Pengkitanna Yahya 19:3 - Alkitab Duri

³ Metamba pole'mi joo tau buda nakua, “Pakala'bihhi Puang! Ma'bongmo joo kota tonggo, na ia to rambunna mangngumbun bang de', te'da cappa'na!”

Pengkitanna Yahya 19:3 ပူးပေါင်းရင်းမြစ်များ

Yudas 1:7

Ingaran tooi to tau torro jio kota Sodom na Gomora, sola tau jio kota mengguririkkina, napugauk todai susi to napugauk joo malaeka'. Ia tuu lako tau manggauk sala, nakabudai sigauk sala padanna muane ba'tu padanna baine, anna rabunnii Puang Allataala joo kota nakandei api sola to tau torro lan. Ia joo pangsessa susi joo menjaji pangpakainga' lako sininna tau, sanga susii to sessana api naraka dukku te'da cappa'na.

Pengkitanna Yahya 14:11

Ia to rambunna joo api pangsessa la endek tarruh bang de' te'da cappa'na, nasaba' te'da ka'tunna disessa tarruh bang joo tau allo-bongi. Iamo to tossompai joo olok-olok sola tau-taunna na to tompake tanda sanganna.”

Pengkitanna Yahya 18:18

Anna metamba tonna kitami rambunna to api llallei joo kota nakua, “Te'dapa ia kota susi tee matonggona.”

Pengkitanna Yahya 18:9

Na ia to raja lan lino to mangka nasigaukan sala na tuo kala'bian sola joo baine, la nakillakki nabatingngi tooi, ke nakitai to rambunna kota Babel disumpun tindak de'.

Pengkitanna Yahya 19:1

Mangkai joo too ssa'ding omo' susi gamaranna tau buda jao mai suruga metamba nakua, “Pakala'bihhi Puangta' Puang Allataala! Iamo mangpasalama', mala'bih na makuasa.

Pengkitanna Yahya 19:4

Ia joo duang pulo a'pa' tomatua-tua sola a'pa' olok-olok, suju' ssompa Puang Allataala to cumadokko jao cadokkoan mala'bih. Pada mangkadai nakua, “Tonganmo! Pakala'bihhi Puang!”