Pengkitanna Yahya 17:3 - Alkitab Duri

³ Nakuasaina' Roh Allataala, nasolanna' joo malaeka' lako padang pallawangan. Angkukita mesa' baine cumadokko jao olok-olok malea. Ia joo olok-olok keulu pitu, ketanduk sangpulo, na ia to batang kalena ponno sanga diuki' to ncapa' Puang.

Pengkitanna Yahya 17:3 ပူးပေါင်းရင်းမြစ်များ

Daniel 11:36

Napugauk bang raja karajaan jajanna liu to apa nakadoangngi. Namenjaji matampo, nnangga' kalena la'bih mala'bih na ia to sininna dewata. La'bih-la'bih liwa' ncapa' Allataala to makuasa. La jaji ngasan susi to nakadoangngi arannai naperasai to kamabirisan-Na Puang Allataala. Nasaba' ia to mangka Napattantu Puang Allataala nang la jaji.

Daniel 7:20

Madoang toona' nnissenni battuananna to sangpulo tanduk jao ulunna sola to tanduk biccu' mane' ollong arannai tirebu'i to tanduk denmo jolona napollo. Ia to tanduk biccu' den matanna na ia to timunna mpau kada matampo. La'bih mejangngaran ia na ia to tanduk laenna.

Daniel 7:25

La mpaui kada to nnewa Allataala Tomala'bih, nasessa tooi to umma'-Na. La mpengkulle-kullei ssullei atoran sola wattu pangmaroasan to mangka Napattantu Allataala, naparentai to umma'-Na Allataala tallung taun sitangnga.

Daniel 7:8

Ia tongkukita unapi to tandukkuna, tuo omi mesa' to tanduk biccu' jio paralla'na, na tirebu'i to tallu tanduk jolona anna sipolloran. Na ia joo tanduk mane' tuo kemata susi mata tau na ia to timunna mpau kada matampo.

Matius 27:28

Naalaimi to bajun-Na napapakeii baju lando makudara'.

Jamanna Rasulu' 8:39

Ia tonna endekmo jiong mai wai, ta'pa ratumi Roh Allataala nnalai to Filipus nabawai, anna ia joo tomapangka' te'damo nakitai. Masannangngi mpatarruh kalingkanna.

2 Tesalonika 2:4

Ia joo Togaja' la nnewa Puang Allataala. Gaja burru' ia, sanga nakita majiong ngasan to nasompa tolino. Ia mandamo ssanga tau kalena, anna male cumadokko tama Bola Puang Allataala mpangpeissenan kalena kumua “Aku'mo Puang Allataala”.

Pengkitanna Yahya 1:10

Ia tonna allo Aha', nakuasaina' Roh Allataala angkusa'ding gamara jio boko'ku' liwa' tonggo, susi oni tarompe'.

Pengkitanna Yahya 12:14

Apa ia joo baine dibenni dua pani' langkan tedong matonggo napake mentia' lako padang pallawangan to dinii njaranaii tallung taun sitangnga anna salama' jio mai kamabirisanna joo ulah ba'tu Ballisi'.

Pengkitanna Yahya 12:3

Ta'pa dikita pole' omi to tanda mejangngaran jao langi'. Den mesa' naga malea liwa' tonggo, ulunna pitu na sangpulo tandukkuna. Ia tuu lako ulunna pada mpake mahkota.

Pengkitanna Yahya 12:6

Ia joo baine palaii lako ngenan to mangkamo napasadianni Puang jio padang pallawangan anna dijaranai jio sangsa'bu dua ratuh annan pulona allona.

Pengkitanna Yahya 17:18

Ia joo baine mukita, iamo to kota matonggo to nanii Tomaraja mparenta raja lan lino.”

Pengkitanna Yahya 17:4

Na ia joo baine mangbaju ungu sola malea, diballo-balloi bulawan, batu paramata na mutiara. Ia to limanna ntoe isotan bulawan ponno apa mesirisan na mecarepan, assele' panggaukanna.

Pengkitanna Yahya 18:12

Susinna te'damo tau nnalli bulawan, salaka, batu paramata na mutiaranna. Te'da toomo nnalli kaen lenan, kaen ungu, kaen sa'beng, na kaen malea anggoro', na mangrupa-rupa kaju to majarang diampa'. Ia too to ewanan gading, na kaju masuli' digaraga, na ia too to ewanan tambaga, bassi na pualam digaraga.

Pengkitanna Yahya 18:16

Anna mbussanan penawanna namangkada nakua, “Huu, liwa' ia cilakanna tee kota kaissenan. Tuli mangpakean kaen lenan, kaen ungu, na kaen malea anggoro', na ia to kalena naballo-balloi bulawan, batu paramata na mutiara.

Pengkitanna Yahya 21:10

Nakuasaina' Roh Allataala, nabawana' joo malaeka' de' potok buntu majao. Najillokanna' kota-Na Puang Allataala, iamo to Yerusalem mellao jao mai suruga, to nanii Puang Allataala.

Pengkitanna Yahya 4:2

Ta'pa nakuasaina' Roh Allataala, kumengkita walli, angkukita cadokkoan mala'bih jao suruga na den to cumadokko jao.