Pengkitanna Yahya 3:1 - Alkitab Duri

¹ Nasuana' nakua, “Uki'i susi tee lako malaeka'na jamaa jio kota Sardis: Ia tee pepasan pole jio mai Aku' to nnampui pitu roh jio mai Puang Allataala na pitu bintuin. Iamo tee pepasan-Ku': Kuissen to apa mipugauk. Nakua tau kumua disanga kamu' tuo, apa ianna Aku', kukua tomatemo kamu'.

Pengkitanna Yahya 3:1 ပူးပေါင်းရင်းမြစ်များ

Lukas 15:24

nasaba' ia tee anakkaku' samannamo to mangka mate natuo pole', mangkami ta'de nadiampa'.’ Napamulami mangmaroah-roah.

Lukas 15:32

Paralluki' mangmaroah-roah, nasaba' ia joo adimmu samannamo to mangka mate, apa tuo pole'mi. Mangkami ta'de, apa diampa'mi.’ ”

Yahya 1:16

Liwa' Ia mpakamoja'ki', na te'da ka'tun-Na mbarakka'iki'.

Yahya 1:33

Te'da kuissenni kumua Iamo Raja Mangpasalama', apa Puang Allataala to ssuana' njio' wai tau, mangka mpauanna' nakua, ‘Ia ke ngkitako Roh Allataala mellao jao mai langi', natorro jao mesa' tau, Iamo joo la njio' tau Roh Allataala.’ ”

Yahya 20:22

Namane' mpupessue penawan-Na lako anak gurun-Na nakua, “Tarimai to Roh Allataala.

Yahya 3:34

nasaba' Puang Isa nasua Puang Allataala mpangpeissenan kadan-Na, napangben pissenmo Puang Allataala to Roh Allataala lako Puang Isa.

Jamanna Rasulu' 2:33

Ia tonna pamatandei Puang Allataala napajioi sa'de kanan-Na, nabenni Roh Allataala to Puang Isa susi to dipau jolo, na Iamo mparatuankan joo Roh, susi tee misa'ding sola mikita too.

Efesus 2:1

Ia tonna jolona susi kamu' tomate, te'da miampui katuoan baru jio mai Puang Allataala, natumang kedo gaja'mi sola dosami.

Efesus 2:5

Iamo joo ia tontasusi unapa tomate natumang dosata', napatuo pole'miki' sola Almaseh. Napasalama'ki', nasaba' kameloan penawan-Na.

Kolose 2:13

Ia tonna jolona susimo kamu' tomate, te'da miampui katuoan baru jio mai Puang Allataala, nasaba' madosa kamu', na te'da midisunna' situru' atoran agama to-Yahudi. Apa ia tee too napatuomo kamu' Puang Allataala sola Almaseh. Nadampanganki' moi nabuda dosata'.

1 Timotius 5:6

Apa ia to baine te'damo muanena na nturu'i bang pakkaeloran penawanna, sitonganna tomatemo ia, moi natuo unapa.

Yakub 2:26

Mate to batang kale ke te'dai penawa lan, susi toda to kamatapparan to te'da nadipasiolanan panggaukan, mate toda ia, battuananna sitonganna te'da nadisanga kamatapparan.

1 Petrus 1:11

Roh-Na Almaseh ngkuasai tuu lako nabi anna pau joloi to kamaparrisan la naperasai Almaseh sola kamala'biran to naampa' o undinna. Napesa' tarruhhi sanga madoangngi nnissenni kumua piranra nalajaji joo kasalamatan na umbo nakua carana la jaji.

Yudas 1:12

Te'da namelo sipa'na tuu lako guru tangtongan. Ia ke kumande kamu' sola lan kasirempunanmi, liwa' maullak tuu lako tau na tangnnissen siri'. Mpangngundaran mesa kalena, te'da naingaranni kumua denpa tau laen. Ia tuu lako tau susii saleu' makase nairi' angin apa te'da nampaden uran. Susi tooi garonto' kaju te'da namembua, moi nawattunnamo la membua. Susi tooi garonto' kaju mangkamo direbu' sintong waka' namate.

