Pengkitanna Yahya 20:2 - Alkitab Duri

² Najokkoi joo naga, iamo to ulah tua disanga Ballisi' ba'tu puanggawana setang napumpungngi sangsa'bu taunna.

Pengkitanna Yahya 20:2 ပူးပေါင်းရင်းမြစ်များ

Matius 19:29

Ia to tossalaimo bolana, ba'tu sile'tona, tomatuanna, anakkana, ba'tu bara'bahna, nasaba' matappa'i lako Aku', la ntarimai pahalana manglokkon pessaratuh. Na la nnampa' toopa katuoan melo te'da cappa'na.

Matius 8:29

Metamba-tambami nakua, “Anak Allataala! La tapatumbamorakan tee? La ratumiriki'ka la ncallakan, na te'dapa nawattunna?”

Markus 4:15

Ia to banne ta'pah do' lalan dipasangrapangngi to tossa'ding kadan-Na Puang Allataala. Mangka manda nasa'ding joo kada, nata'pa ratu to Ballisi' rrampai joo kada mangka nasa'ding.

Markus 5:7

Nasuai Puang Isa joo setang, nakua, “Ee, setang, messunko lan mai tee tau!” Metambai joo setang nakua, “Oo, Puang Isa, Anak Allataala to kaminang makuasa! La tapatumbamora' tee? Nakitana' Puang Allataala, meta'dana' danggi' dikka' tacallana'!”

Yahya 12:31

Nadete'mi wattunna la dira'tah kara-karana tolino. Ia tee too la dica'beanmo lako salean to Ballisi' to ngkuasaii tee lino.

Yahya 16:11

La napamanassa too kumua la nasessami Puang Allataala to tolino, sanga disessami to Ballisi', to ngkuasai tee lino.

Roma 16:20

Puang Allataalamora, to mben kamasannangan lako tolino, la rro'pokanni to kuasa Ballisi'. Dennaa upa' nabarakka'i kamu' Puangta' Puang Isa Almaseh.

Ibrani 2:14

Ia tuu lako to nasanga anak, tolino ia. Iamo namentolino Puang Isa, anna menjaji susi tuu lako anak. Napugaukki susi joo, dikua anna ia to kamatean-Na wa'dingngi ntaloi Ballisi' to ngkuasai kamatean.

1 Petrus 5:8

La sadia kamu', ammimajaga! Nasaba' ia to ewalimmi Ballisi' susi bang singa lumingka male lako male jio mai, namangngaung-ngaung nnangahhi to la nakandena.

2 Petrus 2:4

La jajii susi joo, nasaba' te'da natangssessai Puang Allataala to malaeka' madosa, apa napembuanganni tama naraka, napatamai posi' tana malillin, to dinii ntarungkui arannai nadete' to wattu nanii Puang Allataala rra'tah kara-karana.

Yudas 1:6

Ingaran tooi to malaeka' tonna anu'. Den ba'tu pira-pira malaeka' cia' ntarimai to kuasa nabenni Puang Allataala, nasalaii to ngenanna jao suruga. Narantei Puang Allataala joo malaeka' te'da cappa'na, napatamai pangtarungkuan kaminang malillin sanadete'na Kiama' to lino to nanii Puang Allataala rra'tah kara-karana.

Pengkitanna Yahya 12:13

Ia tonna issenmi joo naga ba'tu Ballisi' kumua mangkami dipenca'bean tama lino, naula'imi joo baine mangka njajian pea muane.

Pengkitanna Yahya 12:15

Ia joo ulah mpemburasan wai liwa' buda lako boko'na joo baine namenjaji susi sa'dan dikua nabawai wai joo baine.

Pengkitanna Yahya 12:17

Liwa' birih joo naga lako joo baine anna male rrarii to anak laenna, iamo to tonturu' pakkaeloran-Na Puang Allataala sola to menjaji sa'bin-Na Puang Isa.

Pengkitanna Yahya 12:3

Ta'pa dikita pole' omi to tanda mejangngaran jao langi'. Den mesa' naga malea liwa' tonggo, ulunna pitu na sangpulo tandukkuna. Ia tuu lako ulunna pada mpake mahkota.

Pengkitanna Yahya 12:4

Ia to ikko'na napake rrui' sangtawa tallunna bintuin jao langi', napellekkosanni tama lino. Ia joo naga ke'deh bang jio olona joo baine la keanak, nakua anna ta'pa ngkandei to anakkana ke jajimi.

Pengkitanna Yahya 12:9

nadipenca'bean tama lino sola sininna malaeka'na. Ia to naga, iamo to ulah tua disanga Ballisi' ba'tu puanggawana setang to mpalao sala sininna tau lan lino.

Pengkitanna Yahya 13:2

Ia joo olok-olok kukita susi macang tutul, ia to ajena susi aje beruang na kasongona susi kasongo singa. Kamawatanganna naga sola cadokkoan mala'bihna na kuasanna to liwa' tonggo nabenni joo olok-olok.

Pengkitanna Yahya 13:4

Nasompai tolino joo naga, nasaba' mangkamo mbenni kuasa joo olok-olok, nasompa tooi joo olok-olok. Mangkadai nakua, “Te'da apa nasusian tee olok-olok. Te'da too to ngkullei rrarii.”

Pengkitanna Yahya 20:10

Na ia to Ballisi' mangka mpalao salai tuu lako tau, dipembuanganni tama api colo' manglanya-lanya to mangkamo dinii pembuanganni to olok-olok na nabi tangtongan. La dipa'dikki allo-bongi te'da cappa'na.

Pengkitanna Yahya 20:7

Ia tonna mangkamo joo sangsa'bu taunna, dila'paranmi joo Ballisi' lan mai pangtarungkuanna,

Pengkitanna Yahya 9:11

Den puanggawana mparentai, na ia joo puanggawana iamo malaeka' ngkuasai posi' tana. Disanga lan basa Ibrani Abadon. Lan basa Yunani disanga Apolion, battuananna: to manggaja'-gaja'.