumua Ia manda mesa-mesanna Puangta' to makuasa. Ia joo guru tangtongan la nasessa Puang Allataala, sanga napau jolo nabi tonna anu' to pangcalla napattantumo Puang Allataala la nalolongan to tau susi joo.

Pengkitanna Yahya 2:13

Kuissen to minii mari'pih, iamo to nanii mangparenta Ballisi'. Matappa' tonganmo kamu' lako Aku'. Susinna tonna dibuno tomatappa'-Ku' Antipas jio olomi to nanii Ballisi' torro, anna te'da mipessakkannina' kumua tangngiana' Puangmi.

Pengkitanna Yahya 2:2

Kuissen to panggaukanmi. Tangmengkabo'jo' kamu' mangjama miliwa' sabbara'. Kuissen kumua tangmikabudai to tompugauk kagajatan. Miparessamo to tau ssanga rasulu' kalena na miampa'mo kumua sitonganna tomangnguragara.

Pengkitanna Yahya 22:7

Mangkadai Puang Isa nakua, “Ingaranni tee! La ratuna' madoi'! Masannang to tau nturu' pepasan-Na Puang Allataala lan tee sura'.”

Pengkitanna Yahya 3:1

Nasuana' nakua, “Uki'i susi tee lako malaeka'na jamaa jio kota Sardis: Ia tee pepasan pole jio mai Aku' to nnampui pitu roh jio mai Puang Allataala na pitu bintuin. Iamo tee pepasan-Ku': Kuissen to apa mipugauk. Nakua tau kumua disanga kamu' tuo, apa ianna Aku', kukua tomatemo kamu'.

Pengkitanna Yahya 3:10

Apa ianna dete'mi to wattu kamasussan nakanna ngasan pecoba to sininna tau lan lino la kupasalama' kamu', sanga mituru'mo to pangngajaran-Ku' mitatta' ntajanna'.

Pengkitanna Yahya 3:15

Iamo tee pepasan-Ku': Kuissen to apa mipugauk. Tangmalussu tangmacakke' kamu'. Sitonganna melo ke malussu pissen kamu' iarika macakke' pissen kamu'.

Pengkitanna Yahya 3:7

Nasuana' nakua, “Uki'i susi tee lako malaeka'na jamaa jio kota Filadelfia: Ia tee pepasan pole jio mai Aku' to tomala'bih na totongan, to ntoe goncingna Raja Daud. Ia ke kutimbakanni to pelalan, moi mesa' tau te'da wa'ding ssalli'i. Ia ke kusalli'ii, moi mesa' tau te'da wa'ding ntimbakanni.