Pengkitanna Yahya 2:3 - Alkitab Duri

³ Ia tommidipakario-rio nasaba' Aku', sabbara' kamu' na te'da mika'tu rannu.

Pengkitanna Yahya 2:3 ပူးပေါင်းရင်းမြစ်များ

Markus 15:21

Jio tangnga lalan sitammumi mesa' tau mangnguju lako kota Yerusalem, naparukui surudadu mpassan kaju sitamben-Na Puang Isa. Ia joo tau disanga Simon, to-Kirene, iamo ambe'na Aleksander sola Rufus.

Lukas 14:27

Ia to tocia' mpassan kaju sitambenna nturu'na', te'da nakullei menjaji tonturu'na'.

Lukas 18:1

Napauan pole' omi pangpasusian Puang Isa to anak gurun-Na la mpamanassai kumua danggi' naka'tu rannu sola marosso massambajang lako Puang Allataala.

Lukas 21:19

Ia ammimatappa' tarruh, la miampa' to katuoan melo te'da cappa'na.”

Lukas 5:5

Napebalii Simon nakua, “Oo Guru, sangbongi bangmokan bo'jo' tongan mangjala, na te'da bang bale kiampa'! Apa melomi kumangjala pole', nasaba' tasuana'.”

Lukas 8:15

Ia to banne tuo jio litak malompo dipasangrapangngi to tossa'ding kadan-Na Puang Allataala, napallan penawa meloi na maruruh penawanna, namatappa' tarruh sanggenna membua.”

Yahya 15:21

Na la nasessa kamu', sanga mituru'na' na te'da too naissenni to Ambe' to ssuana'.

Roma 12:12

Pesannangngii penawammi nasaba' tomangrannuan kamu' lako Puang Allataala. Sabbara' kamu', ke nakanna kamu' kamasussan, ammimassambajang tarruh bang.

Roma 16:12

Sallangku' lako Trifena sola Trifosa to tangmekabo'jo' mpangjaman Puang. Sallangku' lako Persis to kupakamoja', to tangmekabo'jo' too mpangjaman Puang.

Roma 2:7

Ia to toda'tan bang mpugauk kameloan, nakua anna nnampa' kamala'biran, kadipujian na katangmasolangan, la naben Puang Allataala katuoan melo te'da cappa'na.

Roma 8:25

Apa ia ke te'dapi taampa'i to apa tarannuan, la sabbara'ki' ntajanni.

1 Korintus 13:7

Tuli matana bang nnoloii to sininna apa, tuli nakatappa'i to apa melo jio mai tolaen. Tuli sabbara' na te'da namadoi' bang ka'tu rannu moi samatumbanna to apa jaji lako kalena.

1 Korintus 16:16

Meta'da tongan-tonganna' lako kamu', mituru'i to tosusi joo, sola tolaen to pada-pada mangjama ntulung tomatappa'.

2 Korintus 10:15

Te'da kipujii to apa te'da nasipato' dipuji, na te'da too kipuji kaleki' mpaui kumua ia to assele' jamanna tau laen sitonganna assele'ki'. Sibalikanna kiparannuan kumua samatappa'-tappa'mimo lako Almaseh, ammisangkasiri'-siri'nakan, nasaba' jamanki' lan tangnga-tangngami situru' to napattantuanmokan Puang Allataala.

2 Korintus 11:23

Tompangjamanraka Almaseh tuu mati' tau? Mangkada susina' tobango' tee, “Aku'mo tompangjaman Almaseh la'bih melo.” La'bih tangmekabo'jo'na' aku' mangjama, la'bih pembudamo' aku' ditarungku, la'bih pembuda toona' dirambi, na tuli ci'di'mora kumate.

2 Korintus 4:1

Kiissen kumua Puang Allataala mpabarakkannikan tee jaman, nasaba' melo penawan-Na lako kami'. Iamo joo na te'da kika'tu rannu.

2 Korintus 4:16

Iamo joo kupaui nena' kumua te'da kika'tu rannu. Moi na ia tee batang kaleki' disolangngi, apa ia to penawangki' allo-allo tuli dibarui.

2 Korintus 5:9

Tapengkulle-kullei mpemasannangngi Puang, la lanpiki' tee batang kaleta', la jaomiki' suruga sola.

2 Korintus 6:5

dirambikan, ditarungkukan ba'tu disigasa'ikan. Na kipengkullei tongan mangjama, biasakan tangmamma', biasa tookan tangkumande.

Galatia 6:2

La sibalian kamu' mpassan pamawanmi, sanga iamo joo la minii mpugaukki to atoran-Na Almaseh.

Galatia 6:9

Danggi' tamarosso mpugauk kameloan, nasaba' ia ke te'da tamarosso, nang la den pissen talolonganni to assele'na.

Filipi 2:16

ke mipangpeissenanni to Kareba Kasalamatan. Na ia ke susii joo, wa'dingna' mpumasannangngi ke ratu pole'mi Almaseh, sanga te'da nalao sala to jamanku'.

