Pengkitanna Yahya 22:3 - Alkitab Duri

³ Te'da lalo ia to natampakki ropu Puang Allataala diampa' lan joo kota. Ia to cadokkoan mala'bih-Na Puang Allataala na Anak Bembala' la tatta' bang lan. Na ia to taun-Na la ssompai

Pengkitanna Yahya 22:3 ပူးပေါင်းရင်းမြစ်များ

Matius 25:21

Nakuamo joo puangna, ‘Gaja kassing tuu panggaukanmu! Natatta' makassing to penawammu lako aku'. La kupabarakkanniko to la'bih matonggo, sanga wa'dingko dikatappa'i moi na panggaukan biccu'ra. Malemoko mai, taperasai kamasannangan sola!’

Matius 25:41

Mangkai joo too kukuamo lako to to jio sa'de kairing-Ku' kumua, ‘Ee, kamu' to ditampakki ropu, palai kamu' ntee! Mentama kamu' api naraka dukku te'da cappa'na, to dipasadianmo Ballisi' sola tuu lako malaeka'na.

Yahya 12:26

Inda-inda kamu' to madoang mpangjamanna', la undii lako Aku', anna umbo-umbo kunii male, jio todai. Ia to tompangjamanna' la naangga' Ambe'-Ku'.”

Yahya 13:32

Ia na dipakala'bih to Puang Allataala nasaba' Aku', napakala'bih toona' Puang Allataala. Na madoi'mo Puang Allataala mpakala'bihna'.

Yahya 14:3

Ia ke mangkamo' male mpasadian kamu' ngenan, la ratu pole'na' kusolan kamu' lako, antatorro jio sola to kunii mari'pih.

Yahya 17:24

Oo Ambe', meta'dana' na ia tuu lako taun-Ta' to tabenna' la torro jio to kunii, anna kitai to kamala'biran-Ku'. Tabenmo' joo kamala'biran tonna te'dapa nadipaden tee lino, nasaba' tapakamoja'na'.

Pengkitanna Yahya 7:10

Naandongngii to gamaranna nakua, “Ia to kasalamatanta' pole jio mai Puangta' Puang Allataala to cumadokko jao cadokkoan mala'bih lan tangnga sola jio mai tee Anak Bembala'.”

Pengkitanna Yahya 7:9

Mangkai joo too ngkita omo' tau liwa' buda, tangdipura dibilang. Ia tuu lako tau pole jio mai simesa'-mesa' rapu tau, tondok, basa na bangsa. Mangpakean malando mabusa ngasan na ntoe palapa palem, mennolo lako Anak Bembala' sola cadokkoan mala'bih lan tangnga.