Pengkitanna Yahya 2:14 - Alkitab Duri

¹⁴ Apa moi nasusi joo, den unapa tangkupumasannang lako kamu'. Den kamu' ba'tu pira-pira tonturu' pangngajaranna Bileam to nnajahhi Balak mpalao sala to-Israel nakandei to apa mangka dipassompan lako dewata, napugauk tooi to gauk mesirisan.

Pengkitanna Yahya 2:14 ပူးပေါင်းရင်းမြစ်များ

Matius 18:7

Na liwa' macilakanna to tolino, to tompalao sala padanna rupa tau. La den bang ia to tomangpalao sala, apa macilaka to tau susi joo.

Jamanna Rasulu' 15:29

Iamo joo danggi' mikandei to kande diharangan, moda', rara na kande mangka dipassompan lako dewata, iarika danggi' mimanggauk sala. Ianna te'damo mimanggauk susi joo, battuananna manggauk melomo kamu'. Anggemi ntee, pada salama'ki'!”

Jamanna Rasulu' 21:25

Apa ia to tomatappa' lako Puang Isa to bangsa tangngia to-Yahudi, mangkamo kikiringan sura' mpauanni to kara'tasanki' kumua, te'da nawa'ding ngkandei to kande dipangngolo lako dewata, te'da nawa'ding ngkande rara, ba'tu ngkande moda' na te'da too nawa'ding manggauk sala.”

Roma 11:9

Nakua too Raja Daud mangkada, “Ake'mo na ia to pangrameanna mpojai, namenjaji susi garuang nanii melolin nnampa' balahna.

Roma 14:13

Iamo joo, danggi' tasipasala melako. La'bih melo ia ke tapengkullei anna danggi' tapugauk dosa to napusaba' na padanta' tomatappa' mpugauk toda dosa.

Roma 14:21

La'biran danggi' mikandei to juku' ba'tu nniso' anggoro', ba'tu apa bangmo mipugauk, ke la napumadosari padammi tomatappa'.

Roma 9:32

Ciapari na te'da nakullei? Nasaba' te'da namatappa' lako Puang Allataala. Nasangari kumua wa'ding ia ke mpugaukki atoran agama. Jaji titodomi lako “Batu Katitodoan”,

1 Korintus 1:23

Ia to kita' mpangpeissenan mandaki' Almaseh to mate dipampang jao kaju sitamben. Cia' lalo to to-Yahudi ntarimai joo kareba na ia to bangsa tangngia to-Yahudi nasangari curita tangtongan.

1 Korintus 7:2

Apa dikua anna danggi' namanggauk sala to tau, melo ke denni balinna.

Ibrani 13:4

La mikasiri' sola ngasan to kasibalian, na ia to tosibali danggi' naangah tolaen nasolan mamma', sanga ia to tomanggauk sala la nasessai Puang Allataala.

Yosua 24:9

Ia joo wattu naewa kamu' rajana to-Moab disanga Balak, anakkana Zipor. Nasuai to taunna male sipangkada Bileam, anakkana Beor, dikua natangdoi kamu' Bileam.

1 Petrus 2:8

Na “Iamo joo batu nanii titodo tau na buda tau nalolinan.” Titodoi tuu lako tau, nasaba' cia'i ngkatappa'ii to kadan-Na Puang Allataala. Susimi joo to pura napattantu Puang Allataala lako kalena.

2 Petrus 2:15

Lao sala ngasanni, sanga pada cia'i nturu' pakkaeloran-Na Puang Allataala. Ia to naturu'i, iara to sipa'na Bileam anakkana Beor, to nakabudai ke disaroii na mpugauk kasalan.

Yudas 1:11

Macilaka ngasanni! Mpugaukki kagajatan susi to napugauk Kain. Mpugauk tooi dosa susi to napugauk Bileam, nasaba' madoang bangri kesaro. Dirabunnii nasaba' nnewai Puang Allataala susi to napugauk Korah tonna anu'.

Pengkitanna Yahya 2:20

Apa den unapa to tangkupumasannang lako kamu'. Mieloran Isebel to baine ssanga kalena nabi mangngajahhi. Ia joo pangngajahna budamo taung-Ku' napalao sala arannai manggauk sala, nakandei to apa mangka dipassompan lako dewata.

Pengkitanna Yahya 2:4

Apa moi nasusi joo den unapa tangkupumasannang lako kamu', sanga te'damo mipakamoja'na' susi jolona.

Pengkitanna Yahya 21:8

Apa ia to tolanjangan, tomboko'i Puang Isa, totangmessipa', topabuno, tomanggauk sala, tomangpatama-tama, tossompa dewata, na sininna tomangnguraga la dipenca'beanni tama api colo' manglanya-lanya. Iamo kamatean mangpenduan.”

Pengkitanna Yahya 22:15

Apa ia to tau mpugauk bangngi to panggaukan gaja', susinna topangkita-kita, tomanggauk sala, topabuno, tossompa dewata, topangnguraga la kadanna, la panggaukanna, ia ngasan tee tau la saleanan jio mai joo kota.