Filipi 4:3

Ee, sangpangjamanku' sola ngasan! Kupeta'dapa lako kalemi, tulungngi tuu baine sola dua, to mangkamo kusibawan mpengkulle-kullei mpangpeissenan Kareba Kasalamatan sola Klemens, na budapa solaku' laenna, to diuki' sanganna lan Sura' Katuoan.

Kolose 1:11

natuli mpamawatang kamu' kuasa mala'bih-Na, ammisabbara' mimario bang moi maparri' kamu',

1 Tesalonika 1:3

Mangkurru sumanga'kan sanga kiingaran tarruhhi jio olo-Na Ambe'ta' Puang Allataala to panggaukan melo mipugauk nasaba' kamatapparanmi. Kiingaran too to pangtulungmi lako padammi rupa tau nasaba' pangpakamoja'mi. Kiingaran kumua da'tan kamu' mawatang nnoloi mangrupa-rupa pecoba nasaba' mangrannuan kamu' lako Puangta' Puang Isa Almaseh.

1 Tesalonika 2:9

Miingaran unapa, umbo kikua mangngangah. Mangjama allo-bongi tongankan, dikua anna danggi' kisussai kamu' tongkipangpeissenan Kareba Kasalamatan jio mai Puang Allataala lako kamu'.

1 Tesalonika 5:12

Ee, tomala'bihku' sola ngasan! Kipeta'da tongan ammikasiri'i to pekaamberan lan jamaa. Iamo to tomangpatuju nnajahhi kamu' nturu' pakkaeloran-Na Puang Allataala.

2 Tesalonika 3:13

Apa kamu' tomala'bihku', danggi' mimarosso mpugauk kameloan.

2 Tesalonika 3:5

Dennaa upa' napatuju kamu' Puang ammiissen tonganni kumua napakamoja'mo kamu' Puang Allataala, na Puang Isa Almaseh ntulung kamu' ammimawatang ke naratui kamu' parri'.

2 Tesalonika 3:8

Te'da kikande punala bangngi to kandena tau. Kipengkaukui mangjama allo-bongi, kikua danggi' naden kamu' kisussai.

1 Timotius 4:10

Mangjamaki' tangmekabo'jo', nasaba' mangrannuanki' lako Puang Allataala to tuo tarruh. Iamo Tomangpasalama'na sininna tau, la'bih-la'bih sininna to tomatappa'.

1 Timotius 5:17

Ia to pekaamberan jamaa to mangjama tongan, la ditaratte' naditulung, la'bih-la'bih to mangngajahhi kadan-Na Puang Allataala.

Ibrani 10:36

Parallu kamu' sabbara', ammikullei mpugaukki to pakkaeloran-Na Puang Allataala. Ia ke susii joo la mitarimai to apa nabassean kamu'.

Ibrani 12:1

Ee, tomala'bihku'! Wa'ding dikua kumua, sininna joo tomatappa' tonna anu' susi saleu' mbombonniki'. Na ia joo kasa'bianna mpamawatang penawanta'. Iamo joo melo ke tapatorro ngasanni to apa mabanda', la'bih-la'bih dosa to tuli ssedeki'. Ia ke tapatorro ngasanmi, wa'dingmiki' mpugaukki to pakkaeloran-Na Puang Allataala ratu lako cappa'na.

Ibrani 13:13

Iamo joo tamalemo lako Puang Isa jio saleanan kampong antadicapa'-capa' sola.

Ibrani 6:10

Te'da natangmaruruh to Puang Allataala. Te'da natangnningaranni to apa mipugauk, iamo to pangpakamoja'mi to mipangpekitan lako kale-Na tommitulung padammi tomatappa', la jolona, la ia too allo.

Ibrani 6:12

Cia'kan ke memmakuttu kamu'. Apa madoangkan kumua miala palelean matai to tomatappa' lako Puang Allataala, anna sabbara' ntajanni sanaampa'na to apa nabasseanni Puang Allataala.

Ibrani 6:15

Sabbara'i to Nabi Ibrahim ntajanni to janjinna, sanggenna naampa' to apa nabasseanni Puang Allataala.

2 Petrus 1:6

Na te'da na ia manda joo kapaissenan miangah, apa la mipengkulle-kullei too ngkuasai kalemi. Na te'da na ia manda joo, apa la mawatang kamu' nnoloi kamaparrisan sola nturu' pakkaeloran-Na Puang Allataala.

Pengkitanna Yahya 1:9

Ia tee aku', Yahya, padammi tomatappa'. Dipakario-rio todana' susi kamu', sanga umma'-Na todana' Puang Allataala. Iami joo napasabbara' todana' Puang Isa susi kamu'. Dipali'na' ntee pulau Patmos, sanga mpangpeissenanna' kadan-Na Puang Allataala sola mpauna' kasa'bianku' to curitanna Puang Isa.

Pengkitanna Yahya 3:10

Apa ianna dete'mi to wattu kamasussan nakanna ngasan pecoba to sininna tau lan lino la kupasalama' kamu', sanga mituru'mo to pangngajaran-Ku' mitatta' ntajanna'.