Pengkitanna Yahya 17:8 - Alkitab Duri

⁸ Ia tuu olok-olok mukita denmo natuo tonna anu', apa matemi too. Na cingga'tu'mora naendek jiong mai posi' tana, apa la dicallai te'da cappa'na. Ia to totuo lan lino to te'da nadiuki' sanganna lan Sura' Katuoan tonna te'dapa nadipaden tee lino, la jangngah ngkitai, sanga ia joo olok-olok tuomo jolona, na matemo, o naden pole' omi.

Pengkitanna Yahya 17:8 ပူးပေါင်းရင်းမြစ်များ

Daniel 11:45

Na la mpake'dehhi tendana to gaja kassing jio paralla'na Tasik Tangnga na buntu maballo to nanii Bola Puang Allataala. Apa la matei. Na moi mesa' tau, te'da ngkullei ntulungngi.’

Daniel 7:11

Kukita tarruhhi, sanga ia joo tanduk biccu' matampo bang unapi mangkada, namane' dipatei to olok-olok mangpennappa', na ia to kalena dipembuangan tama api naarannai ma'bong.

Daniel 7:26

Cumadokkomi to tomangra'tah kara-kara, napasoro'i mangparenta joo raja, naancuru'i arannai lanynya'.

Daniel 7:3

Na den appa' olok-olok gaja tonggo endek jiong mai tasik to silaen-laenan.

Daniel 7:7

Mangkai joo too, kukita omi lan tindoku', den omo olok-olok mangpennappa', gaja watang naliwa' melajatan. Ia to isinna bassi na gaja tonggo. Nagaru'tukki bang naamma'i to apa nakande, na ia to sesanna nalullu'. Silaenan ia na ia to olok-olok jolona, sangpulo toopa ia tandukkuna.

Matius 25:34

Mangkai joo too kukuamo lako to jio sa'de kanan-Ku' kumua, ‘Malemo kamu' mai sininna to tonabarakka'i Ambe'-Ku' Puang Allataala. Mentamamo kamu' kaparentan-Ku' to nang dipasadiamo sipamulanna lino.

Lukas 10:20

Moi nasusi joo, danggi' mimario nasaba' naturu'mo kamu' setang, apa la mario kamu', nasaba' diuki'mo to sangammi jao suruga.”

Lukas 8:31

Meta'dami tuu lako setang lako Puang Isa kumua, danggi' naula'i tamai posi' tana to gaja dalan.

Yahya 17:24

Oo Ambe', meta'dana' na ia tuu lako taun-Ta' to tabenna' la torro jio to kunii, anna kitai to kamala'biran-Ku'. Tabenmo' joo kamala'biran tonna te'dapa nadipaden tee lino, nasaba' tapakamoja'na'.

Jamanna Rasulu' 15:18

to mangka napangpeissenan tonna anu'.”

Efesus 1:4

Napakamoja'ki' Puang Allataala. Napileimiki' tonna te'dapa nadipaden tee lino nasaba' Almaseh, antawa'ding menjaji tau mesan-Na nate'da caccata' ba'tu kakuranganta'.

Titus 1:2

namangrannuan kumua la nnampa'i katuoan melo te'da cappa'na, to nabassemo Puang Allataala to tangmangnguraga tonna te'dapa nadipaden tee lino.

1 Petrus 1:20

Ia tonna te'dapa nadipaden tee lino napattantu jolomo Puang Allataala kumua Puang Isa Almaseh menjaji Tomangpasalama', na ia tee wattu la tampakkanami lino ratumi la mpasalama' kamu'.

Pengkitanna Yahya 11:7

Ia ke mangkami mpangpeissenan pepasan-Na Puang, naewami mesa' olok-olok messun jiong mai posi' tana, apa taloi, nadibuno.

Pengkitanna Yahya 17:11

Ia joo olok-olok denmo natuo tonna anu', apa matemo too, iamo raja mangpengkarua. Ia tee raja mangpengkarua sala mesa'na joo pitu raja, na la dicalla te'da cappa'na.

Pengkitanna Yahya 17:2

Iamo tee baine nasigaukan sala buda raja, na ia to tau lan lino malango nniso' anggoro' kedo gaja'na.”

Pengkitanna Yahya 20:10

Na ia to Ballisi' mangka mpalao salai tuu lako tau, dipembuanganni tama api colo' manglanya-lanya to mangkamo dinii pembuanganni to olok-olok na nabi tangtongan. La dipa'dikki allo-bongi te'da cappa'na.

Pengkitanna Yahya 20:12

Kukita tooi to tomate, la tokaissenan, la tobiasa, ke'deh jio olona cadokkoan mala'bih. Diballahmi to ba'tu pira-pira sura' tilulun. Den omi mesa' sura' tilulun laen diballah, iamo Sura' Katuoan. Namane' dira'tah kara-karana tee mai tomate situru' to diuki' lan joo sura' tilulun.

Pengkitanna Yahya 3:10

Apa ianna dete'mi to wattu kamasussan nakanna ngasan pecoba to sininna tau lan lino la kupasalama' kamu', sanga mituru'mo to pangngajaran-Ku' mitatta' ntajanna'.

Pengkitanna Yahya 3:5

Na ia to topatalo la kupapakeii pakean mabusa na te'da too kuta'deii sanganna lan Sura' Katuoan. Na la kuakui jio olo-Na Ambe'-Ku' sola sininna malaeka'-Na kumua umma'-Ku'.