Pengkitanna Yahya 3:4 - Alkitab Duri

⁴ Apa ia to kamu' jamaa jio kota Sardis den unapa ba'tu pira-pira tau to melo sipa'na, to wa'ding la lumingka sola Aku' mangpakean mabusa, iamo to pakeanna tomelo penawanna, nasaba' sipato' ia.

Pengkitanna Yahya 3:4 ပူးပေါင်းရင်းမြစ်များ

Ester 8:15

Mangkai joo too malemi Mordekhai ssalai istana mpake pakean tomajao pangka'na, to kaen bulau na mabusa sola baju malando kaen allusu' makudara', namangsongko' bulawan liwa' kassing. Gaja sannangngi sola mario to tau lan kota Susan, na simetamba-tamban.

Matius 10:11

Ia ke ratu kamu' lako mesa' kota ba'tu kampong, angahhi tosipato'na la minii torro jio sanggemmi male pole' mpatarruh kalingkanmi.

Markus 16:5

Ta'pa tarruhmi tama liang. Apa gaja sabakanni, sanga ngkitai tokallolo mangpakean baju malando mabuccang cumadokko jio sa'de kanan.

Lukas 20:35

apa ia to tosipato' dipatuo pole' jio mai kamatean, na tuo jio lino undi te'damo ia tokebaine-kemuane.

Lukas 21:36

Majaga kamu', mimassambajang, ammimawatang nnoloi sininna to apa la jaji, miwa'ding mangngolo lako Aku', Anak Mentolino.”

Jamanna Rasulu' 1:15

Den wattu, tonna sirempun agi-agi saratuh duang pulo tomatappa', ke'dehmi Petrus mangkada nakua,

2 Tesalonika 1:5

Manassamo lako kita' to kamarurusan-Na Puang Allataala rra'tah kara-karana tolino. Mapa'dikmo kamu', nasaba' nturu' kamu' pakkaeloran-Na Puang Allataala, apa ia toomo joo midisanga sipato' menjaji taun-Na lan kaparentan-Na.

Yudas 1:23

Na ia ke den tau te'damo namatappa', la mipatuju rampa' pole'i anna dipasalama'. Iamo joo padami to mirui'i lan mai api naraka. Na ia ke den tooi tau to nturu' bang kamadoangan penawanna, kamaseii. Apa la majaga kamu', danggi' mipugauk toda dosa. Pakamoja'i to tomadosa, apa kaba'cii to dosana, pasusii pakean carepa.

Pengkitanna Yahya 1:11

Mangkadami nakua, “Uki'i lan sura' to apa mukita, ammukiringanni lako tee pitu jamaa, iamo to jamaa jio kota Efesus, Smirna, Pergamus, Tiatira, Sardis, Filadelfia, na Laodikia.”

Pengkitanna Yahya 11:13

Ia joo wattu ta'pa ninoi liwa' tonggo, na sangtawa sangpulona joo kota ro'pok na pitung sa'bu tau mate. Gaja laja'i to totuopa anna pakala'bih kuasan-Na Puang Allataala jao suruga.

Pengkitanna Yahya 14:4

Melo tuu lako tau, sanga te'da lalo ia nasola baine. La undi bang lako Anak Bembala', moi umbo nanii male. Ia to tau, mane' iara to dipasalama' dipasusi bungah bua dipangben lako Puang Allataala na lako Anak Bembala'.

Pengkitanna Yahya 19:14

Ia to surudadunna suruga undi nturu'i ssakei nyarang mabusa, namangpakean lenan mabuccang macerrong.

Pengkitanna Yahya 19:8

Ia to pakean kaen lenan cundallak dibenni la napake.” (Ia joo pakean kaen lenan iamo to panggaukan melo to napugauk umma'-Na Puang Allataala).

Pengkitanna Yahya 3:18

Jaji kupakainga' kamu' kumua allii to bulawan matasak lako Aku' misugih. Allii to pakean mabusa mipakei, danggi' mimangkale-kale mesirisan nakita tau. Mialli tooi to pejampi misapuanni matammi, nawa'ding pakita.

Pengkitanna Yahya 3:5

Na ia to topatalo la kupapakeii pakean mabusa na te'da too kuta'deii sanganna lan Sura' Katuoan. Na la kuakui jio olo-Na Ambe'-Ku' sola sininna malaeka'-Na kumua umma'-Ku'.

Pengkitanna Yahya 4:4

Na ia to mengguririkkina joo cadokkoan mala'bih, denpa duang pulo a'pa' cadokkoan laen, nanii cumadokko duang pulo a'pa' tomatua-tua mangpakean mabusa na mpake mahkota bulawan.

Pengkitanna Yahya 6:11

Pada dibenni pakean malando mabusa, namane' disua kenden jolo' nasabbara' cingga'tu', anna dipaganna' bilanganna to padanna tomatappa' to la dibuno toda.

Pengkitanna Yahya 7:9

Mangkai joo too ngkita omo' tau liwa' buda, tangdipura dibilang. Ia tuu lako tau pole jio mai simesa'-mesa' rapu tau, tondok, basa na bangsa. Mangpakean malando mabusa ngasan na ntoe palapa palem, mennolo lako Anak Bembala' sola cadokkoan mala'bih lan tangnga.