Pengkitanna Yahya 3:5 - Alkitab Duri

⁵ Na ia to topatalo la kupapakeii pakean mabusa na te'da too kuta'deii sanganna lan Sura' Katuoan. Na la kuakui jio olo-Na Ambe'-Ku' sola sininna malaeka'-Na kumua umma'-Ku'.

Pengkitanna Yahya 3:5 ပူးပေါင်းရင်းမြစ်များ

Matius 10:32

Mpatarruhpa kadan-Na Puang Isa nakua, “Ia to tonnakuina' jio olona tobuda kumua tomenturu'i lako kale-Ku', la kuakui todai jio olo-Na Ambe'-Ku' jao suruga.

Lukas 10:20

Moi nasusi joo, danggi' mimario nasaba' naturu'mo kamu' setang, apa la mario kamu', nasaba' diuki'mo to sangammi jao suruga.”

Lukas 12:8

Mangkada unapa Puang Isa nakua, “La miingaran kumua, ia to tonnakuina' jio olona tobuda kumua tomenturu'i lako kale-Ku', la kuakui todai to Aku', Anak Mentolino, jio olona malaeka'-Na Puang Allataala.

Filipi 4:3

Ee, sangpangjamanku' sola ngasan! Kupeta'dapa lako kalemi, tulungngi tuu baine sola dua, to mangkamo kusibawan mpengkulle-kullei mpangpeissenan Kareba Kasalamatan sola Klemens, na budapa solaku' laenna, to diuki' sanganna lan Sura' Katuoan.

Yudas 1:24

Pujii to Puang Allataala, nasaba' makuasa nnampai kamu', ammitatta' matappa', na te'da caccami, mimasannang too sanggemmi mangngolo lako Ia to torro lan kamala'biran-Na.

Pengkitanna Yahya 13:8

La nasompa sininna to totuo lan lino, saliwanna to tomangkamo diuki' sanganna lan Sura' Katuoan tonna te'dapa nadipaden tee lino. Ia to Sura' Katuoan, sura'-Na Anak Bembala' to mangkamo digere'.

Pengkitanna Yahya 17:8

Ia tuu olok-olok mukita denmo natuo tonna anu', apa matemi too. Na cingga'tu'mora naendek jiong mai posi' tana, apa la dicallai te'da cappa'na. Ia to totuo lan lino to te'da nadiuki' sanganna lan Sura' Katuoan tonna te'dapa nadipaden tee lino, la jangngah ngkitai, sanga ia joo olok-olok tuomo jolona, na matemo, o naden pole' omi.

Pengkitanna Yahya 19:8

Ia to pakean kaen lenan cundallak dibenni la napake.” (Ia joo pakean kaen lenan iamo to panggaukan melo to napugauk umma'-Na Puang Allataala).

Pengkitanna Yahya 2:11

Ia to tomangpesa'ding la naingaran to apa napau Roh Allataala lako jamaa. Na ia to topatalo, te'damo nalamentama naraka to disanga too kamatean mangpenduan.”

Pengkitanna Yahya 2:7

Ia to tomangpesa'ding la naingaran to apa napau Roh Allataala lako jamaa. Na ia to topatalo, la kueloran ngkandei buanna to garonto' kaju katuoan lan bara'bah Eden-Na Puang Allataala.”

Pengkitanna Yahya 20:12

Kukita tooi to tomate, la tokaissenan, la tobiasa, ke'deh jio olona cadokkoan mala'bih. Diballahmi to ba'tu pira-pira sura' tilulun. Den omi mesa' sura' tilulun laen diballah, iamo Sura' Katuoan. Namane' dira'tah kara-karana tee mai tomate situru' to diuki' lan joo sura' tilulun.

Pengkitanna Yahya 21:27

Apa ia to apa carepa te'da lalo nawa'ding la mentama, susinna ia tompugauk apa mesirisan ba'tu mangnguraga. Ia to tau la mentama ia manda to tomangka diuki' sanganna lan Sura' Katuoan, sura'-Na Anak Bembala'.

Pengkitanna Yahya 22:19

Na ianna den tau nnalaii pira' to pangpatujun-Na Puang Allataala lan tee sura', la naalai tooi Puang Allataala to tawana bua kaju mangpatuo, na te'da naeloranni mari'pih lan kota-Na to napau tee sura'.”

Pengkitanna Yahya 3:12

Na ia to topatalo la kupenjaji ariri lan Bola-Na Puang-Ku', Puang Allataala anna la torro tarruh lan te'da cappa'na. La kuuki'i jio kalena joo tau to sangan-Na Puang-Ku', Puang Allataala, na sanga kota-Na, iamo Yerusalem baru to la mellao jao mai suruga jio mai Puang-Ku', Puang Allataala.

Pengkitanna Yahya 3:4

Apa ia to kamu' jamaa jio kota Sardis den unapa ba'tu pira-pira tau to melo sipa'na, to wa'ding la lumingka sola Aku' mangpakean mabusa, iamo to pakeanna tomelo penawanna, nasaba' sipato' ia.

Pengkitanna Yahya 6:11

Pada dibenni pakean malando mabusa, namane' disua kenden jolo' nasabbara' cingga'tu', anna dipaganna' bilanganna to padanna tomatappa' to la dibuno toda.