Pengkitanna Yahya 1:11

Mangkadami nakua, “Uki'i lan sura' to apa mukita, ammukiringanni lako tee pitu jamaa, iamo to jamaa jio kota Efesus, Smirna, Pergamus, Tiatira, Sardis, Filadelfia, na Laodikia.”

Pengkitanna Yahya 1:16

Lima kanan-Na ntoe pitu bintuin anna den pa'dang mataran wali-wali messun lan mai anga'-Na. Ia to lindo-Na mangngarrang pasillo susi allo ke tangngai allo.

Pengkitanna Yahya 1:20

Ia to battuananna tee pitu bintuin to mukita jio lima kanan-Ku' sola tee pitu tongkonan bulawan susi tee: Ia to pitu bintuin, iamo malaeka'na to pitu jamaa. Na ia to pitu tongkonan, iamo to pitu jamaa.”

Pengkitanna Yahya 1:4

Tomala'bihku' sola ngasan jio pitu jamaa inde' propinsi Asia! Dennaa upa' nabarakka'i kamu' Puang Allataala to den tee too, denmo tonna jolona, na den tarruh too, sola pitu roh jio olona cadokkoan mala'bih-Na Puang Allataala, na Puang Isa Almaseh, anna ben kamu' kamasannangan sola ngasan.

Pengkitanna Yahya 2:13

Kuissen to minii mari'pih, iamo to nanii mangparenta Ballisi'. Matappa' tonganmo kamu' lako Aku'. Susinna tonna dibuno tomatappa'-Ku' Antipas jio olomi to nanii Ballisi' torro, anna te'da mipessakkannina' kumua tangngiana' Puangmi.

Pengkitanna Yahya 2:19

Kuissen ngasan to apa mipugauk. Susinna to kasipakamojatanmi, kamatapparanmi, kamatinulusanmi sola kasabbarasanmi. Kuissen kumua la'bih buda to mipugauk tee too, na ia tonna jolona.

Pengkitanna Yahya 2:2

Kuissen to panggaukanmi. Tangmengkabo'jo' kamu' mangjama miliwa' sabbara'. Kuissen kumua tangmikabudai to tompugauk kagajatan. Miparessamo to tau ssanga rasulu' kalena na miampa'mo kumua sitonganna tomangnguragara.

Pengkitanna Yahya 2:9

Kuissen to kamasussanmi na kamakario-rioanmi apa sitonganna sugih kamu'. Kuissen too to kada gaja' to naanggasan kamu' tuu mati' to ssanga kalena to-Yahudi apa te'da natongan, sanga umma'na ia Ballisi'.

Pengkitanna Yahya 3:15

Iamo tee pepasan-Ku': Kuissen to apa mipugauk. Tangmalussu tangmacakke' kamu'. Sitonganna melo ke malussu pissen kamu' iarika macakke' pissen kamu'.

Pengkitanna Yahya 3:2

Iamo joo mangngingaran kamu' ammikanana'i tonganni to apa den unapa jio kalemi, ta'bulu'i te'da unapa nata'de tarruh. Nasaba' ia to panggaukanmi kukita, moi mesa' te'dapa nasusi to nakabudain-Na Puang-Ku' Puang Allataala

Pengkitanna Yahya 3:8

Iamo tee pepasan-Ku': Kuissen to apa mipugauk. Kuissen kumua te'da mimawatang. Apa mituru'mo to pangngajaran-Ku', na te'da mipessakkannina' kumua tangngiana' Puangmi. Mangkamo kamu' kutimbakan pelalan na moi inda te'da nakullei ssalli'i.

Pengkitanna Yahya 4:5

Den kila' cullepa' na nnoni to galugu siloga-loga jio mai joo cadokkoan mala'bih lan tangnga. Den too pitu sulo dukku jio olona, iamo joo pitu roh-Na Puang Allataala.

Pengkitanna Yahya 5:6

Ngkita pole' omo' cadokkoan mala'bih naguririkki a'pa' olok-olok. Ia joo duang pulo a'pa' tomatua-tua ngguririkkii joo cadokkoan sola a'pa' olok-olok. Na ia to Anak Bembala' ke'deh jio olona joo cadokkoan. Ia joo Anak Bembala' susi to mangka digere'. Den pitu tandukkuna na pitu matanna, iamo joo to pitu roh-Na Puang Allataala, to mangka disua male llingkai lino.