Pengkitanna Yahya 15:4 - Alkitab Duri

⁴ Indara tangkasiri'ki' Puang, na tangmpangpeissenan kamala'biran-Ta'? Kita' mandara to mala'bih. Sininna bangsa la ratu ssompaki', nasaba' nakitamo to pangra'tah-Ta' melo.”

Pengkitanna Yahya 15:4 ပူးပေါင်းရင်းမြစ်များ

Roma 15:9

Na ia to bangsa laen wa'ding mpakala'bih Puang Allataala, nasaba' kameloan penawan-Na Puang Allataala. Susi to diuki' lan Sura' Allataala kumua, “Iamo joo kupakala'bihki' lan tangnga-tangngana bangsa tangngia to-Yahudi. La kupakkelonganki' pangpujian mpau sangan-Ta'.”

1 Petrus 1:16

Nasaba' den diuki' lan Sura' Allataala, nakua Puang Allataala kumua, “La messipa' melo kamu', sanga tomelona'.”

Pengkitanna Yahya 11:15

Mangkai joo too ia to malaeka' mangpempitu mpannoni tarompe'na, naden gamara liwa' tonggo disa'ding jao suruga nakua, “Mammula tee too ia to lino menjajimi kadatuan-Na Puangta' Puang Allataala sola Raja Mangpasalama' to mangkamo napilei la mangparenta te'da cappa'na.”

Pengkitanna Yahya 14:7

Metambai nakua, “Massompa kamu' lako Puang Allataala, pakala'bihhi, sanga wattun-Nami Puang la rra'tah kara-karana tolino. Massompa kamu' lako Puang to mpaden langi' na lino, tasik na sininna mata wai.”

Pengkitanna Yahya 16:5

Ssa'ding pole' omo' malaeka' to ngkuasai wai mangkada nakua, “Oo, Puang! Mala'bihki', denki' tee too, na den toomiki' tonna jolona. Maruruhki' rra'tahhi kara-karana tolino susi tuu.

Pengkitanna Yahya 16:7

Ssa'ding pole' omo' gamara pole jao mai ngenan pangkaroban nakua, “Oo, Puang Allataala to makuasa! Tongan na maruruhki' rra'tah kara-karana tolino.”

Pengkitanna Yahya 19:2

Sanga tongan na maruruhhi pangra'tah-Na! Nara'tahmi kara-karana to baine bandarang nggajatan lino mpugaukki to mesirisan, na napabalahhimo to kadibunoanna taun-Na.”

Pengkitanna Yahya 19:8

Ia to pakean kaen lenan cundallak dibenni la napake.” (Ia joo pakean kaen lenan iamo to panggaukan melo to napugauk umma'-Na Puang Allataala).

Pengkitanna Yahya 3:7

Nasuana' nakua, “Uki'i susi tee lako malaeka'na jamaa jio kota Filadelfia: Ia tee pepasan pole jio mai Aku' to tomala'bih na totongan, to ntoe goncingna Raja Daud. Ia ke kutimbakanni to pelalan, moi mesa' tau te'da wa'ding ssalli'i. Ia ke kusalli'ii, moi mesa' tau te'da wa'ding ntimbakanni.

Pengkitanna Yahya 4:8

Ia joo a'pa' olok-olok kepani' ngasan siannan. Ia to kalena sola pani'na ponno mata, makkelong tarruh nakua, “Mala'bih, mala'bih, mala'bih Puang Allataala to makuasa, to den tee too, denmo tonna jolona, na den tarruh too.”

Pengkitanna Yahya 6:10

metambai nakua, “Oo Puang, matonggo kuasan-Ta', mala'bih na tongan. Pirapara masainna tamane' mbicarai tapabalahhii tee tolino to mangkamo mbunokan?”