Pengkitanna Yahya 2:23 - Alkitab Duri

²³ Sininna to tonturu'i la kubunoi too, anna issenni sininna jamaa kumua Aku' Puang to ntarruh penawanna tau. Na la kupabalahhi kamu' situru' panggaukanmi.

Pengkitanna Yahya 2:23 ပူးပေါင်းရင်းမြစ်များ

Matius 16:27

Te'damo namasai kuratu, Aku' Anak Mentolino sola malaeka'-Ku', angkupupangngarrangngi to kamala'biran-Na Ambe'-Ku'. Ia joo wattu la kunii mbenni assele' panggaukanna to tolino.

Lukas 16:15

Apa nakua Puang Isa lako, “Mianggai' bangra melo jio olona tau, apa naissen Puang Allataala to lan penawammi. Nasaba' apa to nasanga tolino mala'bih, nakaba'ci Puang Allataala.

Yahya 21:17

Mangpentallunna Puang Isa ngkutanaii nakua, “Simon anakkana Yona, mupakamoja'ra'ka?” Memmassei penawanna Petrus, nasaba' pentallunmi nakutanai Puang Isa. Mebali omi Petrus nakua, “Oo Puang. Kita' nnissenni to sininna apa. Taissen kumua kupakamoja'ki'!” Nakua Puang Isa ngkuanni, “Rewai to bembala'-Ku'.

Yahya 4:16

Nakua Puang Isa ngkuanni, “Malemoko ntambaii to balimmu muratu ssolanni ntee.”

Jamanna Rasulu' 1:24

Massambajangngi sola ngasan nakua, “Oo Puang, taissen ngasan to lan penawanna tau, pakitanmokan indannai tee tau sola dua to mangkamo tapilei,

Roma 14:12

Jaji, pada la mpebalianki' kaleta' to panggaukanta' lako Puang Allataala.

Roma 8:27

Puang Allataala, to nnissenni apa to lan penawanna tolino, naissen too apa to natungkanan joo Roh Allataala, sanga Ia mpeta'dai lako Puang Allataala apa to naparallui umma'-Na situru' pakkaeloran-Na.

2 Korintus 5:10

Nasaba' la dipangngolo ngasanki' lako Almaseh antapada diben assele' panggaukanta', la panggaukan melo, la panggaukan gaja'.

Galatia 6:5

sanga simesa'-mesa' tau pada la mpebalian kalena.

Ibrani 4:13

Moi mesa' to apa kepenawa te'da membuni jio olo-Na Puang Allataala. Sininna apa pajan jio olo-Na Puang Allataala. Na la tapebalii to panggaukanta' lako Puang Allataala.

1 Petrus 1:17

Ia ke massambajang kamu' lako Puang Allataala mekaambe' kamu'. Iamo joo la mikalaja' mikasiri'i, ke tuo unapa kamu' lan tee lino. Ia toomo Puang to tangmangpasilaenan rra'tah kara-karana tolino situru' panggaukanna.

Pengkitanna Yahya 2:11

Ia to tomangpesa'ding la naingaran to apa napau Roh Allataala lako jamaa. Na ia to topatalo, te'damo nalamentama naraka to disanga too kamatean mangpenduan.”

Pengkitanna Yahya 2:7

Ia to tomangpesa'ding la naingaran to apa napau Roh Allataala lako jamaa. Na ia to topatalo, la kueloran ngkandei buanna to garonto' kaju katuoan lan bara'bah Eden-Na Puang Allataala.”

Pengkitanna Yahya 20:12

Kukita tooi to tomate, la tokaissenan, la tobiasa, ke'deh jio olona cadokkoan mala'bih. Diballahmi to ba'tu pira-pira sura' tilulun. Den omi mesa' sura' tilulun laen diballah, iamo Sura' Katuoan. Namane' dira'tah kara-karana tee mai tomate situru' to diuki' lan joo sura' tilulun.

Pengkitanna Yahya 20:13

Anna pasun ngasanmi tasik to tosabu' mate lan. Na ia to Kamatean sola Lino Tomate mpangben too tomatena. Na ia tuu lako tomate dira'tah kara-karana situru' panggaukanna.

Pengkitanna Yahya 22:12

Mangkada pole' omi Puang Isa nakua, “Ingaranni tee! La ratuna' madoi' mbenni assele' panggaukanna to tolino.

Pengkitanna Yahya 6:8

Ta'pa ngkita omo' mesa' nyarang susi punti matasak to bulunna. Ia to tossakeii disanga Kamatean, na Lino Tomate undi bang jio boko'na. Dieloran mbunoi sangtawa a'pa'na tolino mpake kasirarian, karorian, ra'ba beang na olok-olok masia'.