Pengkitanna Yahya 22:9 - Alkitab Duri

⁹ Apa napangkadaina' nakua, “Danggi'! Danggi' sompana'! Puang Allataalara musompa! Sanga pada todisuariki' sola sile'tomu nabi na sininna tonturu' pepasan lan tee sura'.”

Pengkitanna Yahya 22:9 ပူးပေါင်းရင်းမြစ်များ

Matius 4:9

Nakua pole' omo lako Puang Isa, “La kuben ngasanko joo mukitanna, ke messuju'ko ssompana'.”

Lukas 4:7

Sininna joo la mupuapa, ke musompana'.”

1 Yahya 5:20

Taissenmo kumua mangkamo mentolino to Anak Allataala na mangka toomo mbenki' kapaissenan, antawa'ding nnissenni indara to Puang tongan. Mesa' penawamiki' sola Puang Allataala tongan, sanga mesa' penawamiki' sola Anak Allataala, Puang Isa Almaseh. Iamo Puang Allataala tongan, to mpangben katuoan melo te'da cappa'na.

Pengkitanna Yahya 1:1

Ia to issinna tee sura' iamo to apa la jaji madoi'. Napaui Puang Allataala lako Puang Isa Almaseh anna Ia mpangpeissenanni lako taun-Na. Iami joo nasuai Almaseh to malaeka'-Na mpangpekitanni lako aku' Yahya kaunan-Na.

Pengkitanna Yahya 1:11

Mangkadami nakua, “Uki'i lan sura' to apa mukita, ammukiringanni lako tee pitu jamaa, iamo to jamaa jio kota Efesus, Smirna, Pergamus, Tiatira, Sardis, Filadelfia, na Laodikia.”

Pengkitanna Yahya 14:7

Metambai nakua, “Massompa kamu' lako Puang Allataala, pakala'bihhi, sanga wattun-Nami Puang la rra'tah kara-karana tolino. Massompa kamu' lako Puang to mpaden langi' na lino, tasik na sininna mata wai.”

Pengkitanna Yahya 15:4

Indara tangkasiri'ki' Puang, na tangmpangpeissenan kamala'biran-Ta'? Kita' mandara to mala'bih. Sininna bangsa la ratu ssompaki', nasaba' nakitamo to pangra'tah-Ta' melo.”

Pengkitanna Yahya 19:10

Suju'na' jio olona joo malaeka' la ssompai, apa napangkadaina' nakua, “Danggi'! Danggi' sompana'. Puang Allataalara musompa! Nasaba' pada todisuariki' sola to sile'tomu to nturu' pangngajaran-Na Puang Isa!” Ia joo pangngajaran-Na Puang Isa iamo mpamasumanga' nabi.

Pengkitanna Yahya 22:10

Anna mangkadapa nakua, “Danggi' mubuniananni to pepasan dipau jolo lan tee sura', nasaba' mandoppi'mo wattunna la nanii jaji ngasan.

Pengkitanna Yahya 22:18

Aku' Yahya mpakainga' sininna to mpesa'dingngii tee pangpatujun-Na Puang Allataala lan tee sura' kukua, “Ianna den tau rrangnganni tee kada, la narangnganni too Puang Allataala to pangsessa napau tee sura'.

Pengkitanna Yahya 22:7

Mangkadai Puang Isa nakua, “Ingaranni tee! La ratuna' madoi'! Masannang to tau nturu' pepasan-Na Puang Allataala lan tee sura'.”

Pengkitanna Yahya 9:20

Ia tuu lako tau laen to mangkamo disessa apa te'da namate, te'da natorroii ssompa dewata to nagaraga susi tau-tau jio mai bulawan, salaka, tambaga, batu na kaju. Apa ia joo tau-tau mamang, te'da napakita ba'tu lumingka.