Pengkitanna Yahya 3:3 - Alkitab Duri

³ Jaji ingaran pole'i to pangpangngajah mangkamo misa'ding na mikatappa'imo. Turu'i joo mimengkatoba'. Ia ke te'dai mimangngingaran tongan-tongan, la ratuna' susi taboko, na te'da mikalannaii kuta'pa timba'.

Pengkitanna Yahya 3:3 ပူးပေါင်းရင်းမြစ်များ

Matius 25:13

Natampakkimi Puang Isa joo pangpasusian susi tee, “Iamo joo, majaga kamu', nasaba' te'da mikalannaii to karatuan-Ku'.”

Markus 13:33

Iamo joo, majaga kamu', nasaba' te'da mikalannaii to karatuan-Ku'.

1 Tesalonika 5:2

Miissen melomo kumua ia to wattu karatuan-Na pole' Puang Isa susi karatuanna taboko ratu bongi te'da nadikalannai.

1 Timotius 6:20

Ee, Timotius! La mujagai melo to pangngajaran napabarakkananko Puang Allataala. Danggi' mumatean wattu lako curita tangkebattuanna to tangkasiri' Puang Allataala, mupasalai tooi penawa to kasite'geran te'da bua'na, to nasanga tau kamaccan apa sitonganna tangngia.

2 Timotius 1:13

La mupangpangngajaran to pangngajaran tongan to mangka kuajaranko, mutatta' too matappa' sola mangpakamoja', nasaba' mesa' penawamoko sola Puang Isa Almaseh.

Ibrani 2:1

Mala'bih to Almaseh na ia to malaeka'. Iamo joo nagaja paralluki' nningaranni to pangngajah mangkamo tasa'ding, danggi' nasata'de-ta'dena to kamatapparanta'.

2 Petrus 1:13

Na kusanga kumua, ia ke tuo unapa', paralluna' mpangngingaran kamu', ammimasumanga'.

2 Petrus 3:1

Ee, tomala'bihku' to kupakamoja'! Mangpenduannamo tee sura' kukiringan kamu'. Ia to issinna tee dua sura' kupangngingaran kamu' to pangngajaran tongan anna ia to pikkirisanmi situru' pakkaeloran-Na Puang Allataala.

2 Petrus 3:10

Apa manassamo kumua la ratu pole'i to Puang Isa. Na ia to karatuan-Na te'da nadikalannai susi karatuanna taboko. Ia joo wattu ia to langi' lanynya'i na nnumbuk, na ia to sininna apa jao langi' la cappu' disumpun. Na ia to lino na sininna apa lan la lanynya' ngasanni.

Pengkitanna Yahya 16:15

Ingaranni kadan-Na Puang Isa, “Pesa'dingngii. La ratuna' susi taboko ke bongi. Masannang to topasa'ding bang anna pasadia pakeanna, nate'da namangkale-kale lumingka, nadanggi' namasiri' jio olona tobuda.”

Pengkitanna Yahya 2:25

La da'tan bang mituru' to pangngajah miissenmo saratung-Ku' mati'.

Pengkitanna Yahya 2:5

Iamo joo, ingaranmi to dosami, mimengkatoba', ammipugaukki to apa pura mipugauk jolona. Ia ke te'dai, ratuna' nnalai to tongkonan palitammi jio mai ngenanna.

Pengkitanna Yahya 22:7

Mangkadai Puang Isa nakua, “Ingaranni tee! La ratuna' madoi'! Masannang to tau nturu' pepasan-Na Puang Allataala lan tee sura'.”

Pengkitanna Yahya 3:11

Na la ratuna' mati' madoi'! Kanana'i meloi to apa miampuimo. Danggi' naalai kamu' tau to paraseng kapataloanmi.

Pengkitanna Yahya 3:19

Ia to tokupakamoja' kutarrusan bang kukuan ba'tu kupekaju. Iami joo pemaringngannimi penawammi mimengkatoba' jio mai dosami.

Pengkitanna Yahya 3:2

Iamo joo mangngingaran kamu' ammikanana'i tonganni to apa den unapa jio kalemi, ta'bulu'i te'da unapa nata'de tarruh. Nasaba' ia to panggaukanmi kukita, moi mesa' te'dapa nasusi to nakabudain-Na Puang-Ku' Puang Allataala